tsrtc - Crime Mirror

తెలంగాణ ప్రభుత్వం మహిళా సాధికారత లక్ష్యంగా ప్రవేశపెట్టిన మహాలక్ష్మి ఉచిత బస్సు ప్రయాణ పథకం రాష్ట్ర సామాజిక, ఆర్థిక రంగాల్లో విప్లవాత్మక మార్పులకు దారితీస్తూ కొత్త దిశను నిర్దేశిస్తోంది. 2023 డిసెంబర్ 9న ప్రారంభమైన ఈ పథకం కేవలం ప్రయాణ సౌకర్యం కల్పించడమే కాకుండా మహిళల ఆర్థిక స్థిరత్వానికి బలమైన అండగా నిలుస్తోంది. ప్రారంభమైన నాటి నుంచి 29.03.2026 వరకు సుమారు 28 నెలల వ్యవధిలో రాష్ట్రవ్యాప్తంగా మహిళలు దాదాపు 290 కోట్లకు పైగా ఉచిత ప్రయాణ టికెట్లను వినియోగించుకున్నారని టీజీఎస్ ఆర్టీసీ అధికారికంగా వెల్లడించింది. ఈ కాలంలో మహిళలు చెల్లించాల్సిన రవాణా ఛార్జీల మొత్తం రూ.10,000 కోట్లను దాటడం విశేషంగా నిలిచింది. గతంలో నెలకు రూ.1,500 నుండి రూ.2,500 వరకు రవాణా కోసం ఖర్చు చేసేవారు అయిన సామాన్య, మధ్యతరగతి మహిళలు, విద్యార్థినులు, కూలీలు ఇప్పుడు ఆ మొత్తాన్ని పొదుపు చేసుకుంటూ తమ కుటుంబ ఆర్థిక పరిస్థితిని మెరుగుపరుచుకుంటున్నారు. ఈ భారీ స్థాయిలో జరిగిన పొదుపు మహిళల ఆర్థిక స్వావలంబనకు స్పష్టమైన ఉదాహరణగా నిలుస్తూ, ప్రభుత్వ సంకల్పం ఎంత ప్రభావవంతంగా పనిచేస్తుందో తెలియజేస్తోంది. మహాలక్ష్మి పథకం అమలులోకి వచ్చిన తర్వాత రాష్ట్రవ్యాప్తంగా ఆర్టీసీ బస్సుల్లో మహిళా ప్రయాణికుల సంఖ్య గణనీయంగా పెరిగింది. పథకం ప్రారంభానికి ముందు సుమారు 40 శాతంగా ఉన్న మహిళల వాటా, ప్రస్తుతం 67 శాతానికి పైగా చేరడం ఈ పథకం విజయాన్ని స్పష్టంగా ప్రతిబింబిస్తోంది. ప్రతిరోజూ సగటున 35 లక్షల మందికి పైగా మహిళలు సురక్షితంగా తమ గమ్యస్థానాలకు చేరుకుంటున్నారని అధికారులు వెల్లడించారు. మహిళలు ఉచితంగా ప్రయాణించిన టికెట్ల విలువను తెలంగాణ ప్రభుత్వం రీయింబర్స్మెంట్ రూపంలో ఆర్టీసీకి చెల్లించడం ద్వారా సంస్థ ఆర్థిక స్థితి కూడా కొంత బలోపేతం అవుతోంది. సిబ్బంది జీతభత్యాలు, నిర్వహణ ఖర్చులు, సేవల విస్తరణకు ఈ నిధులు తోడ్పడుతున్నాయని అధికారులు పేర్కొంటున్నారు. ప్రజా పాలన ప్రారంభమైన 48 గంటల్లోనే ఈ పథకాన్ని అమలు చేయడం ప్రభుత్వం మహిళల పట్ల ఉన్న కట్టుబాటును చూపిస్తోందని, ఈ పథకం ద్వారా రాష్ట్రంలో మహిళా సాధికారత దిశగా కీలకమైన అడుగులు పడుతున్నాయని రవాణా శాఖ మంత్రి పొన్నం ప్రభాకర్ తెలిపారు. మహిళలు రూ.10,000 కోట్లకు పైగా పొదుపు సాధించిన సందర్భంగా ఆయన అభినందనలు తెలియజేశారు. ఈ పథకం ద్వారా మహిళలు కేవలం ప్రయాణ సౌకర్యాన్ని పొందడమే కాకుండా, తమ జీవితాల్లో కొత్త అవకాశాలను కూడా అందిపుచ్చుకుంటున్నారు. గ్రామాల నుండి పట్టణాలకు సులభంగా చేరుకుని ఉద్యోగాలు సాధించడం, నాణ్యమైన వైద్య సేవలను పొందడం, కుటుంబంతో కలిసి ఆధ్యాత్మిక కేంద్రాలకు వెళ్లడం వంటి అనేక అవసరాలను సులభంగా నెరవేర్చుకుంటున్నారు. విద్యార్థినులు కూడా ఉన్నత విద్య కోసం ఇతర ప్రాంతాలకు ప్రయాణించడంలో ఈ పథకం కీలక పాత్ర పోషిస్తోంది. ముఖ్యమంత్రి రేవంత్ రెడ్డి నాయకత్వంలో మహిళలకు ప్రత్యేక ప్రాధాన్యం ఇస్తూ ప్రభుత్వం చేపట్టిన ఈ కార్యక్రమం సామాజిక మార్పుకు మార్గదర్శకంగా నిలుస్తోంది. మహిళలు రోజువారీ జీవితంలో ఎదుర్కొనే రవాణా సమస్యలను తగ్గించడంతో పాటు వారి ఆత్మవిశ్వాసాన్ని పెంచడంలో ఈ పథకం ప్రధాన పాత్ర పోషిస్తోంది. చిన్న గ్రామాల నుండి నగరాలకు వెళ్లే మహిళలకు ఈ సౌకర్యం ఒక పెద్ద ఊరటగా మారింది. మహాలక్ష్మి పథకాన్ని మరింత పారదర్శకంగా, సులభతరం చేయడానికి ప్రభుత్వం సాంకేతిక మార్పులను కూడా తీసుకొస్తోంది. త్వరలో చిప్ ఆధారిత స్మార్ట్ కార్డులను ప్రవేశపెట్టనున్నట్లు టీజీఎస్ ఆర్టీసీ ఎండీ వై.నాగిరెడ్డి తెలిపారు. ఈ కార్డుల ద్వారా ఆధార్ చూపించాల్సిన అవసరం లేకుండానే మహిళలు సులభంగా ఉచిత ప్రయాణం చేయగలుగుతారు. పెరుగుతున్న ప్రయాణికుల రద్దీకి అనుగుణంగా కొత్త బస్సులను ప్రవేశపెట్టడం కూడా జరుగుతోంది. ప్రస్తుతం పల్లెవెలుగు 3278, డిస్ట్రిక్ట్ ఎక్స్ప్రెస్ 2039, సిటీ ఆర్డినరీ 1829, సిటీ మెట్రో ఎక్స్ ప్రెస్ 1044 బస్సుల్లో కలిపి సుమారు 81 శాతం సేవల్లో ఈ పథకం అమలులో ఉంది. ఈ పథకం విజయవంతానికి సహకరిస్తున్న ప్రయాణికులకు, నిధులు అందిస్తున్న ప్రభుత్వానికి టీజీఎస్ ఆర్టీసీ కృతజ్ఞతలు తెలిపింది. మహిళలకు గౌరవప్రదమైన, సురక్షితమైన ప్రయాణాన్ని అందించడమే లక్ష్యంగా ఈ కార్యక్రమం కొనసాగుతుందని అధికారులు స్పష్టం చేశారు. ALSO READ: తెలంగాణ ప్రజాప్రతినిధుల ‘నట’ విశ్వరూపం!

