#Fishing Banned - Crime Mirror

క్రైమ్ మిర్రర్, ఆన్ లైన్ డెస్క్ : జలవనరుల పరిరక్షణ, మత్స్య సంపదను సహజసిద్ధంగా పెంపొందించేందుకు తెలంగాణ ప్రభుత్వం కీలక నిర్ణయం తీసుకుంది. పవిత్ర గోదావరి నదితో పాటు రాష్ట్రంలోని ప్రధాన సాగునీటి ప్రాజెక్టులు, జలాశయాలు, చెరువుల్లో చేపల వేటను పూర్తిగా నిషేధిస్తూ మత్స్యశాఖ అధికారిక ఉత్తర్వులు జారీ చేసింది. జూలై 1 నుంచి ప్రారంభమైన ఈ నిషేధాజ్ఞలు రాబోయే రెండు నెలల పాటు అంటే.. ఆగస్టు 31 వరకు కఠినంగా అమల్లో ఉంటాయని అధికారులు స్పష్టం చేశారు. ఈ రెండు నెలల వర్షాకాల సమయం గోదావరి నది, ఉపనదులు, ప్రాజెక్టులలోని చేపలు గుడ్లు పెట్టి, పిల్లలను పొదిగేందుకు అత్యంత అనుకూలమైన సమయం. ఈ కీలక తరుణంలో మత్స్యకారులు చేపల వేట సాగిస్తే, మత్స్య సంపద నాశనమై భవిష్యత్తులో చేపల ఉత్పత్తి గణనీయంగా పడిపోయే ప్రమాదం ఉంది. అందుకే జీవ వైవిధ్యాన్ని కాపాడేందుకు మత్స్యశాఖ ఈ ముందస్తు చర్యలు చేపట్టింది. ఈ ప్రభుత్వ ఉత్తర్వుల నేపథ్యంలో స్థానిక మత్స్యశాఖ అధికారులు తక్షణమే రంగంలోకి దిగి అన్ని ప్రాంతాల మత్స్య సహకార సంఘాలకు అధికారిక నోటీసులు జారీ చేశారు. ముఖ్యంగా గోదావరి పరివాహక ప్రాంత గ్రామాలతో పాటు ఉత్తర తెలంగాణకు జీవనాడి అయిన శ్రీరాంసాగర్ ప్రాజెక్ట్, కడెం ప్రాజెక్టుల పరిధిలో మత్స్యకారులు ఎవరూ కూడా రాబోయే రెండు నెలల పాటు జలాశయాల్లోకి వేటకు వెళ్లవద్దంటూ క్షేత్రస్థాయిలో విస్తృతంగా ప్రచారం నిర్వహిస్తున్నారు. మైకుల ద్వారా, చాటింపుల ద్వారా మత్స్యకార పల్లెల్లో అవగాహన కల్పిస్తున్నారు. ఈ నిషేధ కాలం ముగిసిన అనంతరం.. సెప్టెంబర్ 1వ తేదీ నుంచి ఎప్పటిలాగే మత్స్యకారులు తమ లైసెన్సులతో యథావిధిగా గోదావరి నదిలో, ప్రాజెక్టులు, చెరువుల్లో చేపల వేటను కొనసాగించుకోవచ్చునని అధికారులు తెలిపారు. మత్స్యశాఖ జారీ చేసిన ఈ ఆదేశాలను ఎవరైనా ధిక్కరించి దొంగతనంగా చేపల వేట సాగిస్తే వారిపై చట్టపరంగా కఠినమైన చర్యలు ఉంటాయని ఉన్నతాధికారులు హెచ్చరించారు. నిబంధనలు ఉల్లంఘించే వారి వేట సామగ్రిని, వలలను, రవాణాకు ఉపయోగించే ద్విచక్ర వాహనాలు, ఆటోలను అక్కడికక్కడే సీజ్ చేస్తామన్నారు. అంతేకాకుండా, సదరు మత్స్యకారుల వేట లైసెన్స్లను తక్షణమే రద్దు చేయడమే కాకుండా.. రాబోయే 2026-27 ఆర్థిక సంవత్సరానికి సంబంధించి వారికి ఎలాంటి కొత్త లైసెన్సులు జారీ చేయబోమని అన్నారు. మత్స్య సహకార సంఘాల బాధ్యులంతా తమ పరిధిలోని ప్రతీ ఒక్క సభ్యునికి ఈ జరిమానాలు, ఆంక్షలపై పూర్తిస్థాయిలో అవగాహన కల్పించి ప్రభుత్వానికి సహకరించాలని కోరారు.

Tag: #Fishing Banned

Most Read

ఆర్ఎస్ ప్రవీణ్ కుమార్ భార్యను ట్రాన్స్‌ఫర్‌ చేసిన తెలంగాణ సర్కార్.. అన్యాయమంటూ మాజీ ఐపీఎస్ ఫైర్

గోదావరితో పాటు ప్రాజెక్టుల్లో చేపల వేటపై నిషేధం.. తెలంగాణ మత్స్యశాఖ సీరియస్ వార్నింగ్!!

అవినీతి బురదను కాంగ్రెస్‌ ప్రభుత్వానికి అంటించాలని చూస్తున్నారా.. మంత్రి పొంగులేటి శ్రీనివాస్ రెడ్డి!!

నల్గొండ రైల్వేస్టేషన్‌కు మహర్దశ.. అమృత్ భారత్ స్కీమ్‌తో హై రేంజ్‌లో పునరాభివృద్ధి!

EDITOR PICKS

గోదావరితో పాటు ప్రాజెక్టుల్లో చేపల వేటపై నిషేధం.. తెలంగాణ మత్స్యశాఖ సీరియస్ వార్నింగ్!!

POPULAR POSTS

మునుగోడు ఆశ..రాజన్న శ్వాస..

డ్రైవింగ్ లైసెన్స్‌ నేరుగా ఇంటికే..!

RGV: బలవంతుడిదే రాజ్యం.. గెలిచిన వారి మతంలో చేరుతా!

POPULAR CATEGORY

ABOUT US

Trending Tags

WhatsApp Channel