#SajjanKumarDeath - Crime Mirror

క్రైమ్ మిర్రర్ : కాంగ్రెస్ పార్టీ మాజీ ఎంపీ సజ్జన్ కుమార్ కన్నుమూశారు. 80 ఏళ్ల ఆయన ఢిల్లీలోని సఫ్దార్జంగ్ ఆస్పత్రిలో చికిత్స పొందుతూ మృతి చెందారు. అనారోగ్యంతో బాధపడుతున్న ఆయనను చివరి దశలో తీహార్ జైలు నుంచి ఆస్పత్రికి తరలించినట్లు సమాచారం. 1984లో అప్పటి ప్రధాని ఇందిరా గాంధీ హత్య అనంతరం ఢిల్లీలో చోటుచేసుకున్న సిక్కు వ్యతిరేక అల్లర్ల కేసులో సజ్జన్ కుమార్ జీవిత ఖైదు శిక్ష అనుభవిస్తున్నారు. రౌజ్ అవెన్యూ కోర్టు 2025 ఫిబ్రవరి 12న ఆయనను దోషిగా నిర్ధారించి జీవితకాల కారాగార శిక్ష విధించింది. అయితే ఆయనకు మరణశిక్ష విధించాలని అల్లర్ల బాధితులు డిమాండ్ చేశారు. మూడుసార్లు లోక్సభకు ఎన్నిక సజ్జన్ కుమార్ ఔటర్ ఢిల్లీ నియోజకవర్గం నుంచి మూడుసార్లు లోక్సభకు ఎన్నికయ్యారు. కాంగ్రెస్ పార్టీలో కీలక నేతగా ఎదిగిన ఆయన 2004 వరకు ఎంపీగా కొనసాగారు. 2009 ఎన్నికల్లో కాంగ్రెస్ ఆయనకు టికెట్ ఇవ్వకుండా, ఆయన సోదరుడు రమేశ్ కుమార్ను అభ్యర్థిగా నిలబెట్టింది. రమేశ్ కుమార్ ఆ ఎన్నికల్లో విజయం సాధించారు. 1984 అల్లర్ల కేసులో 2018లో సజ్జన్ కుమార్ దోషిగా తేలిన అనంతరం ఆయన కాంగ్రెస్ పార్టీకి రాజీనామా చేశారు. ఇందిరా గాంధీ హత్య తర్వాత అల్లర్లు 1984 అక్టోబర్ 31న అప్పటి ప్రధాని ఇందిరా గాంధీని ఆమె భద్రతా సిబ్బంది సత్వంత్ సింగ్, బియాంత్ సింగ్ కాల్చి చంపారు. ఈ ఘటన తర్వాత ఢిల్లీ సహా దేశంలోని పలు ప్రాంతాల్లో సిక్కులపై దాడులు జరిగాయి. ఇళ్లు, దుకాణాలను ధ్వంసం చేయడంతో పాటు భారీగా ప్రాణనష్టం సంభవించింది. ఢిల్లీలోనే సుమారు 3,000 మంది సిక్కులు మరణించినట్లు వివిధ నివేదికలు పేర్కొన్నాయి. జశ్వంత్ సింగ్, ఆయన కుమారుడి హత్యకు సంబంధించిన కేసులోనూ సజ్జన్ కుమార్ నిందితుడిగా ఉన్నారు. ఇదే అల్లర్లకు సంబంధించిన ఇతర హత్య కేసుల్లో యశ్పాల్ మాలిక్, కిషోరి లాల్ వంటి వ్యక్తులకు మరణశిక్షలు విధించగా, సజ్జన్ కుమార్కు జీవిత ఖైదు విధించడంపై అప్పట్లో తీవ్ర చర్చ జరిగింది. అకాలీదళ్ విమర్శలు సిక్కుల హత్యలకు సంబంధించిన కేసుల్లో సజ్జన్ కుమార్ పాత్ర ఉన్నప్పటికీ కాంగ్రెస్ పార్టీ ఆయనకు రాజకీయంగా అండగా నిలిచిందని అకాలీదళ్ ఆరోపించింది. 1984 అల్లర్ల బాధితులకు న్యాయం జరగాలంటూ ఆ పార్టీ పలుమార్లు డిమాండ్ చేసింది. సజ్జన్ కుమార్ మరణంతో 1984 సిక్కు వ్యతిరేక అల్లర్లకు సంబంధించిన కేసుల్లో ఆయనపై కొనసాగుతున్న న్యాయ ప్రక్రియలు, బాధిత కుటుంబాలకు న్యాయం అంశం మరోసారి చర్చకు వచ్చింది. also read : పాకిస్థాన్లో టిక్టాక్ స్టార్ షమ్సో బీబీ దారుణ హత్య

Tag: #SajjanKumarDeath

Most Read

విశాఖలో విషాదం.. టీచర్ కొట్టడంతో ఆరేళ్ల బాలుడు మృతి?

బడంగ్‌పేట్ మున్సిపల్ కార్పొరేషన్ అధికారుల తీరుపై తీవ్ర అసంతృప్తి..!

భార్య మృతి.. అంత్యక్రియల్లోనే భర్తకు గుండెపోటు.. ఒకే రోజు దంపతుల మృతి

వర్షాకాలంలో జలుబు, దగ్గుకు మిరియాలు ఇలా వాడండి…!

EDITOR PICKS

1984 సిక్కు అల్లర్ల కేసులో జీవిత ఖైదు అనుభవిస్తున్న సజ్జన్ కుమార్ మృతి

POPULAR POSTS

మునుగోడు ఆశ..రాజన్న శ్వాస..

RGV: బలవంతుడిదే రాజ్యం.. గెలిచిన వారి మతంలో చేరుతా!

డ్రైవింగ్ లైసెన్స్‌ నేరుగా ఇంటికే..!

POPULAR CATEGORY

ABOUT US

Trending Tags