Telangana crime news - Crime Mirror

మంచిర్యాల జిల్లా కేంద్రంలో చోటుచేసుకున్న ఓ దారుణ ఘటన పోలీస్ శాఖ ప్రతిష్టకే మచ్చగా మారింది. మద్యం మత్తులో ఉన్న పోలీస్ కానిస్టేబుల్ రవిప్రసాద్ నడిరోడ్డుపై వీరంగం సృష్టిస్తూ అమానుషంగా ప్రవర్తించిన ఘటన స్థానికులను తీవ్రంగా కలచివేసింది. అర్ధనగ్నంగా బయటకు వచ్చిన అతడు.. తన భార్యతో పాటు మూడేళ్ల చిన్నారి అయిన కూతురిని కూడా ఏమాత్రం కనికరం లేకుండా కొట్టిన దృశ్యాలు కలకలం రేపాయి. ప్రజలు చూస్తుండగానే రోడ్డుపై జరిగిన ఈ ఘటన మానవత్వాన్ని ప్రశ్నార్థకంగా మార్చింది. విధి నిర్వహణలో చట్టాన్ని కాపాడాల్సిన వ్యక్తే ఇలా చట్టాన్ని, మానవ విలువలను కాలరాసిన తీరు తీవ్ర విమర్శలకు దారి తీస్తోంది. ఈ ఘటనలో మరింత కలచివేసే అంశం ఏమిటంటే.. బాధితురాలైన అతడి భార్య కూడా పోలీస్ శాఖలోనే ఉద్యోగం చేస్తున్నట్లు సమాచారం. కుటుంబ కలహాల నేపథ్యంలో మద్యం మత్తులో నియంత్రణ కోల్పోయిన రవిప్రసాద్ భార్య, బిడ్డలను ఇంటి నుంచి బయటకు వెళ్లగొట్టి, అనంతరం రోడ్డుపై దాడికి దిగినట్లు పోలీసులు ప్రాథమికంగా గుర్తించారు. చిన్నారి ముందే తల్లి పై దాడి జరగడం స్థానికులను షాక్కు గురి చేసింది. చిన్న వయసులోనే ఆ బాలిక ఎదుర్కొన్న ఈ దృశ్యాలు మానసికంగా తీవ్ర ప్రభావం చూపే అవకాశముంది. ఘటన జరుగుతున్న సమయంలో అక్కడున్న స్థానికులు సెల్ఫోన్లలో వీడియోలు రికార్డ్ చేసి పోలీసులకు అందించారు. వీడియోలు సోషల్ మీడియాలో కూడా చక్కర్లు కొట్టడంతో విషయం మరింత సంచలనంగా మారింది. ప్రజా రహదారిపై పోలీస్ కానిస్టేబుల్ చేసిన ఈ దారుణ ప్రవర్తనపై తీవ్ర ఆగ్రహం వ్యక్తమవుతోంది. చట్టాన్ని అమలు చేసే బాధ్యత కలిగిన వ్యక్తి నుంచి ఇలాంటి చర్యలు రావడం పోలీస్ వ్యవస్థపై నమ్మకాన్ని దెబ్బతీస్తోందన్న విమర్శలు వినిపిస్తున్నాయి. సమాచారం అందుకున్న పోలీసులు వెంటనే కేసు నమోదు చేసి దర్యాప్తు ప్రారంభించారు. నిందితుడి నివాసానికి వెళ్లి విచారణ చేపట్టిన అధికారులు, ఘటనకు ముందు భార్య, కుమార్తెను ఇంటి నుంచి బయటకు పంపినట్లు నిర్ధారించారు. మద్యం మత్తులోనే ఈ హింసాత్మక ఘటనకు పాల్పడినట్లు ప్రాథమిక దర్యాప్తులో తేలినట్లు తెలుస్తోంది. బాధితురాలు ఇచ్చే పూర్తి వాంగ్మూలం, వైద్య నివేదికలు, స్థానికులు తీసిన వీడియో ఆధారాలపై తదుపరి చర్యలు తీసుకునే అవకాశం ఉందని అధికారులు చెబుతున్నారు. పోలీస్ శాఖ ఉన్నతాధికారులు ఈ వ్యవహారాన్ని ఎంతవరకు సీరియస్గా తీసుకుంటారు, నిందితుడిపై ఎలాంటి శాఖాపరమైన చర్యలు ఉంటాయన్నది ఇప్పుడు ఆసక్తిగా మారింది. ఈ ఘటనకు సంబంధించిన పూర్తి వివరాలు, దర్యాప్తులో వెలుగులోకి వచ్చే అంశాలు ఇంకా తెలియాల్సి ఉంది. ALSO READ: Harassment: కారులో వెళ్తూ మహిళలకు ఫ్లయింగ్ కిస్లు.. చివరికి (VIDEO)

Tag: Telangana crime news

Most Read

అసెంబ్లీ పొడిగింపు వెనుక వ్యూహం…రేవంత్ భారీ స్కెచ్!

కత్తితో బెదిరించి రూ.20 వేల డిమాండ్.. రౌడీషీటర్ అరెస్ట్

మైనర్‌పై లైంగిక దాడి కేసు.. 8 మంది నిందితులకు డ్రగ్స్ పరీక్షలు

డబ్బుల వివాదం.. తండ్రిపై కత్తితో దాడి చేసి హత్య

EDITOR PICKS

భర్త వేధింపులు భరించలేక వివాహిత ఆత్మహత్య.. పెళ్లైన మూడు నెలలకే విషాదం

నిజామాబాద్‌లో దారుణం…బంగారం కోసం వృద్ధురాలి చెవులు కోసిన దుండగుడు…

దారి తప్పిన బాలుడు…! స్పందించిన పోలీసులు…

POPULAR POSTS

మునుగోడు ఆశ..రాజన్న శ్వాస..

డ్రైవింగ్ లైసెన్స్‌ నేరుగా ఇంటికే..!

RGV: బలవంతుడిదే రాజ్యం.. గెలిచిన వారి మతంలో చేరుతా!

POPULAR CATEGORY

ABOUT US

Trending Tags