⇒క్రీడల్లో సత్తా చాటిన సిబ్బందిని అభినందించింది ఎస్పీ పవార్
క్రైమ్ మిర్రర్,నల్లగొండ:- 4వ తెలంగాణ పోలీస్ స్పోర్ట్స్ అండ్ గేమ్స్ మీట్ – 2026 పోటీలు, ఫిబ్రవరి 16 నుండి 21 వరకు గచ్చిబౌలి ఇండోర్ స్టేడియం, సైబరాబాద్ పోలీస్ పరేడ్ గ్రౌండ్స్ లో ఘనంగా నిర్వహించబడ్డాయి. ఈ క్రీడా పోటీలలో నల్లగొండ జిల్లా పోలీస్ శాఖకు చెందిన, సిబ్బంది విశేష ప్రతిభ కనబరిచి పలు విభాగాల్లో, మెడల్స్ సాధించి జిల్లా పోలీస్ శాఖకు గౌరవం తీసుకువచ్చారు. ఈ సందర్భంగా మంగళవారం జిల్లా పోలీస్ కార్యాలయంలో, నల్లగొండ జిల్లా ఎస్పీ శరత్ చంద్ర పవార్, మెడల్స్ సాధించిన సిబ్బందిని అభినందిస్తూ మెడల్స్ అందజేశారు. విధులతో పాటు క్రీడల్లోనూ ప్రతిభ చూపుతూ, పోలీస్ శాఖకు మంచి పేరు తీసుకువచ్చినందుకు సిబ్బందిని ఆయన ప్రశంసించారు. భవిష్యత్తులో జాతీయ స్థాయి పోటీల్లో కూడా, మరింత ప్రతిభ కనబరచాలని ఆకాంక్షించారు.
యాదాద్రి జోన్-5 పరిధిలోని వివిధ విభాగాలకు చెందిన సిబ్బంది, ఈ క్రీడా పోటీలలో పాల్గొని పలు మెడల్స్ సాధించడం విశేషం. ఈ కార్యక్రమంలో ఏఆర్. డీఎస్పీ శ్రీనివాసులు, సీఐలు రాము, ఆదిరెడ్డి, నాగరాజు, ఆర్ఐలు శ్రీనివాస్, సంతోష్, సురేష్ తదితరులు పాల్గొన్నారు.
