Trolls over Peddi's item song

Crime Mirror,Cinema Updates: మెగా పవర్ స్టార్ రామ్ చరణ్ హీరోగా బుచ్చిబాబు సానా దర్శకత్వంలో తెరకెక్కిన పెద్ది సినిమా బాక్సాఫీస్ వద్ద దుమ్మురేపుతోంది. విడుదలైన పది రోజుల్లోనే ప్రపంచవ్యాప్తంగా రూ.378 కోట్లకు పైగా గ్రాస్ వసూళ్లు సాధించి 2026లో అత్యంత విజయవంతమైన చిత్రాల్లో ఒకటిగా నిలిచింది. అయితే సినిమా విజయంతో పాటు ఇందులోని ఒక ఐటెం సాంగ్పై సోషల్ మీడియాలో చర్చ కూడా కొనసాగుతోంది. ఈ చిత్రంలోని అన్ని పాటలను ప్రముఖ గేయరచయిత అనంత శ్రీరామ్ రచించారు. ఆల్బమ్లోని పాటలు మంచి ఆదరణ పొందుతున్నప్పటికీ, ఒక ప్రత్యేక గీతంలోని కొన్ని పదాలు, సాహిత్యంపై కొందరు నెటిజన్లు అభ్యంతరాలు వ్యక్తం చేస్తున్నారు. ఈ నేపథ్యంలో ఇటీవల నిర్వహించిన పెద్ది సక్సెస్ మీట్లో అనంత శ్రీరామ్ ఈ విమర్శలపై స్పందించారు. Also Read: చల్లగా ఉంటాయని తాగుతున్నారా..? మీ ఆరోగ్యానికి ప్రమాదమే…! తనదైన శైలిలో మాట్లాడిన ఆయన, ఐటెం సాంగ్ను ఐటెం సాంగ్లా ఆస్వాదించిన వాళ్లకు మేము ఒక ప్రత్యేకమైన అనుభూతి ఇచ్చాం. కానీ దాన్ని ఆ కోణంలో చూడకుండా విమర్శించే వాళ్లే అసలు ఐటమ్ గాళ్లు అంటూ కౌంటర్ ఇచ్చారు. ఆయన వ్యాఖ్యలు సభలో నవ్వులు పూయించడమే కాకుండా సోషల్ మీడియాలో వైరల్గా మారాయి. అనంత శ్రీరామ్ మాట్లాడుతూ విమర్శలు చేయడం తప్పు కాదని, అయితే అవి తార్కికంగా ఉండాలని అన్నారు. నా పాటలో ఏ పదం తప్పు, ఏ వాక్యం సమాజానికి హానికరం అనే విషయాన్ని స్పష్టంగా చెబితే దానికి సమాధానం చెప్పడానికి నేను సిద్ధంగా ఉంటాను. కానీ వ్యక్తిగత దూషణలు, ఎజెండాలతో చేసే విమర్శలకు స్పందించాల్సిన అవసరం లేదు అని స్పష్టం చేశారు. Also Read: అమెరికాలో ఘోర ప్రమాదం: మిస్సోరీలో స్కైడైవింగ్ ప్లేన్ కుప్పకూలి 12 మంది మృతి సోషల్ మీడియాలో తనపై వచ్చిన వ్యక్తిగత కామెంట్ల గురించి కూడా ఆయన ప్రస్తావించారు. కొందరు అసభ్య పదజాలంతో విమర్శించినప్పటికీ వాటిని తాను సీరియస్గా తీసుకోలేదన్నారు. ఆ తిట్లకు సమాధానం నా పాటల్లోనే ఉంది అంటూ తనే రాసిన ఓ గీతంలోని పంక్తులను ఉదహరించి స్పందించారు. రచయితగా తన ఆలోచనలను పంచుకుంటూ, రచనకు అవధులు ఉండకూడదు. పాట ఏ తరహాలో ఉన్నా, ఆ సందర్భానికి తగ్గ భావాన్ని ప్రేక్షకులకు చేరవేయడమే రచయిత బాధ్యత అని అన్నారు. మొత్తానికి పెద్ది ఐటెం సాంగ్పై వచ్చిన వివాదానికి అనంత శ్రీరామ్ తనదైన స్టైల్లో గట్టిగానే సమాధానం ఇచ్చారు. Also Read: బుచ్చిబాబుతో మెగాస్టార్ రెడీ.. కానీ ఒక్క కండీషన్…!

Tag: Trolls over Peddi's item song

Most Read

దంపతుల మధ్య గొడవ.. భర్త ఆత్మహత్యాయత్నం, భార్య అనుమానాస్పద మృతి

ట్రైనీ ఐపీఎస్ కేసులో కీలక మలుపు.. రెండు రోజుల కస్టడీకి ఉదయ్ కృష్ణారెడ్డి

త్వరలో బంగ్లాదేశ్‌కు తిరిగి వెళ్తా.. అరెస్టైనా, చంపినా వెనక్కి తగ్గను: షేక్ హసీనా

కర్ణాటకలో ఘోర ప్రమాదం.. రసాయన వాయువు లీక్‌తో ముగ్గురు మృతి

EDITOR PICKS

పెద్ది ఐటెం సాంగ్‌పై ట్రోల్స్.. అనంత శ్రీరామ్ ఘాటు రిప్లై…!

POPULAR POSTS

మునుగోడు ఆశ..రాజన్న శ్వాస..

Folk Star Nagadurga: జానపద గాయని నుంచి హీరోయిన్‌గా.. నాగదుర్గ కొత్త ప్రయాణం!

RGV: బలవంతుడిదే రాజ్యం.. గెలిచిన వారి మతంలో చేరుతా!

POPULAR CATEGORY

ABOUT US

Trending Tags