- జౌన్పూర్లో విషాదం
- కొడుకు ముందే తండ్రి ఆత్మహత్య
- వీడియోలో భార్య కుటుంబంపై ఆరోపణలు
ఉత్తరప్రదేశ్లోని జౌన్పూర్ జిల్లాలో హృదయ విదారక ఘటన వెలుగులోకి వచ్చింది. కుటుంబ వివాదాల నేపథ్యంలో ఒక వ్యక్తి తన చిన్నారి కొడుకు ముందే ఆత్మహత్యకు పాల్పడటం స్థానికంగా కలకలం రేపుతోంది.
రమన్గా గుర్తించిన ఆ వ్యక్తి, తన చివరి క్షణాల్లో ఒక సెల్ఫీ వీడియో రికార్డ్ చేశాడు. ఆ వీడియోలో తీవ్ర ఆవేదనతో మాట్లాడిన అతను, తన మరణానికి భార్యతో పాటు అత్తమామలు కారణమని ఆరోపించాడు. “నా కుటుంబానికి ఇందులో ఎలాంటి సంబంధం లేదు” అంటూ కన్నీళ్లు పెట్టుకుంటూ తన కొడుకుతో మాట్లాడటం గమనార్హం.
In #Jaunpur, #UttarPradesh, Raman committed suicide by making a live video, blaming his wife and in-laws for his death.
He spoke to his 8-year-old child while crying. Then, he slit his wrist and consumed poison, resulting in his death.
In the video, Raman blamed his wife,… pic.twitter.com/19inXRrLR7
— Siraj Noorani (@sirajnoorani) June 12, 2026
ఈ ఘటనలో మరింత కలచివేసే విషయం ఏమిటంటే, ఈ మొత్తం సంఘటన చిన్నారి ముందే జరగడం. వీడియో రికార్డ్ చేసిన అనంతరం రమన్ ఆత్మహత్య చేసుకున్నట్లు సమాచారం. ఈ ఘటన స్థానికులను తీవ్రంగా షాక్కు గురి చేసింది.
సమాచారం అందుకున్న పోలీసులు ఘటన స్థలానికి చేరుకుని కేసు నమోదు చేసి దర్యాప్తు ప్రారంభించారు. వీడియో ఆధారంగా ఆరోపణలపై విచారణ కొనసాగుతోంది. కుటుంబ వివాదాలు ఎంత తీవ్రమైన పరిణామాలకు దారితీస్తాయో ఈ ఘటన మరోసారి గుర్తుచేస్తోంది.
also read: “ముంబై ఖర్చులు భరించలేను…” – వరవరరావు విజ్ఞప్తిపై హైకోర్టు కీలక నిర్ణయం?
