క్రైమ్ మిర్రర్ : తెలంగాణ ఫోక్ సాంగ్స్తో గుర్తింపు తెచ్చుకున్న ఫోక్ ఆర్టిస్ట్ ఈశ్వర్ సాయి ఓ వివాదంలో చిక్కుకున్నట్లు ప్రచారం జరుగుతోంది. మరో మహిళా ఫోక్ ఆర్టిస్ట్ మాధురి రాథోడ్తో కలిసి ఓ గదిలో ఉన్న సమయంలో ఈశ్వర్ సాయి భార్య అక్కడికి వెళ్లి ఇద్దరినీ పట్టుకున్నారంటూ సోషల్ మీడియాలో ఓ వీడియో వైరల్గా మారింది. ఈశ్వర్ సాయి భార్య తెలిపిన వివరాల ప్రకారం.. వేములవాడ మున్సిపల్ పరిధిలోని రెడ్డి భవన్లో తన భర్తతో పాటు మరో మహిళా ఆర్టిస్ట్ ఉన్నట్లు సమాచారం అందిందని పేర్కొన్నారు. దీంతో ఆమె అక్కడికి వెళ్లి ఇద్దరినీ ప్రశ్నించినట్లు సమాచారం. అనంతరం జరిగిన పరిణామాలపై వేములవాడ టౌన్ పోలీస్ స్టేషన్లో ఫిర్యాదు చేసినట్లు తెలుస్తోంది.
ఈ ఘటనకు సంబంధించిన వీడియో ప్రస్తుతం సోషల్ మీడియా ప్లాట్ఫామ్లలో విస్తృతంగా షేర్ అవుతోంది. వీడియోలో మాధురి రాథోడ్ ఓ మంచంపై కూర్చుని ఉండగా, ఈశ్వర్ సాయి బాత్రూమ్ నుంచి బయటకు వస్తున్న దృశ్యాలు కనిపిస్తున్నాయి. అయితే వీడియోకు సంబంధించిన పూర్తి సందర్భం, అందులో ఉన్న వ్యక్తుల వాదనలపై అధికారికంగా పూర్తి వివరాలు వెల్లడించాల్సి ఉంది. ఇప్పటికే ఈశ్వర్ సాయికి వివాహం జరిగిందని, ఆయనకు ఓ కుమారుడు కూడా ఉన్నట్లు సమాచారం. మరోవైపు ఈశ్వర్ సాయి, మాధురి రాథోడ్ కలిసి చేసిన పలు ఫోక్ సాంగ్స్కు సోషల్ మీడియాలో మంచి స్పందన లభించింది.
భార్య ఫిర్యాదు నేపథ్యంలో పోలీసులు ఈ వ్యవహారంపై విచారణ చేపట్టినట్లు తెలుస్తోంది. ఘటనకు సంబంధించిన పూర్తి వాస్తవాలు పోలీసుల దర్యాప్తు అనంతరం వెలుగులోకి రావాల్సి ఉంది. ప్రస్తుతం వైరల్ అవుతున్న వీడియో ఆధారంగా సోషల్ మీడియాలో భిన్నమైన ప్రచారాలు జరుగుతున్న నేపథ్యంలో, అధికారిక వివరాలు వచ్చే వరకు నిర్ధారణ కాని విషయాలను నమ్మకపోవడం మంచిది.
also read : బీమా పేరుతో సైబర్ మోసం.. యువకుడి ఖాతా నుంచి నగదు మాయం