Threat to Modi - Crime Mirror

భారత ప్రధాని నరేంద్రమోడీ త్వరలో ఆస్ట్రేలియా పర్యటనకు వెళ్లనున్న నేపథ్యంలో సోషల్ మీడియాలో ఆయనకు బెదిరింపు సందేశం రావడం కలకలం రేపింది. ఈ ఘటనపై ఆస్ట్రేలియా భద్రతా సంస్థలు వెంటనే అప్రమత్తమై దర్యాప్తు ప్రారంభించాయి. ప్రధాని మోదీ జులై 8 నుంచి 10 వరకు ఆస్ట్రేలియాలో పర్యటించనున్నారు. ఈ సందర్భంగా జులై 9న మెల్బోర్న్ లో నిర్వహించే ‘మెల్బోర్న్ మీట్స్ మోడీ’ కార్యక్రమంలో పాల్గొనాల్సి ఉంది. ఈ ఈవెంట్కు సంబంధించిన పోస్టుకు ఫేస్ బుక్ లో ఒక వ్యక్తి అభ్యంతరకర వ్యాఖ్య చేశాడు. "స్టేడియం పైకప్పును మూసేయండి.. మోడీ ఈ కార్యక్రమానికి వస్తే అది మరణం వైపు వెళ్లినట్టే" అనే అర్థంలో బెదిరింపు కామెంట్ పోస్టు చేశారు. ఈ కామెంట్ అబూ ముస్తాఫా అనే పేరుతో ఉన్న సోషల్ మీడియా ఖాతా నుంచి వచ్చినట్లు గుర్తించారు. విషయం తెలుసుకున్న వెంటనే ఆస్ట్రేలియా ఫెడరల్ పోలీసులు విచారణ ప్రారంభించారు. ఈ పోస్టు ఏ ఐపీ అడ్రస్ నుంచి వచ్చిందో కూడా అధికారులు గుర్తించినట్లు సమాచారం. అయితే ఈ ఘటనలో ఇప్పటివరకు ఎవరినైనా అదుపులోకి తీసుకున్నారా లేదా అనే విషయంపై అధికారిక సమాచారం వెలువడలేదు. ఈ బెదిరింపును చాలా తీవ్రంగా పరిగణిస్తున్నామని ఆస్ట్రేలియా అధికారులు తెలిపారు. భద్రతా సంస్థలు వివిధ కోణాల్లో విచారణ కొనసాగిస్తున్నాయి. ప్రధాని మోడీ పర్యటన సందర్భంగా భద్రతను మరింత కట్టుదిట్టం చేసే అవకాశం ఉందని భావిస్తున్నారు. ఈ పర్యటనలో మోడీ పలు కీలక కార్యక్రమాల్లో పాల్గొననున్నారు. ముఖ్యంగా ఆస్ట్రేలియా-భారత్ వార్షిక సమావేశంలో కూడా ఆయన పాల్గొంటారు. ఈ సమావేశాల గురించి ఆస్ట్రేలియా ప్రధాని ఆంటోనీ ఆల్బనీస్ కీలక విషయాలు వెల్లడించారు. భారత్ తమ దేశానికి ముఖ్యమైన వ్యూహాత్మక, ఆర్థిక భాగస్వామి అన్నారు.

Tag: Threat to Modi

Most Read

Kajal Aggarwal: వర్కింగ్ అవర్స్‌ పై కాజల్ కీలక వ్యాఖ్యలు.. ఇండస్ట్రీలో మళ్లీ చర్చ!

ప్రధాని మోదీకి బెదిరింపులు.. మృత్యువు కోసం వస్తున్నట్టే అని హెచ్చరిక.!

పవన్‌పై గాదె సాయి కృష్ణ తల్లి తీవ్ర విమర్శలు.. బుద్ధి చెప్పావంటూ ఆగ్రహం

రాష్ట్ర ప్రభుత్వంపై బొత్స ఫైర్.. పాలన గాలికి వదిలేసారంటూ విమర్శ.!

EDITOR PICKS

Threat To PM Modi: మోడీ వస్తే చావడం పక్కా, భారత ప్రధానికి హత్యా బెదిరింపులు!

POPULAR POSTS

మునుగోడు ఆశ..రాజన్న శ్వాస..

డ్రైవింగ్ లైసెన్స్‌ నేరుగా ఇంటికే..!

RGV: బలవంతుడిదే రాజ్యం.. గెలిచిన వారి మతంలో చేరుతా!

POPULAR CATEGORY

ABOUT US

Trending Tags

WhatsApp Channel