శ్రీశైలం జలాశయంలో నీటి నిల్వలు క్రమంగా తగ్గిపోతున్నాయి. ఎగువ ప్రాంతాల నుంచి ప్రాజెక్టులోకి ఆశించిన స్థాయిలో వరద ప్రవాహం లేకపోవడం, అదే సమయంలో జల విద్యుత్ ఉత్పత్తి కోసం భారీ స్థాయిలో వేలాది క్యూసెక్కుల నీటిని దిగువకు విడుదల చేస్తుండటంతో శ్రీశైలం ప్రాజెక్టులో నీటిమట్టం వేగంగా పడిపోతోంది.
జలాశయం ప్రస్తుత పరిస్థితికి సంబంధించి అధికారులు కీలక గణాంకాలు వెల్లడించారు. శ్రీశైలం రిజర్వాయర్ పూర్తి స్థాయి నీటి నిల్వ సామర్థ్యం 215.80 టీఎంసీలు కాగా, ప్రస్తుతం ప్రాజెక్టులో కేవలం 89.29 టీఎంసీల నీరు మాత్రమే మిగిలి ఉన్నట్లు వారు స్పష్టం చేశారు. జలాశయం గరిష్ట నీటిమట్టం 885 అడుగులు కాగా, ప్రస్తుతం అందులో నీరు 850 అడుగుల వద్ద ఉన్నట్లు పేర్కొన్నారు.
ఒకవైపు విద్యుత్ ఉత్పత్తి కోసం నిరంతరాయంగా కొనసాగుతున్న నీటి విడుదల, మరోవైపు ఆవిరి రూపంలో కూడా కొంతమేర నీరు కోల్పోతుండటం వల్ల పరిస్థితి మారుతోందని అధికారులు వివరించారు. ఇలాగే కొనసాగితే, రాబోయే మరో నెల రోజుల్లో శ్రీశైలం ప్రాజెక్టులోని నీటిమట్టం మరింతగా తగ్గిపోయి ఏకంగా 830 అడుగులకు చేరుకుంటుందని వారు వెల్లడించారు.
భారత చీఫ్ సెలెక్టర్ రేసులో స్టార్ స్పిన్నర్ ప్రజ్ఞన్ ఓజా…?
జెట్ స్పీడ్తో దూసుకెళ్తున్న డబుల్ ఇంజిన్ సర్కార్.. మరింత పెరిగిన ఎన్డీయే గ్రాఫ్: సీఎం చంద్రబాబు