క్రైమ్ మిర్రర్ తెలంగాణ ఇన్వెస్టిగేషన్ బ్యూరో: తెలంగాణలో మున్సిపల్ ఎన్నికల నిర్వహణకు సంబంధించి తాజా సమాచారం ప్రకారం, నేడు ఉదయం రాష్ట్ర ఎన్నికల కమిషనర్ రాణి కుముదిని జిల్లా కలెక్టర్లు, ఎస్పీలు మరియు ఉన్నతాధికారులతో సమీక్షా సమావేశం నిర్వహించారు.
ఈ భేటీ ముగిసిన తర్వాత నేడు 2026, జనవరి 27 సాయంత్రం అధికారిక షెడ్యూల్ను విడుదల చేసే అవకాశం ఉంది. రాష్ట్రంలోని 116 మున్సిపాలిటీలు మరియు 7 మున్సిపల్ కార్పొరేషన్లకు ఈ ఎన్నికలు జరగనున్నాయి. ఫిబ్రవరి 11 లేదా 12, 2026న పోలింగ్ నిర్వహించేందుకు కసరత్తు జరుగుతోంది. ఫిబ్రవరి 13 లేదా 14న ఓట్ల లెక్కింపు చేపట్టి, ఫిబ్రవరి 15 నాటికి ఎన్నికల ప్రక్రియను పూర్తి చేయాలని లక్ష్యంగా పెట్టుకున్నారు.
షెడ్యూల్ విడుదలైన వెంటనే సంబంధిత ప్రాంతాల్లో ఎన్నికల కోడ్ అమలులోకి వస్తుంది. ఇప్పటికే జనవరి 10, 2026న తుది ఓటర్ల జాబితాను అధికారులు ప్రచురించారు. ప్రస్తుత పాలకవర్గ గడువు ఫిబ్రవరి 10 వరకు ఉన్నందున, వీటికి నోటిఫికేషన్ కొంత కాలం తర్వాత వచ్చే అవకాశం ఉంది.