సాధారణంగా టాయిలెట్ రూమ్ అనేది ఇంట్లో అవసరమైన భాగంగా మాత్రమే చాలామంది భావిస్తారు. కానీ ఒక టాయిలెట్ సీట్ విలాసవంతమైన భవనం లేదా ప్రైవేట్ జెట్ కంటే ఎక్కువ ధర పలికితే ఎలా ఉంటుంది అనే ప్రశ్న ఇప్పుడు ప్రపంచవ్యాప్తంగా చర్చనీయాంశంగా మారింది. ఇది కల్పితం కాదు.. నిజంగా జరిగిన సంఘటన. ప్రపంచంలోనే అత్యంత ఖరీదైన కమోడ్ ఇప్పుడు అంతర్జాతీయ వేలంలో సంచలనం సృష్టిస్తోంది.
Maurizio Cattelan’s ‘America’ is coming to auction at #SothebysNewYork this November—and for the first time ever, bids will open at the price of the object’s weight in gold on the day of the sale. pic.twitter.com/29Twj8UnwQ
— Sotheby's (@Sothebys) October 31, 2025
ఈ అరుదైన టాయిలెట్ సీట్ పూర్తిగా స్వచ్ఛమైన బంగారంతో తయారు చేశారు. ఇది సాధారణ డిజైన్ కాదు.. ఒక కళాఖండంగా రూపొందించిన ప్రత్యేక సృష్టి. దాదాపు 100 కిలోలకుపైగా బరువు ఉన్న ఈ టాయిలెట్ సీట్ను చూసిన వారు ఆశ్చర్యం వ్యక్తం చేస్తున్నారు. సాధారణ గృహోపకరణంగా కాకుండా, విలువైన కళా వస్తువుగా దీనిని పరిగణిస్తున్నారు.
ఈ బంగారు టాయిలెట్ సీట్కు “అమెరికా” అనే పేరు పెట్టారు. ఇది ప్రముఖ ఇటాలియన్ కళాకారుడు మౌరిజియో కాటెలాన్ రూపొందించిన ప్రఖ్యాత కళాకృతి. 18 క్యారెట్ బంగారంతో తయారైన ఈ కమోడ్ బరువు సుమారు 101.02 కిలోగ్రాములు. దీని ప్రారంభ వేలం ధరే 10 మిలియన్ డాలర్లు, అంటే భారత కరెన్సీలో దాదాపు రూ.88 కోట్లు కావడం విశేషం.
ఆశ్చర్యకరమైన విషయం ఏమిటంటే.. ఈ బంగారు టాయిలెట్ పూర్తిగా పనిచేస్తుంది. కేవలం ప్రదర్శన కోసం మాత్రమే కాకుండా, సాధారణ టాయిలెట్లాగానే ఉపయోగించవచ్చు. చాలామంది కళాఖండాలు అలంకరణ కోసమే ఉంటాయని భావిస్తారు. కానీ ‘అమెరికా’ టాయిలెట్ విషయంలో ఆ భావన పూర్తిగా తప్పని కళాకారుడు స్పష్టం చేశారు.
ఈ బంగారు టాయిలెట్ మొదటిసారిగా 2016లో రూపొందించబడింది. అప్పట్లో ఇలాంటి రెండు టాయిలెట్లను కాటెలాన్ తయారు చేశారు. వాటిలో ఒకటిని 2019లో ఇంగ్లండ్లోని బ్లెన్హీమ్ ప్యాలెస్లో ప్రదర్శనకు ఉంచగా, అది దొంగతనానికి గురైంది. దొంగలు ప్లంబింగ్ వ్యవస్థతో సహా ఆ టాయిలెట్ను తీసుకెళ్లిపోవడం అప్పట్లో సంచలనంగా మారింది.
ఆ దొంగిలించబడిన బంగారు టాయిలెట్ ఇప్పటికీ లభ్యం కాలేదు. దాన్ని దొంగలు కరిగించి ఉండవచ్చని పోలీసులు అనుమానం వ్యక్తం చేస్తున్నారు. ఇప్పుడు మిగిలిన రెండో బంగారు టాయిలెట్ వేలానికి రావడంతో మరోసారి ప్రపంచవ్యాప్తంగా ఆసక్తి నెలకొంది. సాధారణంగా అవసరమైన వస్తువు కూడా కళ, విలాసం, సంపదకు ప్రతీకగా మారవచ్చని ఈ ఘటన స్పష్టంగా చూపిస్తోంది.
ALSO READ: Rare Condom: రూ.44 వేలకు వేలంలో అమ్ముడుపోయిన 200 ఏళ్ల నాటి కండోమ్