మాస్ మహారాజా రవితేజ హీరోగా శివ నిర్వాణ దర్శకత్వంలో తెరకెక్కుతున్న ‘ఇరుముడి’ సినిమాపై ప్రేక్షకుల్లో ఆసక్తి నెలకొంది. అయ్యప్ప స్వామి మాల నేపథ్యంలో రూపొందుతున్న ఈ సినిమా ఆగస్టు 21న ప్రేక్షకుల ముందుకు రానుంది.
ఈ సినిమాలోని ‘మల్లెపూల పల్లకి.. బంగారు పల్లకి’ పాటకు చేసిన రీమిక్స్ తాజాగా చర్చనీయాంశంగా మారింది. ఒరిజినల్ పాటతో పోల్చుతూ కొందరు నెటిజన్లు నెగెటివ్ కామెంట్స్ చేయడంతో ఈ విషయంపై దర్శకుడు శివ నిర్వాణ స్పందించారు.
ఒరిజినల్ పాటకు స్వరం అందించిన డప్పు శ్రీను ప్రస్తుతం 60 ఏళ్ల వయసులో ఉన్నారని శివ నిర్వాణ తెలిపారు. దాదాపు 15 ఏళ్ల క్రితం ఉన్న వాయిస్తో ఇప్పుడు కూడా అదే విధంగా పాడటం సాధ్యం కాకపోవడం సహజమేనని ఆయన వివరించారు.
అయితే ఈ పాటను ప్రేక్షకులు, భక్తుల కోరిక మేరకే మళ్లీ రికార్డ్ చేశామని దర్శకుడు చెప్పారు. భక్తుల మనోభావాలను గౌరవిస్తూ పాటను కొత్తగా రూపొందించినట్లు వెల్లడించారు.
ఇక ఈ రీమిక్స్కు ఇప్పటికే మంచి స్పందన లభిస్తోందని, పాట 9 మిలియన్లకు పైగా వ్యూస్ సాధించిందని శివ నిర్వాణ పేర్కొన్నారు. దీంతో పాటపై వస్తున్న విమర్శలకు ఆయన వివరణ ఇచ్చినట్లయింది.
మొత్తానికి ‘ఇరుముడి’ విడుదలకు మరికొద్ది రోజులు మాత్రమే ఉండటంతో సినిమాపై అంచనాలు పెరుగుతున్నాయి. ఈ చిత్రం ప్రేక్షకులను ఏ మేరకు ఆకట్టుకుంటుందో చూడాలి.
also read: జూనియర్ ఎన్టీఆర్ ఇంట విషాదం.. పెంపుడు కుక్క ‘భగీర’ మృతి