నెల్లూరు జిల్లా వేదాయపాలెం పోలీస్ స్టేషన్ పరిధిలో చోటుచేసుకున్న రౌడీషీటర్ సాయితేజ హత్య కేసును పోలీసులు వేగంగా ఛేదించారు. ఘటన జరిగిన 24 గంటల్లోనే కేసులో కీలకంగా ఉన్న 8 మంది నిందితులను అదుపులోకి తీసుకున్నట్లు పోలీసులు వెల్లడించారు.
ప్రాథమిక దర్యాప్తులో పాత కక్షలు, వ్యక్తిగత విభేదాలే ఈ హత్యకు కారణంగా పోలీసులు గుర్తించినట్లు సమాచారం. వివాదం నేపథ్యంలో సాయితేజపై నిందితులు దాడికి పాల్పడినట్లు తెలుస్తోంది. బండరాయితో తలపై తీవ్రంగా కొట్టడంతో సాయితేజ మృతి చెందినట్లు పోలీసుల విచారణలో వెల్లడైంది.
ఘటనపై కేసు నమోదు చేసిన వేదాయపాలెం పోలీసులు అన్ని కోణాల్లో దర్యాప్తు చేపట్టారు. సీసీ కెమెరాలు, ఇతర ఆధారాలను పరిశీలిస్తూ నిందితులను గుర్తించిన పోలీసులు.. 8 మందిని అరెస్ట్ చేశారు.
అయితే ఈ హత్యతో సంబంధం ఉన్న మరికొందరు నిందితులు పరారీలో ఉన్నట్లు పోలీసులు తెలిపారు. వారి కోసం ప్రత్యేక బృందాలతో గాలింపు చర్యలు కొనసాగుతున్నాయి. కేసుకు సంబంధించిన పూర్తి వివరాలను దర్యాప్తు అనంతరం వెల్లడించే అవకాశం ఉంది.
also read: తిరుమలలో బ్రహ్మోత్సవాలకు ముహూర్తం.. సెప్టెంబర్ 15 నుంచి శ్రీవారి ఉత్సవాలు