హైదరాబాద్ నగరంలోని పంజాగుట్టలో ఉన్న నిమ్స్ ఆస్పత్రిలో ఓ ఘటన వెలుగులోకి వచ్చింది. రోడ్డు ప్రమాదంలో గాయపడి చికిత్స పొందుతున్న ఓ యువతిపై అనుచితంగా ప్రవర్తించిన సంఘటన ఆలస్యంగా బయటపడింది.
ప్రమాదంలో తీవ్రంగా గాయపడిన యువతికి రెండు కాళ్లు విరగడంతో కుటుంబ సభ్యులు ఆమెను నిమ్స్ ఆస్పత్రిలో చేర్పించారు. చికిత్స కొనసాగుతున్న సమయంలో తెల్లవారుజామున 3 నుంచి 4 గంటల మధ్య, పక్క బెడ్లో ఉన్న మరో రోగి అటెండెంట్ ఆమెతో అసభ్యంగా ప్రవర్తించినట్లు సమాచారం.
ఈ ఘటనతో యువతి తీవ్ర భయాందోళనకు గురైంది. జరిగిన విషయాన్ని మరుసటి రోజు కుటుంబ సభ్యులకు తెలియజేసింది. దీనిపై స్పందించిన యువతి తండ్రి పోలీసులను ఆశ్రయించారు.
ఫిర్యాదు ఆధారంగా కేసు నమోదు చేసిన పోలీసులు దర్యాప్తు ప్రారంభించారు. నిందితుడిని గుర్తించి పట్టుకునేందుకు చర్యలు చేపట్టారు. ఆస్పత్రుల్లో రోగుల భద్రతపై మరోసారి ప్రశ్నలు తలెత్తుతున్నాయి. ఇలాంటి ఘటనలు పునరావృతం కాకుండా కఠిన చర్యలు తీసుకోవాల్సిన అవసరం ఉందని ప్రజలు అభిప్రాయపడుతున్నారు.
also read: డీఎంకే పార్టీ నేత ఉదయనిధి స్టాలిన్ అరెస్ట్.. రాజకీయాల్లో కలకలం!