ఉత్తరప్రదేశ్లోని అమ్రోహా జిల్లాలో ఒక విభిన్నమైన వివాహం ప్రస్తుతం సోషల్ మీడియాలో చర్చనీయాంశంగా మారింది. వికాస్ అనే యువకుడు ఒకే కుటుంబానికి చెందిన ముగ్గురు అక్కాచెల్లెళ్లను వివాహం చేసుకున్న ఘటన స్థానికంగా ఆసక్తి రేకెత్తిస్తోంది.
సమాచారం ప్రకారం, ఈ ముగ్గురు యువతులు వికాస్తో సోషల్ మీడియా ద్వారా పరిచయం పెంచుకున్నారు. కాలక్రమేణా ఆ పరిచయం మరింత బలపడటంతో, ఒకరిని విడిచి మరొకరు ఉండలేమని భావించిన అక్కాచెల్లెళ్లు ముగ్గురూ కలిసి వికాస్ను పెళ్లి చేసుకోవాలని నిర్ణయించుకున్నట్లు చెబుతున్నారు.
జులై 17న చాముండా మాత ఆలయంలో సంప్రదాయ పద్ధతిలో ఈ వివాహం జరిగింది. ఈ వేడుకకు సంబంధించిన వీడియోలు ప్రస్తుతం సోషల్ మీడియాలో వైరల్ అవుతూ చర్చకు దారితీస్తున్నాయి.
ఈ ఘటనపై స్పందించిన అక్కాచెల్లెళ్లు, తాము అందరూ మేజర్లమని, ఎలాంటి ఒత్తిడి లేకుండా తమ స్వచ్ఛంద నిర్ణయంతోనే ఈ వివాహం చేసుకున్నామని తెలిపారు. అయితే, ఈ వివాహం చట్టపరంగా ఎలా పరిగణించబడుతుంది? అనే అంశంపై వివిధ వర్గాల్లో చర్చ కొనసాగుతోంది.
also read: హైడ్రాపై హైకోర్టు ఆగ్రహం.. న్యాయస్థానాన్ని పట్టించుకోరా?