Tag: tsrtc

Most Read

భర్త కోసం వెతుకుతున్న భార్య.. సీఎం విజయ్‌పై ఉదయనిధి స్టాలిన్ పర్సనల్ అటాక్!!

కేంద్ర మంత్రి పదవికి జార్జ్ కురియన్ రాజీనామా.. ఆమోదించిన రాష్ట్రపతి!

తెలంగాణ హౌసింగ్ బోర్డు క్రేజీ కాంటెస్ట్.. పథకానికి పేరు చెబితే రూ.లక్ష మీదే!!

జగన్ పై ముద్రగడ కుమార్తె ఫైర్!.. తన తండ్రిని పరామర్శించకపోవడానికి తప్పు పట్టిన క్రాంతి!!

EDITOR PICKS

మహిళలకు గుడ్‌న్యూస్.. ఆధార్ కార్డు లేకున్నా బస్సుల్లో ప్రయాణం!

ఆర్టీసీ బస్ భవన్‌లో ఎండీ నాగిరెడ్డిని కలిసిన కవిత

పండుగలు వస్తే చార్జీలు పెంచడమే.. ఇదేం ప్రభుత్వం : హరీష్ రావు

POPULAR POSTS

మునుగోడు ఆశ..రాజన్న శ్వాస..

డ్రైవింగ్ లైసెన్స్‌ నేరుగా ఇంటికే..!

RGV: బలవంతుడిదే రాజ్యం.. గెలిచిన వారి మతంలో చేరుతా!

POPULAR CATEGORY

ABOUT US

Trending Tags

WhatsApp Channel