MumbaiNews - Crime Mirror

క్రైమ్ మిర్రర్ : ముంబైలో ఓ విచిత్ర ఘటన వెలుగులోకి వచ్చింది. తండ్రి మరణించినా ఆయనను తనకు దూరం చేయకూడదని భావించిన ఓ మహిళ.. మృతదేహాన్ని దహనం చేయకుండా సుమారు నాలుగేళ్ల పాటు భద్రపరిచినట్లు పోలీసులు గుర్తించారు. చివరకు మూసివేసి ఉన్న డే కేర్ సెంటర్ నుంచి తీవ్ర దుర్వాసన రావడంతో స్థానికులకు అనుమానం వచ్చి పోలీసులకు సమాచారం ఇవ్వడంతో ఈ విషయం బయటపడింది. ముంబైలోని మలాడ్ ఈస్ట్ ప్రాంతంలో ఈ ఘటన చోటుచేసుకుంది. కొంతకాలంగా మూసివేసి ఉన్న ఓ డే కేర్ సెంటర్ నుంచి దుర్వాసన వస్తున్నట్లు స్థానికులు గుర్తించారు. రోజులు గడిచేకొద్దీ వాసన తీవ్రం కావడంతో ఏదైనా అనుమానాస్పద ఘటన జరిగి ఉండొచ్చని భావించిన వారు పోలీసులకు సమాచారం అందించారు. సమాచారం అందుకున్న పోలీసులు డే కేర్ సెంటర్ వద్దకు చేరుకున్నారు. గేటుకు ఉన్న తాళాన్ని తొలగించి లోపలికి వెళ్లి తనిఖీలు చేపట్టారు. ఈ క్రమంలో కుళ్లిపోయిన స్థితిలో ఓ వృద్ధుడి మృతదేహం కనిపించింది. అనంతరం వివరాలు సేకరించగా, ఆ వ్యక్తి 2022లో గుండెపోటుతో మృతి చెందినట్లు పోలీసుల దర్యాప్తులో తెలిసింది. మృతుడి కుమార్తె తండ్రిపై ఉన్న అనుబంధంతో ఆయన మరణాన్ని అంగీకరించలేకపోయినట్లు పోలీసులు తెలిపారు. తండ్రిని తనకు దగ్గరగా ఉంచుకోవాలనే ఉద్దేశంతో అంత్యక్రియలు నిర్వహించకుండా మృతదేహాన్ని సంరక్షించాలని ఆమె నిర్ణయించినట్లు వెల్లడించారు. ఇందుకోసం ఓ విదేశీ సంస్థ సహాయంతో మృతదేహాన్ని భద్రపరిచే ఏర్పాట్లు చేసినట్లు సమాచారం. ఈ ఘటన వెనుక ఉన్న కుటుంబ పరిస్థితులు, మృతదేహాన్ని ఇన్నేళ్లుగా ఎలా భద్రపరిచారు అనే అంశాలపై పోలీసులు దర్యాప్తు చేస్తున్నారు. సంబంధిత మహిళ తన తరఫున న్యాయపరమైన విషయాలను చూసుకునేందుకు న్యాయవాదులను నియమించుకున్నట్లు ఓ పోలీసు అధికారి తెలిపారు. కేసుకు సంబంధించిన కుటుంబ, చట్టపరమైన అంశాలను పరిశీలిస్తున్నామని వెల్లడించారు. also read : ఓయూ పరిధిలో రోడ్డు ప్రమాదం.. స్కూటీపై వెళ్తున్న వ్యక్తి మృతి

Tag: MumbaiNews

Most Read

అబ్బాయి కావాలంటూ దారుణం.. అక్రమ లింగ నిర్ధారణ, బలవంతపు అబార్షన్‌తో 24 ఏళ్ల యువతి మృతి!

మద్యం కోసం డబ్బులు ఇవ్వలేదని తండ్రిని గొడ్డలితో నరికి చంపిన కొడుకు.. నల్గొండలో దారుణం!

వికారాబాద్ జిల్లాలో విషాదం.. ఇద్దరు పిల్లలతో కలిసి తల్లి ఆత్మహత్య

ఏపీకి మరో తుపాను ముప్పు.. ఆదివారం సాయంత్రం అవకాశం.. రెండు రోజుల పాటు భారీ వర్షాలు!

EDITOR PICKS

నాలుగేళ్లుగా తండ్రి మృతదేహం ఇంట్లోనే.. చివరకు వెలుగులోకి షాకింగ్ ఘటన

గణేష్ ఉత్సవాల్లో తీవ్ర విషాదం.. విద్యుత్ ఘాతంతో చిన్నారితో సహా ఇద్దరు మృతి!

అమీషా పటేల్ ఇంట్లో చోరీ.. మహిళా పనిమనిషి అరెస్ట్

POPULAR POSTS

మునుగోడు ఆశ..రాజన్న శ్వాస..

డ్రైవింగ్ లైసెన్స్‌ నేరుగా ఇంటికే..!

RGV: బలవంతుడిదే రాజ్యం.. గెలిచిన వారి మతంలో చేరుతా!

POPULAR CATEGORY

ABOUT US

Trending Tags