Tamil Nadu Government - Crime Mirror

తమిళనాడులో ప్రభుత్వ పాఠశాలల విద్యార్థులకు అందిస్తున్న ఉచిత అల్పాహార పథకాన్ని ప్రభుత్వం మరింత విస్తరించింది. ఇప్పటివరకు 1 నుంచి 5వ తరగతి విద్యార్థులకు మాత్రమే అందుబాటులో ఉన్న ఈ పథకాన్ని తాజాగా 6, 7, 8వ తరగతులకు కూడా వర్తింపజేశారు. దీంతో మరింత మంది విద్యార్థులకు పాఠశాలల్లోనే ఉచితంగా ఉదయం అల్పాహారం అందనుంది. ఈ విస్తరణ కార్యక్రమాన్ని తమిళనాడు ముఖ్యమంత్రి సి. జోసెఫ్ విజయ్ మంగళవారం చెన్నైలోని తిరువాన్మియూర్లో ఉన్న ఓ ప్రభుత్వ పాఠశాలలో ప్రారంభించారు. కార్యక్రమంలో భాగంగా విద్యార్థులకు సీఎం స్వయంగా అల్పాహారం వడ్డించారు. అనంతరం వారితో కలిసి కూర్చొని భోజనం చేశారు. అదే సమయంలో పథకం పేరును కూడా ప్రభుత్వం మార్చింది. ఇప్పటివరకు ‘ముఖ్యమంత్రి అల్పాహార పథకం’గా ఉన్న పేరును ‘పెరుంతలైవర్ కామరాజర్ అల్పాహార పథకం’గా మార్చినట్లు ప్రకటించారు. విద్యా రంగంలో సంస్కరణలకు ప్రాధాన్యం ఇచ్చిన మాజీ ముఖ్యమంత్రి కామరాజర్ సేవలకు గుర్తింపుగా ఆయన పేరును ఈ పథకానికి పెట్టినట్లు ప్రభుత్వం తెలిపింది. 15.3 లక్షల మంది విద్యార్థులకు అదనపు ప్రయోజనం తాజా విస్తరణతో రాష్ట్రవ్యాప్తంగా 15,454 ప్రభుత్వ, ప్రభుత్వ సహాయ పాఠశాలల్లో చదువుతున్న సుమారు 15.3 లక్షల మంది విద్యార్థులకు అదనంగా ప్రయోజనం కలగనుంది. ఈ పథకం ద్వారా లబ్ధి పొందే మొత్తం విద్యార్థుల సంఖ్య సుమారు 34.64 లక్షలకు చేరనుంది. పథకాన్ని విస్తరించేందుకు ప్రస్తుత ఆర్థిక సంవత్సరంలో ప్రభుత్వం అదనంగా రూ.217.63 కోట్లను కేటాయించింది. దీంతో ఉచిత అల్పాహార పథకానికి కేటాయించే మొత్తం వార్షిక బడ్జెట్ సుమారు రూ.724 కోట్లకు పెరిగింది. 2022లో ప్రారంభమైన పథకం తమిళనాడులో ఉచిత అల్పాహార పథకాన్ని 2022లో అప్పటి ముఖ్యమంత్రి ఎం.కె. స్టాలిన్ నేతృత్వంలోని డీఎంకే ప్రభుత్వం ప్రారంభించింది. తొలుత ప్రాథమిక తరగతుల విద్యార్థులను దృష్టిలో పెట్టుకుని ఈ కార్యక్రమాన్ని అమలు చేశారు. ఇప్పుడు కొత్త ప్రభుత్వం దాని పరిధిని 8వ తరగతి వరకు విస్తరించింది. అయితే రాష్ట్రంలోని కొన్ని జిల్లాల్లో ఉపఎన్నికల నేపథ్యంలో ఎన్నికల ప్రవర్తనా నియమావళి అమల్లో ఉండటంతో అక్కడ పథకం విస్తరణను తాత్కాలికంగా వాయిదా వేసినట్లు అధికారులు తెలిపారు. పాఠశాల విద్యార్థులకు ఆహారాన్ని అందించే కార్యక్రమాలకు కామరాజర్కు ఉన్న అనుబంధం నేపథ్యంలో ఆయన పేరును ఈ పథకానికి పెట్టడం ప్రాధాన్యం సంతరించుకుంది. పథకం విస్తరణతో విద్యార్థులకు ఉదయం పూట పోషకాహారం అందడంతో పాటు పాఠశాల హాజరుపైనా సానుకూల ప్రభావం ఉంటుందని ప్రభుత్వం భావిస్తోంది. also read: ఏఆర్ రెహమాన్తో పని చేయడం అంత ఈజీ కాదు.. ప్రముఖ గేయ రచయిత సమీర్ అంజాన్ ఆసక్తికర వ్యాఖ్యలు

Tag: Tamil Nadu Government

Most Read

భార్యను కాపురానికి పంపలేదని అత్తకు బెదిరింపులు.. మైనర్ ఫొటోలతో బ్లాక్‌మెయిల్

వివాహేతర సంబంధం తెంచుకుందని కక్ష.. మహిళ దారుణ హత్య, నిందితుడి ఆత్మహత్యాయత్నం

శుద్ధీకరణ పేరుతో అమానుషం.. మహిళపై ఏడుగురి లైంగిక దాడి

బాలీవుడ్‌లో విషాదం.. ప్రముఖ నటుడు నానా పటేకర్ కన్నుమూత

EDITOR PICKS

తమిళనాడులో అల్పాహార పథకం విస్తరణ.. ఇక 8వ తరగతి వరకు విద్యార్థులకు ఉచిత బ్రేక్‌ఫాస్ట్

ముస్లిం రిజర్వేషన్లపై సుప్రీంకోర్టు దిశగా తమిళనాడు ప్రభుత్వం.. హైకోర్టు తీర్పుకు సవాల్

POPULAR POSTS

మునుగోడు ఆశ..రాజన్న శ్వాస..

RGV: బలవంతుడిదే రాజ్యం.. గెలిచిన వారి మతంలో చేరుతా!

డ్రైవింగ్ లైసెన్స్‌ నేరుగా ఇంటికే..!

POPULAR CATEGORY

ABOUT US

Trending Tags