మాదాపూర్ ఐటీసీ కోహినూర్ వివాదం…! ద‌ళిత మ‌హిళ‌ల‌కు గుండాల‌ వేధింపులు…

• ఎస్సీ ఎస్టీ కేసు నమోదు చేయాలంటూ డిమాండ్

• దళిత మహిళ ఝాన్సీపై అసభ్య పదజాలంతో దూషించారని ఫిర్యాదు

మాదాపూర్, క్రైమ్‌మిర్ర‌ర్‌: టీసీ కోహినూర్ పరిసరాల్లో కొనసాగుతున్న షాపుల వివాదం మరోసారి ఉద్రిక్తతకు దారితీసింది. కోర్టు నుంచి అనుకూల ఆదేశాలు పొందిన 13 మంది షాపు యజమానులపై కొంతమంది వ్యక్తులు దౌర్జన్యానికి పాల్పడుతున్నారని బాధితుల తరఫున కడారి గంగారం మీడియాకు తెలిపారు. ఈ క్రమంలో దళిత మహిళ ఝాన్సీపై సాయి, మహేష్, నగేష్, రవి తదితరులు అసభ్య పదజాలంతో దూషించారని, బెదిరింపులకు పాల్పడ్డారని ఆరోపించారు. ఈ ఘటనపై మహిళా కమిషన్‌కు ఫిర్యాదు చేయడంతో పాటు, పోలీసులకు కూడా ఫిర్యాదు చేసి తగిన చట్టపరమైన చర్యలు తీసుకోవాలని బాధితుల తరఫున డిమాండ్ చేశారు.

తమపై ఒత్తిడి, బెదిరింపులు కొనసాగుతున్న నేపథ్యంలో పోలీసులు తక్షణమే రక్షణ కల్పించాలని 13 మంది షాపు యజమానులు కోరుతున్నారు. మహిళపై జరిగినట్లు ఆరోపిస్తున్న దూషణలు, బెదిరింపులపై సమగ్ర విచారణ జరిపి, నిజానిజాలు వెలుగులోకి తీసుకురావాలని వారు విజ్ఞప్తి చేస్తున్నారు. మహిళలపై వేధింపుల ఫిర్యాదులను తెలంగాణ పోలీసుల Women Help Desk, SHE Teams స్వీకరిస్తున్నాయి. అత్యవసర పరిస్థితుల్లో 100కు, మహిళల వేధింపుల విషయంలో SHE Teams‌కు ఫిర్యాదు చేయవచ్చని తెలంగాణ పోలీస్ అధికారిక సమాచారం పేర్కొంటోంది. “మాకు రక్షణ కల్పించాలి.. మహిళను దూషించిన వారిపై చట్టప్రకారం చర్యలు తీసుకోవాలి” అని బాధితుల తరఫున కడారి గంగారం డిమాండ్ చేశారు.

ఇవి కూడ చ‌ద‌వండి:

1. ‘ది ప్యారడైజ్’ కోసం టాలీవుడ్‌లోకి రాఘవ్ జుయల్.. సినిమా సంస్కృతిపై ఎమోషనల్ కామెంట్స్

2.  ఎస్సీ, ఎస్టీలపై రేవంత్‌ సర్కార్‌ ఫోకస్‌…! అధికారులకు కీల‌క ఆదేశాలు

3.  అర్ధరాత్రి రిమ్స్‌లో ఏం జరిగింది…? పసికందుల ప్రాణాలు గాల్లోకి…. సీఎం దిగ్ర్భాంతి

4. మైత్రీ థియేటర్లలో ఇక సర్వపిండి.. సినిమా చూస్తూనే తెలంగాణ పల్లె రుచిని ఆస్వాదించే ఛాన్స్!