Hyderabad crime news - Crime Mirror

అమెరికాలో హైదరాబాద్కు చెందిన యువతి నిఖిత గొడిశాల (27) హత్య కేసులో తెలంగాణ పోలీసులు కీలక పురోగతి సాధించారు. ఈ కేసులో ప్రధాన నిందితుడిగా అనుమానిస్తున్న అర్జున్ శర్మను ఉత్తరప్రదేశ్లోని ఆగ్రాలో పోలీసులు అదుపులోకి తీసుకున్నారు. నిందితుడిని అమెరికా అధికారులకు అప్పగించే ప్రక్రియ కొనసాగుతున్నట్లు తెలుస్తోంది. హైదరాబాద్లోని లాలాగూడ విజయపురి కాలనీకి చెందిన నిఖిత గొడిశాల ఉన్నత విద్య కోసం సుమారు నాలుగేళ్ల క్రితం అమెరికాకు వెళ్లారు. అక్కడ చదువుతో పాటు ఉద్యోగం కూడా చేస్తున్నట్లు సమాచారం. ఈ ఏడాది జనవరి 2న నిఖిత కనిపించడం లేదంటూ ఆమె మాజీ రూమ్మేట్, సాఫ్ట్వేర్ ఇంజినీర్ అర్జున్ శర్మ అమెరికా పోలీసులకు ఫిర్యాదు చేశాడు. ఫిర్యాదు చేసిన అనంతరం అతడు భారత్కు తిరిగి వచ్చినట్లు దర్యాప్తులో గుర్తించారు. అయితే అర్జున్ ఫిర్యాదు చేసిన మరుసటి రోజే అతనికి సంబంధించిన అపార్ట్మెంట్లో నిఖిత మృతదేహం లభ్యమైంది. ఆమె శరీరంపై కత్తిపోట్ల ఆనవాళ్లు ఉన్నట్లు పోలీసులు గుర్తించారు. అప్పటికే మృతదేహం కుళ్లిపోయిన స్థితిలో ఉండటంతో, నిఖిత డిసెంబర్ 31న హత్యకు గురై ఉండవచ్చని దర్యాప్తు అధికారులు అనుమానించారు. కుమార్తె మృతిపై నిఖిత తండ్రి ఆనంద్ హైదరాబాద్ పోలీసులకు ఫిర్యాదు చేశారు. తన కుమార్తె వద్ద అర్జున్ శర్మ డబ్బు తీసుకున్నాడని, ఆ మొత్తాన్ని తిరిగి ఇవ్వాలని నిఖిత కోరడంతోనే ఆమెను హత్య చేసి ఉండవచ్చని ఆయన ఆరోపించారు. ఈ ఫిర్యాదు ఆధారంగా కేసు నమోదు చేసిన హైదరాబాద్ పోలీసులు సాంకేతిక ఆధారాలతో దర్యాప్తును ముమ్మరం చేశారు. అర్జున్ ఆచూకీని ట్రాక్ చేసిన అధికారులు చివరకు అతడు ఆగ్రాలో ఉన్నట్లు గుర్తించి అరెస్ట్ చేశారు. అనంతరం అర్జున్ శర్మను ఢిల్లీలోని పాటియాలా హౌస్ కోర్టులో హాజరుపరిచారు. అమెరికా అధికారుల అభ్యర్థన నేపథ్యంలో అతడిని అమెరికాకు అప్పగించేందుకు సంబంధించిన న్యాయ ప్రక్రియ కొనసాగుతోంది. ఈ కేసులో హత్యకు దారితీసిన కారణాలు, నిందితుడి పాత్రపై మరింత సమాచారం దర్యాప్తులో వెలుగులోకి రావాల్సి ఉంది. also read: ‘టాక్సిక్’పై అన్నామలై సంచలన వ్యాఖ్యలు.. మహిళల చిత్రీకరణపై తీవ్ర అభ్యంతరం

Tag: Hyderabad crime news

Most Read

నాది సౌత్ ఇండియా.. ఆ యాస రాక ఏం చేస్తుంది?: విమర్శలకు రష్మిక ఘాటు సమాధానం

రజనీ – కమల్ క్రేజీ ప్రాజెక్ట్ షురూ.. వచ్చే నెలలోనే షూటింగ్ ప్రారంభం?

ఏపీలో వాయుగుండం కలకలం.. నేటి నుంచి విస్తారంగా భారీ వర్షాలు!

వైభవ్‌ను టీమ్‌ఇండియా నుంచి రిలీజ్ చేయాలా?.. ఆకాశ్ చోప్రా కీలక సూచన!t

EDITOR PICKS

షేర్ మార్కెట్‌ న‌ష్టాలు… తీవ్ర మ‌న‌స్తాపంతో సాఫ్ట్‌వేర్ ఉద్యోగి ఆత్మ‌హ‌త్య‌…! క‌ల‌క‌లం..

ఆధ్యాత్మికత‌ పేరుతో మ‌హిళ‌కు అస‌భ్యక‌ర‌ సందేశాలు…! కేసు న‌మోదు

పాత రూ.1 నోటుతో రూ.45 లక్షల ఆశ చూపి మోసం.. హైదరాబాద్‌లో ఇద్దరి అరెస్ట్!

POPULAR POSTS

మునుగోడు ఆశ..రాజన్న శ్వాస..

డ్రైవింగ్ లైసెన్స్‌ నేరుగా ఇంటికే..!

RGV: బలవంతుడిదే రాజ్యం.. గెలిచిన వారి మతంలో చేరుతా!

POPULAR CATEGORY

ABOUT US

Trending Tags