PM Kisan Funds - Crime Mirror

దేశంలోని రైతులకు ఆర్థిక సహాయం అందించే ప్రధానమంత్రి కిసాన్ సమ్మాన్ నిధి (పీఎం కిసాన్) పథకం కింద మరో విడత నిధుల విడుదలకు కేంద్ర ప్రభుత్వం తేదీని ఖరారు చేసింది. 23వ విడత సాయాన్ని జూన్ 20న రైతుల బ్యాంకు ఖాతాల్లో జమ చేయనుంది. ఈ నిధులను ప్రధాని నరేంద్ర మోదీ పశ్చిమ బెంగాల్లోని హుగ్లీ జిల్లా తారకేశ్వర్లో నిర్వహించే ప్రత్యేక కార్యక్రమంలో విడుదల చేయనున్నారు. దీంతో అర్హులైన రైతుల ఖాతాల్లో ఒక్కొక్కరికి రూ.2,000 చొప్పున నేరుగా జమ కానుంది. వ్యవసాయ ఖర్చులకు కొంత ఊరట కేంద్ర ప్రభుత్వం ఈ పథకాన్ని అమలు చేస్తోంది. చిన్న, సన్నకారు రైతులకు పెట్టుబడి సాయంగా ప్రతి సంవత్సరం రూ.6,000 అందిస్తోంది. ఈ మొత్తాన్ని ఒకేసారి కాకుండా మూడు విడతలుగా రైతుల ఖాతాల్లో జమ చేస్తుంది. ప్రతి నాలుగు నెలలకు ఒకసారి రూ.2,000 చొప్పున రైతులు పొందుతున్నారు. 2019లో ప్రారంభమైన పీఎం కిసాన్ పథకం ద్వారా ఇప్పటివరకు కోట్లాది మంది రైతులు లబ్ధి పొందారు. రైతులకు నేరుగా ఆర్థిక సాయం అందించడంలో ఈ పథకం కీలక పాత్ర పోషిస్తోంది. ఎలాంటి మధ్యవర్తులు లేకుండా డైరెక్ట్ బెనిఫిట్ ట్రాన్స్ ఫర్ (డీబీటీ) విధానంలో నిధులు రైతుల ఖాతాలకు చేరుతున్నాయి.ఈ ఏడాది 22వ విడత నిధులను మార్చి 13న అసోంలోని గౌహతిలో నిర్వహించిన కార్యక్రమంలో ప్రధాని మోదీ విడుదల చేశారు. ఇప్పుడు 23వ విడత కోసం రైతులు ఆసక్తిగా ఎదురుచూస్తున్నారు. రైతులు ఏం చేయాలంటే? అయితే, రైతులు తమ ఈ-కేవైసీ, ఆధార్ లింకింగ్, బ్యాంకు ఖాతా వివరాలు సరిగా ఉన్నాయో? లేదో? ముందుగానే తనిఖీ చేసుకోవాలని అధికారులు సూచిస్తున్నారు. వివరాల్లో ఏవైనా సమస్యలు ఉంటే నిధుల జమలో ఆలస్యం జరిగే అవకాశం ఉందని చెబుతున్నారు. జూన్ 20న విడుదలయ్యే ఈ విడతతో దేశవ్యాప్తంగా కోట్లాది మంది రైతులకు మరోసారి ఆర్థిక మద్దతు లభించనుంది.

Tag: PM Kisan Funds

Most Read

కదులుతున్న లోకల్ ట్రైన్ కిందకు దూకబోయిన వ్యక్తి… కాపాడిన మహిళా కానిస్టేబుల్

రజినీకాంత్ కోసమే రూల్ బ్రేక్ చేసిన విజయ్ సేతుపతి.. జైలర్ 2పై ఆసక్తికర వ్యాఖ్యలు!

ఉదయాన్నే నల్ల శెనగలు తింటే ఏమవుతుందో తెలుసా?

మొక్కజొన్న తింటున్నారా? ఈ 5 ఆరోగ్య సమస్యలు ఉంటే కాస్త జాగ్రత్త..

EDITOR PICKS

PM Kisan Update: రైతుల ఖాతాల్లో మళ్లీ పీఎం కిసాన్ నగదు.. ఎప్పుడు వేస్తారంటే?

POPULAR POSTS

మునుగోడు ఆశ..రాజన్న శ్వాస..

Folk Star Nagadurga: జానపద గాయని నుంచి హీరోయిన్‌గా.. నాగదుర్గ కొత్త ప్రయాణం!

డ్రైవింగ్ లైసెన్స్‌ నేరుగా ఇంటికే..!

POPULAR CATEGORY

ABOUT US

Trending Tags