హైదరాబాద్, క్రైమ్మిర్రర్: టీ అంటే చాలా మందికి కేవలం ఒక పానీయం కాదు.. రోజును ప్రారంభించే అలవాటు. ఉదయం లేవగానే ఒక కప్పు టీ తాగితేనే శరీరానికి ఉత్సాహం వచ్చినట్టు అనిపిస్తుంది. కొందరు అయితే రోజులో నాలుగు నుంచి ఐదు సార్లు కూడా టీ తాగుతుంటారు. కానీ టీని ఎప్పుడు తాగుతున్నాం అనేది కూడా చాలా ముఖ్యమని ఆరోగ్య నిపుణులు చెబుతున్నారు. సరైన సమయంలో టీ తాగితే ఆరోగ్యానికి మేలు చేస్తుంది. తప్పు సమయంలో తాగితే మాత్రం అనేక సమస్యలకు కారణమవుతుంది.
టీ తాగే సరైన సమయం...!
ఉదయం ఖాళీ కడుపుతో టీ తాగడం చాలా మందికి అలవాటు. కానీ ఇది మంచిది కాదు. ఖాళీ కడుపుతో టీ తాగితే కడుపులో యాసిడ్ పెరిగి గ్యాస్, గుండెల్లో మంట, అజీర్ణం వంటి సమస్యలు రావచ్చు. అందుకే బ్రేక్ఫాస్ట్ చేసిన తర్వాత ఒక గంట గ్యాప్ ఇచ్చి టీ తాగడం మంచిదని నిపుణులు సూచిస్తున్నారు.
మధ్యాహ్నం సమయంలో అలసటగా అనిపించినప్పుడు గ్రీన్ టీ లేదా తక్కువ పాలు ఉన్న టీ తాగితే శరీరానికి ఉత్సాహం వస్తుంది. టీ లో ఉండే కెఫీన్ మెదడును చురుకుగా పనిచేయించేలా సహాయపడుతుంది. అలాగే పనిపై ఫోకస్ కూడా పెరుగుతుంది. అయితే రోజుకు రెండు లేదా మూడు కప్పులకంటే ఎక్కువ టీ తాగకపోవడం మంచిది.
భోజనం చేసిన వెంటనే టీ తాగడం కూడా మంచిది కాదు. టీ లో ఉండే టానిన్స్ శరీరంలో ఐరన్ శోషణను తగ్గిస్తాయి. దీని వల్ల రక్తహీనత సమస్య వచ్చే అవకాశం ఉంటుంది. ముఖ్యంగా మహిళలు ఈ విషయంలో జాగ్రత్తగా ఉండాలి. భోజనం చేసిన తర్వాత కనీసం ఒకటి లేదా రెండు గంటలు గ్యాప్ ఇచ్చి టీ తాగాలి.
రాత్రి ఆలస్యంగా టీ తాగితే నిద్రలేమి సమస్యలు వస్తాయి. టీ లోని కెఫీన్ మెదడును యాక్టివ్గా ఉంచుతుంది. అందుకే పడుకునే ముందు టీ తాగకుండా ఉండటం మంచిది. రాత్రివేళ టీ తాగాలనిపిస్తే హెర్బల్ టీలు తీసుకోవచ్చు.
సరైన సమయంలో, సరైన మోతాదులో టీ తాగితే శరీరానికి శక్తి, ఉత్సాహం లభిస్తాయి. కానీ అధికంగా తాగితే ఆరోగ్య సమస్యలు తప్పవు. కాబట్టి టీ అలవాటులో చిన్న మార్పులు చేసుకుని ఆరోగ్యాన్ని కాపాడుకోవడం చాలా అవసరం
