Who is the new CM of West Bengal

భారీగా ఆశావహులు ముందంజలో సువెందు అధికారి దిలీప్ ఘోస్ తో పాటు సుకాంత మజుందార్ పేర్లు హై కమాండ్ ది తుది నిర్ణయం రంగంలోకి అమిత్ షా క్రైమ్ మిర్రర్, సెంట్రల్ డెస్క్: పశ్చిమ బెంగాల్ ముఖ్యమంత్రి ఎవరు? బిజెపి హై కమాండ్ ఎవరి వైపు మొగ్గు చూపుతోంది? సీఎం పదవి వరించేది ఎవరికి? మమతా బెనర్జీ తర్వాత సారధ్య బాధ్యతలు ఎవరికి దక్కుతాయి? దేశ రాజకీయాల్లో దీనిపైన ఆసక్తికర చర్చ నడుస్తోంది. ప్రముఖంగా ఓ ముగ్గురి పేరు వినిపిస్తోంది. వీరిలో ఒకరికి ముఖ్యమంత్రి పదవి ఖాయమని తెలుస్తోంది. మమతా బెనర్జీని ఓడించిన సువెందు 15 ఏళ్ల కృషి ఫలితంగా పశ్చిమ బెంగాల్లో విజయం సాధించింది భారతీయ జనతా పార్టీ. బలమైన వ్యూహాలతో మమతా బెనర్జీ నేతృత్వంలోని తృణమూల్ కాంగ్రెస్ ను మట్టికరిపించింది. అయితే కాబోయే బిజెపి ముఖ్యమంత్రి ఎవరు? అనే దానిపై బలమైన చర్చ నడుస్తోంది. అయితే ప్రముఖంగా సువెందు అధికారి పేరు వినిపిస్తోంది. ఒకప్పుడు మమతా బెనర్జీకి నమ్మిన బంటుగా ఉండేవారు సువెందు అధికారి. 2020లో తృణమూల్ కాంగ్రెస్ ను వీడి బిజెపిలో చేరారు. 2021 అసెంబ్లీ ఎన్నికల్లో మమతా బెనర్జీని ఓడించి జెయింట్ కిల్లర్ గా నిలిచారు. తాజా ఎన్నికల్లో సైతం భవానిపురం నియోజకవర్గం లో మమతా బెనర్జీని దారుణంగా ఓడించారు. 15వేల ఓట్ల తేడాతో మట్టి కరిపించారు. అందుకే ఈసారి సువెందు అధికారి ముఖ్యమంత్రి కావడం ఖాయమని ప్రచారం జరుగుతోంది. మరోవైపు ఆయనకు ఆర్ఎస్ఎస్ మద్దతు లేదని కూడా విశ్లేషణలు వస్తున్నాయి. కానీ రెండు చోట్ల గెలిచిన ఆయన వైపే బీజేపీ హై కమాండ్ మొగ్గు చూపుతున్నట్లు ప్రచారంలో ఉంది. జాబితాలో ప్రముఖులు.. బెంగాల్ బిజెపి మాజీ అధ్యక్షుడు దిలీప్ ఘోష్ పేరు ప్రముఖంగా వినిపిస్తోంది. రాష్ట్రంలో బిజెపి వ్యాప్తిలో ఆయన కీలకపాత్ర పోషించారు. సంస్థాగత అనుభవం ఆయన సొంతం. బిజెపి సిద్ధాంతాలను పాటించే నాయకుడిగా గుర్తింపు ఉంది. అందుకే ఆయనను గట్టి పోటీదారుడుగా భావిస్తున్నారు విశ్లేషకులు. మరోవైపు బిజెపి ప్రముఖుల్లో ఒకరైన సుఖంత మజుందార్ పేరు కూడా ప్రముఖంగా వినిపిస్తోంది. యూత్ లో మంచి ఫాలోయింగ్ ఉంది ఆయనకు. కేంద్ర నాయకత్వంతో ఉన్న సఖ్యత కారణంగా ఆయనకు ముఖ్యమంత్రి పదవి అప్పగిస్తారని ప్రచారంలో ఉంది. మరో సీనియర్ నేత షమిక్ భట్టాచార్య పేరు కూడా వినిపిస్తోంది. పార్టీలో ఏకాభిప్రాయాన్ని సాధించే వ్యక్తిగా ఆయనకు మంచి పేరు ఉంది. మిగతా వారి మాదిరిగా ఆయనకు పాపులారిటీ లేదు కానీ.. సీనియారిటీతో పాటు అనుభవం దృష్ట్యా ఆయన పేరు కూడా సీఎం రేసులో ఉంది. అయితే అన్ని రకాల సమీకరణలను హైకమాండ్ పరిగణలోకి తీసుకోనుంది. కులంతో పాటు సామాజిక ప్రాతినిధ్యం, సంస్థాగత బలం, కేంద్ర నాయకత్వ వ్యూహం వంటివి సీఎం అభ్యర్థిని నిర్ణయించనున్నాయి పశ్చిమ బెంగాల్ లో..

Tag: Who is the new CM of West Bengal

Most Read

బిజెపి కి జై కొట్టిన దేశం…!

ద్రవిడ పార్టీలకు చెక్…!

కమ్యూనిస్టు పాలన లేని దేశం…!

దిల్‌సుఖ్‌నగర్‌: అర్ధరాత్రి 40మంది అదుపులోకి…!

EDITOR PICKS

పశ్చిమ బెంగాల్ కొత్త సీఎం ఎవరు…?!

POPULAR POSTS

మునుగోడు ఆశ..రాజన్న శ్వాస..

RGV: బలవంతుడిదే రాజ్యం.. గెలిచిన వారి మతంలో చేరుతా!

డ్రైవింగ్ లైసెన్స్‌ నేరుగా ఇంటికే..!

POPULAR CATEGORY

ABOUT US

Trending Tags

WhatsApp Channel