స్త్రీల జీవన విధానంలో సహజసిద్ధమైన శారీరక ప్రక్రియ అయిన బుుతుస్రావం సమయంలో తులసి మొక్కను తాకకూడదని పెద్దలు చెప్పే ఆచారం చాలా కాలంగా కొనసాగుతోంది. చాలా ఇళ్లలో ఇప్పటికీ ఈ నియమాన్ని కట్టుదిట్టంగా పాటిస్తుంటారు. ఒకవేళ ఆ సమయంలో తులసి మొక్కను తాకితే అది ఎండిపోతుందని, అపవిత్రమవుతుందని నమ్మకం ఉంది. అయితే దీనికి సంబంధించిన శాస్త్రీయ ఆధారాలు ఇప్పటి వరకు ఎక్కడా నిర్ధారణ కాలేదు. స్త్రీల శరీరంలో జరిగే హార్మోన్ల మార్పులు మొక్కలపై ప్రభావం చూపుతాయని చెప్పే విషయానికి కూడా స్పష్టమైన ఆధారాలు లేవని నిపుణులు పేర్కొంటున్నారు. కాబట్టి తులసి మొక్క ఎండిపోవడం లేదా పాడవడం వంటి విషయాలు కేవలం అపోహలేనని చెప్పవచ్చు.
అయితే ఈ ఆచారం వెనుక ఉన్న అసలు ఉద్దేశాన్ని పరిశీలిస్తే అది పూర్తిగా ఆరోగ్య పరిరక్షణతో సంబంధం ఉన్నదని అర్థమవుతుంది. పూర్వ కాలంలో బుుతుస్రావం సమయంలో మహిళలు తీవ్రమైన కడుపు నొప్పి, అలసట వంటి సమస్యలను ఎదుర్కొనేవారు. ఆ కాలంలో సరైన వైద్య సౌకర్యాలు లేకపోవడం వల్ల వారికి విశ్రాంతి ఇవ్వడం అత్యంత అవసరమయ్యేది. అందుకే ఇంటి పనుల నుంచి దూరంగా ఉంచేందుకు, శారీరక శ్రమ తగ్గించేందుకు ఇలాంటి నియమాలను అమలు చేశారు. అలాగే ఆ సమయంలో పరిశుభ్రతపై అవగాహన తక్కువగా ఉండటంతో ఇన్ఫెక్షన్లు రాకుండా జాగ్రత్తగా ఉండాలని పెద్దలు భావించారు. అందుకే కఠిన నియమాలు పెట్టి మహిళలను రక్షించే ప్రయత్నం చేశారు.
ప్రస్తుత కాలంలో వైద్య సౌకర్యాలు మెరుగుపడటం, పరిశుభ్రతపై అవగాహన పెరగడం వల్ల ఈ నియమాలు చాలా వరకు తగ్గిపోయాయి. అయినప్పటికీ కొన్ని ప్రాంతాల్లో సంప్రదాయం పేరుతో ఇప్పటికీ ఈ ఆచారాన్ని కొనసాగిస్తున్నారు. అయితే బుుతుస్రావం సమయంలో తులసి మొక్కను తాకితే అది ఎండిపోతుందనే విషయానికి ఎలాంటి శాస్త్రీయ ఆధారాలు లేవని స్పష్టంగా చెప్పవచ్చు. కాబట్టి ఈ విషయంపై భయపడాల్సిన అవసరం లేదు. ఇది పూర్తిగా పాత కాలపు సంప్రదాయంలో భాగమని, ఆ సమయంలో మహిళలకు విశ్రాంతి కల్పించడమే ప్రధాన ఉద్దేశమని అర్థం చేసుకోవాలి.
NOTE: పై వార్తలో ఇవ్వబడిన సమాచారం మత విశ్వాసాలపై ఆధారపడి ఉంది. వీటిలో ఎలాంటి శాస్త్రీయ ఆధారాలు లేవని పాఠకులు గమనించాలి. క్రైమ్ మిర్రర్ దీనిని ధృవీకరించలేదు.
ALSO READ: పిల్లోస్ మురికిగా మారితే డోంట్ వర్రీ.. ఇలా చేసి చూడండి!
