Pok - Crime Mirror

ఐక్యరాజ్యసమితి వేదికగా మరోసారి భారత్ తన దౌత్య ధైర్యాన్ని చూపించింది. జమ్మూ-కాశ్మీర్ అంశాన్ని మళ్లీ లేవనెత్తిన పాకిస్థాన్కు భారత ప్రతినిధి అనుపమా సింగ్ గట్టి సమాధానం ఇచ్చారు. ఉగ్రవాదాన్ని ఆశ్రయించడం మాత్రమే కాదు, దానికి ప్రోత్సాహం ఇవ్వడం కూడా పాకిస్థాన్ ప్రభుత్వ విధానంలో భాగమైందని ఆమె స్పష్టం చేశారు. ఐరాస మానవ హక్కుల హైకమిషనర్ నివేదికపై జరిగిన చర్చలో ‘రైట్ ఆఫ్ రిప్లై’ వినియోగించిన భారత్, జమ్మూ-కాశ్మీర్ విషయంలో తన స్పష్టమైన వైఖరిని మళ్లీ వెల్లడించింది. “జమ్మూ-కాశ్మీర్ భారత్లో అంతర్భాగం. గతంలోనూ, ప్రస్తుతం, భవిష్యత్తులోనూ అదే కొనసాగుతుంది. చర్చించాల్సిన విషయం ఒకటే పాకిస్థాన్ అక్రమంగా ఆక్రమించిన భారత భూభాగాలను తిరిగి అప్పగించాలి” అని అనుపమా సింగ్ స్పష్టం చేశారు. ఇక పాకిస్థాన్ ఆక్రమిత కశ్మీర్ (PoK) పరిస్థితులను ప్రస్తావిస్తూ అక్కడి ప్రజలు ఎదుర్కొంటున్న ఇబ్బందులను ఆమె వివరించారు. ఆహారం, విద్యుత్, ప్రాథమిక హక్కుల కోసం ప్రజలు నిరసనలు తెలుపుతుంటే, వారిపై బలప్రయోగం జరుగుతోందని విమర్శించారు. ముఖ్యంగా రావట్కోట్ ప్రాంతంలో జరిగిన ఘటనలను ఉదాహరణగా చూపుతూ, ప్రజాస్వామ్య హక్కులు అక్కడ నిరోధించబడుతున్నాయని అన్నారు. పాకిస్థాన్ తనను తాను ఉగ్రవాద బాధిత దేశంగా చూపించుకోవడాన్ని భారత్ తీవ్రంగా ఎండగట్టింది. “ఉగ్రవాదులకు ఆశ్రయం ఇచ్చి, శిక్షణ ఇచ్చి, వారిని ఇతర దేశాలకు పంపించడం ప్రభుత్వ విధానంగా ఉన్న దేశం… అదే సమయంలో తానే బాధితుడినని చెప్పుకోవడం విరుద్ధ పరిస్థితి” అని అనుపమా సింగ్ వ్యాఖ్యానించారు. తానే సృష్టించిన సమస్యల వల్ల ఇబ్బందులు ఎదుర్కొంటూ ఆశ్చర్యపడుతున్న దేశం పాకిస్థాన్ అని ఘాటుగా అన్నారు. సింధూ జలాల ఒప్పందం అంశంపైనా భారత్ తన అభిప్రాయాన్ని వెల్లడించింది. 1960లో కుదిరిన ఈ ఒప్పందం నేటి పరిస్థితులకు సరిపడదని, ప్రపంచంలో వచ్చిన మార్పులు, సాంకేతిక అభివృద్ధి, జనాభా అవసరాలు పూర్తిగా భిన్నంగా మారిపోయాయని పేర్కొన్నారు. ఉగ్రవాదాన్ని ప్రోత్సహించే దేశం సహకార ఒప్పందాల ప్రయోజనాలు కోరడం సమంజసం కాదని భారత్ స్పష్టం చేసింది. ఐరాస వేదికపై భారత్ ఇచ్చిన ఈ ఘాటు సమాధానం అంతర్జాతీయ వేదికలపై పాకిస్థాన్ వైఖరిని మరోసారి వెలుగులోకి తీసుకువచ్చింది. also read: డెలివరీ నుంచి ఖాకీ వరకు… స్వప్నం కోసం పోరాటం చేస్తున్న యువతి కథ వైరల్!

Tag: Pok

ఐరాస వేదికపై భారత్ ఘాటు సమాధానం – పాక్‌కు కఠిన హెచ్చరిక!

Hamza Burhan Shot Dead: గుర్తు తెలియని వ్యక్తుల కాల్పులు, పుల్వామా దాడి సూత్రధారి హమ్జా బుర్హాన్ హతం!

Army Chief: పాక్ కవ్వింపు చర్యలు.. భారత ఆర్మీ చీఫ్ సంచలన వ్యాఖ్యలు!

EDITOR PICKS

విద్యార్థుల జీవితాలతో కేంద్రం చెలగాటమాడుతోంది…!

70 ఏళ్ల వృద్ధురాలిపై అఘాయిత్యం, ఇద్దరు నిందితుల అరెస్ట్

నాలుగేళ్ల చిన్నారిపై అఘాయిత్యం, నిందితుడిపై పోక్సో కేసు

POPULAR POSTS

మునుగోడు ఆశ..రాజన్న శ్వాస..

Folk Star Nagadurga: జానపద గాయని నుంచి హీరోయిన్‌గా.. నాగదుర్గ కొత్త ప్రయాణం!

RGV: బలవంతుడిదే రాజ్యం.. గెలిచిన వారి మతంలో చేరుతా!

POPULAR CATEGORY

ABOUT US

Trending Tags