బాలీవుడ్ సీనియర్ నటుడు మిథున్ చక్రవర్తి కుటుంబంలో ఆనందం వెల్లివిరిసింది. ఆయన కుమార్తె దిశాని చక్రవర్తి తాజాగా తన జీవితంలో కొత్త అధ్యాయాన్ని ప్రారంభించింది. అమెరికన్ సినిమాటోగ్రాఫర్ మిల్స్ మాంట్ జరీస్తో ఆమె నిశ్చితార్థం చేసుకున్నట్టు సోషల్ మీడియా ద్వారా వెల్లడించింది. కాలిఫోర్నియాలోని అందమైన సముద్రతీరానికి సమీపంలోని ఓ కొండపై, చాలా ప్రైవేట్గా ఈ ఎంగేజ్మెంట్ వేడుక జరిగినట్టు తెలుస్తోంది. బీచ్ వెనుకన సూర్యాస్తమయం మధ్య, ప్రకృతి అందాల మధ్య ఈ జంట తమ ప్రేమను మరింత బలపరిచిన క్షణాలను పంచుకోవడం ప్రత్యేక ఆకర్షణగా మారింది.
దిశాని షేర్ చేసిన ఫోటోలు ప్రస్తుతం సోషల్ మీడియాలో వైరల్ అవుతున్నాయి. సాధారణంగా సెలబ్రిటీ ఈవెంట్స్ ఘనంగా జరగడం చూస్తుంటాం. అయితే, దిశాని మాత్రం చాలా సింపుల్, వ్యక్తిగతంగా ఈ వేడుకను జరుపుకోవడం నెటిజన్లను ఆకట్టుకుంటోంది. ఫోటోలలో ఈ జంట మధ్య ఉన్న అనుబంధం, ఆనందం స్పష్టంగా కనిపిస్తోందని అభిమానులు కామెంట్లు చేస్తున్నారు.
దిశాని ప్రస్తుతం అమెరికాలో నివసిస్తూ, హాలీవుడ్లో నటిగా తన కెరీర్ను స్థిరపర్చుకునేందుకు ప్రయత్నాలు చేస్తోంది. నటనపై ఆసక్తితో శిక్షణ పొందుతూ, కొత్త అవకాశాల కోసం ముందుకు సాగుతోంది. ఈ నేపథ్యంతో ఆమె వ్యక్తిగత జీవితంలో కూడా సంతోషకరమైన మలుపు రావడం విశేషం.
మరోవైపు, మిల్స్ మాంట్ జరీస్ సినిమాటోగ్రఫీ రంగంలో తనకంటూ ప్రత్యేక గుర్తింపు తెచ్చుకుంటున్నాడు. ఈ ఇద్దరూ తమ తమ రంగాల్లో ఎదుగుతూ, ఇప్పుడు జీవితాన్ని కలిసి పంచుకోవాలని నిర్ణయించుకోవడం అభిమానులను ఆనందపరుస్తోంది. ఇక త్వరలోనే ఈ జంట పెళ్లి తేదీపై అధికారిక ప్రకటన వచ్చే అవకాశముంది. ప్రస్తుతం అయితే, వారి ఎంగేజ్మెంట్ ఫోటోలు సోషల్ మీడియాలో ట్రెండింగ్లో ఉన్నాయి.
also read: ఇల్లు అమ్మేశాడు… లైబ్రరీ నిర్మించాడు
