మహారాష్ట్రలోని థానే జిల్లా కళ్యాణ్ వెస్ట్లో ఒక షాకింగ్ ఘటన వెలుగులోకి వచ్చింది. గౌరీపాడ ప్రాంతంలో మద్యం మత్తులో ఉన్న ఒక యువకుడు వీధిలో హంగామా సృష్టించడంతో స్థానికులు భయాందోళనకు గురయ్యారు.
సమాచారం అందుకున్న వెంటనే ఘటనాస్థలానికి చేరుకున్న కానిస్టేబుల్ గణేశ్ చవాన్ పరిస్థితిని అదుపులోకి తీసుకురావడానికి ప్రయత్నించారు. అయితే మత్తులో ఉన్న యువకుడు ఆకస్మికంగా పోలీస్ చేతిలోని లాఠీని లాక్కొని, అదే ఆయుధంతో కానిస్టేబుల్పై దాడికి దిగాడు.
ఈ ఘటనలో కొంతసేపు ఉద్రిక్తత నెలకొనగా, ఇతర పోలీసులు వెంటనే స్పందించి నిందితుడిని అదుపులోకి తీసుకున్నారు. అనంతరం అతన్ని అరెస్ట్ చేసి కేసు నమోదు చేశారు.
ఈ సంఘటనకు సంబంధించిన వీడియో సోషల్ మీడియాలో వైరల్గా మారింది. పోలీస్పై దాడి చేసిన నిందితుడి ప్రవర్తనపై నెటిజన్లు తీవ్ర ఆగ్రహం వ్యక్తం చేస్తున్నారు. చట్టాన్ని అమలు చేసే అధికారులపై ఇలాంటి దాడులు ఆందోళనకరమని అభిప్రాయపడుతున్నారు. ప్రస్తుతం ఈ ఘటనపై పోలీసులు దర్యాప్తు కొనసాగిస్తున్నారు.
also read: జెన్ జీ నిరసనలపై కంగనా రనౌత్ ఘాటు వ్యాఖ్యలు