#Hundi Offerings Over 49 Days

క్రైమ్ మిర్రర్, ఆన్ లైన్ డెస్క్ : తెలంగాణలోనే అత్యంత ప్రసిద్ధి చెందిన పుణ్యక్షేత్రమైన బాసర జ్ఞాన సరస్వతీ దేవి ఆలయానికి భక్తుల కానుకలు భారీగా పోటెత్తాయి. చదువుల తల్లిని దర్శించుకునేందుకు దేశవ్యాప్తంగా తరలివస్తున్న భక్తులు సమర్పించిన కానుకల ద్వారా ఆలయానికి రికార్డు స్థాయి ఆదాయం సమకూరింది. గడిచిన 49 రోజులకు గాను గురువారం నిర్వహించిన హుండీ లెక్కింపులో దేవాస్థానానికి రూ.1.06 కోట్లకు పైగా నగదు ఆదాయం వచ్చినట్లు ఆలయ అధికారులు అధికారికంగా వెల్లడించారు. ఆలయ ఈవో అంజనా దేవి తెలిపిన వివరాల ప్రకారం.. ఈ ఏడాది మే 13వ తేదీ నుంచి జూలై 1వ తేదీ వరకు అంటే మొత్తం 49 రోజుల వ్యవధిలో భక్తులు అమ్మవారికి సమర్పించిన కానుకల హుండీ లెక్కింపు ప్రక్రియను గురువారం ఆలయ ప్రాంగణంలో పకడ్బందీగా నిర్వహించారు. ఈ 49 రోజుల్లో దేవాస్థానానికి హుండీ కానుకల రూపంలో ఏకంగా రూ.1,06,45,359 (కోటి ఆరు లక్షల నలభై ఐదు వేల మూడు వందల యాభై తొమ్మిది రూపాయలు) నగదు రాబడి వచ్చినట్లు ఈవో స్పష్టం చేశారు. భక్తులు కేవలం నగదు రూపంలోనే కాకుండా అమ్మవారికి బంగారు, వెండి ఆభరణాలను కూడా పెద్ద ఎత్తున మొక్కుబడిగా సమర్పించారు. ఈ లెక్కింపులో 78 గ్రాముల మిశ్రమ బంగారం, అలాగే సుమారు 4 కిలోల వెండి వస్తువులు లభ్యం అయ్యాయి. వీటితో పాటు విదేశాల్లో స్థిరపడిన పలువురు ఎన్నారై భక్తులు కూడా బాసర క్షేత్రాన్ని దర్శించుకోవడంతో హుండీలో 17 నోట్ల విదేశీ కరెన్సీ కూడా లెక్కింపు అధికారులకు దొరికింది. రానున్న శ్రావణ మాసం, దేవీ నవరాత్రుల నేపథ్యంలో భక్తుల రద్దీ మరింత పెరిగే అవకాశం ఉందని అధికారులు భావిస్తున్నారు.

Tag: #Hundi Offerings Over 49 Days

Most Read

పాకిస్థాన్‌లో టిక్‌టాక్‌ స్టార్ షమ్సో బీబీ దారుణ హత్య

భారీగా పెరిగిన ప‌సిడి ధ‌ర‌లు…! ఈ రోజు ఎంతంటే…

తీవ్ర అనారోగ్యంతో షావుకారు జానకి…. ఐసీయూలో వెంటిలేటర్ పై చికిత్స

సిద్దిపేట‌లో ఘోర విషాదం….! బావిలో కారుప‌డి న‌లుగురు మృతి…

EDITOR PICKS

చదువుల తల్లికి లక్ష్మీ కళ.. 49రోజుల్లో కోటి దాటిన హుండీ ఆదాయం!

POPULAR POSTS

మునుగోడు ఆశ..రాజన్న శ్వాస..

RGV: బలవంతుడిదే రాజ్యం.. గెలిచిన వారి మతంలో చేరుతా!

డ్రైవింగ్ లైసెన్స్‌ నేరుగా ఇంటికే..!

POPULAR CATEGORY

ABOUT US

Trending Tags