tech news - Crime Mirror

అమెరికా–చైనా మధ్య కొనసాగుతున్న వాణిజ్య, భౌగోళిక ఉద్రిక్తతల నేపథ్యంలో టెక్ దిగ్గజం గూగుల్ కీలక నిర్ణయం దిశగా అడుగులు వేస్తున్నట్లు సమాచారం. 2027 నాటికి చైనాలో పిక్సెల్ స్మార్ట్ఫోన్లు, స్మార్ట్వాచ్లు, వైర్లెస్ ఇయర్బడ్స్ సహా తన హార్డ్వేర్ ఉత్పత్తుల తయారీని పూర్తిగా నిలిపివేసే ప్రణాళికలో ఉన్నట్లు తెలుస్తోంది. వియత్నాం, భారత్కు తయారీ కేంద్రాల తరలింపు చైనాపై తయారీ ఆధారపడటాన్ని తగ్గించుకునే క్రమంలో గూగుల్ తన ఉత్పత్తుల తయారీని వియత్నాం, భారత్ వంటి దేశాలకు మరింత విస్తరించాలని చూస్తున్నట్లు సమాచారం. ఇప్పటికే పిక్సెల్ సిరీస్లోని కొన్ని మోడళ్లను భారత్లో తయారు చేస్తున్న గూగుల్.. భవిష్యత్తులో దేశంలో ఉత్పత్తి సామర్థ్యాన్ని మరింత పెంచే అవకాశం ఉంది. తమ సరఫరాదారులకు కూడా ఈ మార్పులపై గూగుల్ ముందుగానే సమాచారం అందించినట్లు టెక్ వర్గాల్లో చర్చ జరుగుతోంది. ముఖ్యంగా కొత్త పిక్సెల్ సిరీస్ ఉత్పత్తిలో వియత్నాంలో సాధించిన పురోగతి.. చైనా నుంచి తయారీని తరలించే ప్రణాళికకు మరింత బలాన్నిచ్చినట్లు తెలుస్తోంది. భారత్లో మరింత పెరగనున్న పిక్సెల్ తయారీ భారత్లో ఇప్పటికే గూగుల్కు చెందిన పిక్సెల్ ఫోన్ల తయారీకి ఫాక్స్కాన్, డిక్సన్ టెక్నాలజీస్ వంటి భాగస్వామ్య సంస్థలు పనిచేస్తున్నాయి. తమిళనాడు, ఉత్తరప్రదేశ్ కేంద్రాల ద్వారా పిక్సెల్ పరికరాల తయారీ కొనసాగుతోంది. చైనా నుంచి తయారీ కార్యకలాపాలను పూర్తిగా తరలించే ప్రణాళిక అమలైతే.. వియత్నాంతో పాటు భారత్ కూడా గూగుల్ గ్లోబల్ సప్లై చైన్లో కీలక కేంద్రంగా మారే అవకాశం ఉంది. భవిష్యత్తులో భారత్లో తయారయ్యే మరిన్ని పిక్సెల్ పరికరాలపై ‘మేడ్ ఇన్ ఇండియా’ ముద్ర కనిపించే అవకాశాలు ఉన్నాయి. చైనా మార్కెట్పై ప్రభావం తక్కువేనా? చైనాలో గూగుల్ తన పిక్సెల్ స్మార్ట్ఫోన్లను అధికారికంగా పెద్ద స్థాయిలో విక్రయించడం లేదు. దీంతో తయారీ కార్యకలాపాలను అక్కడి నుంచి ఇతర దేశాలకు తరలించడం.. చైనా మార్కెట్పై నేరుగా ఆధారపడే సంస్థలతో పోలిస్తే గూగుల్కు కొంత సులభంగా ఉండొచ్చని పరిశ్రమ వర్గాలు భావిస్తున్నాయి. పిక్సెల్ అమ్మకాలపై గూగుల్ భారీ టార్గెట్ మరోవైపు పిక్సెల్ స్మార్ట్ఫోన్ల అమ్మకాలను పెంచడంపైనా గూగుల్ ప్రత్యేక దృష్టి పెట్టింది. 2025లో సుమారు 1.2 కోట్ల పిక్సెల్ ఫోన్లను విక్రయించిన సంస్థ.. ఈ ఏడాది ఆ సంఖ్యను 1.3 కోట్లకు పెంచుకోవాలని లక్ష్యంగా పెట్టుకున్నట్లు సమాచారం. అదే సమయంలో గూగుల్ తన జెమిని ఏఐ ఫీచర్లను పిక్సెల్ ఫోన్లలో మరింత విస్తృతంగా అందుబాటులోకి తీసుకురావాలని చూస్తోంది. ఏఐ ఆధారిత ఫీచర్లను పిక్సెల్ పరికరాలకు ప్రధాన ఆకర్షణగా మార్చడం ద్వారా అమ్మకాలను పెంచుకోవాలని సంస్థ భావిస్తున్నట్లు తెలుస్తోంది. మొత్తంగా చూస్తే.. గూగుల్ చైనా నుంచి హార్డ్వేర్ తయారీని దశలవారీగా బయటకు తీసుకెళ్లే ప్రణాళిక అమలైతే, భారత్కు మాత్రం ఇది భారీ అవకాశంగా మారే అవకాశం ఉంది. పిక్సెల్ ఫోన్ల తయారీ, ఎగుమతుల్లో భారత్ పాత్ర మరింత పెరిగే అవకాశం కనిపిస్తోంది. also read: మాదాపూర్లో విషాదం.. రోడ్డు దాటుతుండగా యువతిని ఢీకొట్టిన కారు

Tag: tech news

Most Read

షామ్లీలో సింగర్‌ అంకిత్ పై దారుణ కాల్పులు.. 30 సెకన్లలో 20 రౌండ్లు!

ఎమ్మెల్సీ మీర్జా రెహ్మత్‌ బేగ్‌కు బెదిరింపులు.. డీప్‌ఫేక్‌ వీడియోల పేరుతో డబ్బుల డిమాండ్‌

UP Crime: విద్యార్థిపై టీచర్‌ దాష్టీకం.. 39 సెకన్లలో 17 చెంపదెబ్బలు!

అంబటి రాంబాబుకు అస్వస్థత.. అపోలోలో స్టెంట్‌ అమర్చిన వైద్యులు

EDITOR PICKS

చైనాకు గూగుల్ భారీ షాక్.. పిక్సెల్ తయారీకి భారత్ కీలకం!

బిల్ గేట్స్ కుమార్తెకు ఊహించని షాక్… ఫియా షాపింగ్ స్టార్టప్‌పై ‘కుకీ స్టఫింగ్’ ఆరోపణలు..

మెటా పై భారీ కేసు: పిల్లల మానసిక ఆరోగ్యంపై ప్రభావం చూపుతోందని ఆరోపణలు

POPULAR POSTS

మునుగోడు ఆశ..రాజన్న శ్వాస..

డ్రైవింగ్ లైసెన్స్‌ నేరుగా ఇంటికే..!

RGV: బలవంతుడిదే రాజ్యం.. గెలిచిన వారి మతంలో చేరుతా!

POPULAR CATEGORY

ABOUT US

Trending Tags