తూర్పు మధ్య మరియు ఆగ్నేయ బంగాళాఖాతంలో కొనసాగుతున్న తీవ్ర వాయుగుండం మరింత బలపడి తుఫాన్‌గా మారినట్లు సమాచారం. ఈ నేపథ్యంలో ఆంధ్రప్రదేశ్ రాష్ట్ర విపత్తు నిర్వహణ సంస్థ (SDMA) ప్రజలను అప్రమత్తం చేసింది. రాయలసీమ జిల్లాలలో నేడు మోస్తరు వర్షాలు కురిసే అవకాశం ఉందని వెల్లడించింది. అదేవిధంగా, తెలంగాణ రాష్ట్రంలో కూడా తేలికపాటి వర్షాలు పడే అవకాశం ఉందని పేర్కొంది.
న్యూజిలాండ్‌తో మూడో T20కీ స్టార్ బ్యాటర్ దూరం!
ఈ తుఫాన్ క్రమంగా మరింత బలపడి, రేపు తీవ్ర తుఫాన్‌గాను, బుధవారం నాటికి అతి తీవ్ర తుఫాన్‌గాను రూపాంతరం చెందే అవకాశం ఉందని అంచనా వేస్తున్నారు. దీని ప్రభావం కారణంగా రానున్న రెండు రోజుల్లో (రేపు మరియు ఎల్లుండి) కొన్ని ప్రాంతాలలో అతి భారీ నుండి అత్యంత భారీ వర్షాలు కురిసే ప్రమాదం ఉందని హెచ్చరికలు జారీ చేశారు. తీర ప్రాంత ప్రజలు, మత్స్యకారులు అప్రమత్తంగా ఉండాలని, అనవసరంగా బయటికి వెళ్లవద్దని అధికారులు సూచిస్తున్నారు. వాతావరణంలో వచ్చే మార్పులకు తగినట్లుగా రైతులు మరియు ప్రజలు తగిన జాగ్రత్తలు తీసుకోవాలని అధికారులు విజ్ఞప్తి చేస్తున్నారు.