Kurnool - Crime Mirror

ఆంధ్రప్రదేశ్కు కేంద్ర ప్రభుత్వం రెండు ప్రత్యేక బృందాలను పంపించనుంది. రాష్ట్రంలో ఇటీవల సంభవించిన అర్నబ్ తుపాను కారణంగా జరిగిన నష్టాన్ని అంచనా వేయడంతో పాటు, పలు జిల్లాల్లో నెలకొన్న కరవు పరిస్థితులను పరిశీలించేందుకు ఈ బృందాలు పర్యటించనున్నాయి. ఈ విషయాన్ని రాష్ట్ర విపత్తుల నిర్వహణ సంస్థ (APSDMA) మేనేజింగ్ డైరెక్టర్ ప్రఖర్ జైన్ శుక్రవారం వెల్లడించారు. తుపాను నష్టంపై అక్టోబర్ 31, నవంబర్ 1న పరిశీలన కేంద్ర హోంశాఖ జాయింట్ సెక్రటరీ చిత్తరంజన్ దాస్ నేతృత్వంలోని ఏడుగురు సభ్యుల బృందం అక్టోబర్ 31, నవంబర్ 1 తేదీల్లో తుపాను ప్రభావిత ప్రాంతాల్లో పర్యటించనుంది. ముందుగా రియల్ టైమ్ గవర్నెన్స్ (RTGS) కేంద్రంలో రాష్ట్ర అధికారులు తుపాను సమయంలో చేపట్టిన సహాయక చర్యలు, జరిగిన నష్టానికి సంబంధించిన వివరాలను బృందానికి అందజేయనున్నారు. అనంతరం కేంద్ర బృందం రెండు విభాగాలుగా విడిపోయి క్షేత్రస్థాయిలో పర్యటిస్తుంది. ఒక బృందం కోనసీమ, కాకినాడ జిల్లాల్లో పర్యటించగా, మరో బృందం తూర్పు గోదావరి, పశ్చిమ గోదావరి జిల్లాల్లో పర్యటించి నష్టాన్ని పరిశీలిస్తుంది. పర్యటన అనంతరం సోమవారం సాయంత్రం ముఖ్యమంత్రి చంద్రబాబుతో కేంద్ర బృందం సమావేశం కానుంది. కరవు పరిస్థితులపై మరో కేంద్ర బృందం మరోవైపు 2026 ఖరీఫ్ సీజన్లో రాష్ట్రంలోని పలు ప్రాంతాల్లో నెలకొన్న కరవు పరిస్థితులను అధ్యయనం చేసేందుకు కేంద్ర వ్యవసాయ, రైతు సంక్షేమ శాఖ జాయింట్ సెక్రటరీ చిన్మయ్ గోట్మారే నేతృత్వంలో పది మంది సభ్యుల బృందం రాష్ట్రానికి రానుంది. నవంబర్ 2, 3 తేదీల్లో ఈ బృందం పర్యటించనుంది. ఈ బృందం కూడా రెండు విభాగాలుగా ఏర్పడి శ్రీ సత్యసాయి, అనంతపురం, కర్నూలు, నంద్యాల జిల్లాల్లో పర్యటిస్తుంది. ఆయా ప్రాంతాల్లో వ్యవసాయ పరిస్థితులను పరిశీలించడంతో పాటు రైతులు, సంబంధిత అధికారులతో మాట్లాడి క్షేత్రస్థాయి వివరాలను సేకరించనుంది. రాష్ట్ర ప్రభుత్వం ఇప్పటికే 283 మండలాలను తీవ్ర కరవు ప్రాంతాలుగా, మరో 105 మండలాలను మధ్యస్థ కరవు ప్రాంతాలుగా గుర్తించింది. ఈ నేపథ్యంలో కేంద్ర బృందం పర్యటన ప్రాధాన్యత సంతరించుకుంది. నవంబర్ 4న ఈ బృందం ముఖ్యమంత్రి చంద్రబాబుతో సమావేశమై తన పరిశీలన వివరాలను వెల్లడించనుంది. రెండు బృందాల పర్యటనపై ఆసక్తి ఒకవైపు తుపాను కారణంగా జరిగిన నష్టానికి సంబంధించిన వివరాలు, మరోవైపు వర్షాభావంతో రైతులు ఎదుర్కొంటున్న ఇబ్బందులను కేంద్ర బృందాలు పరిశీలించనున్నాయి. క్షేత్రస్థాయి పర్యటనల అనంతరం కేంద్రానికి సమర్పించే నివేదికల ఆధారంగా రాష్ట్రానికి అవసరమైన సహాయం, తదుపరి చర్యలపై స్పష్టత వచ్చే అవకాశం ఉంది. తుపాను నష్టం అంచనా బృందంలో సభ్యులు: చిత్తరంజన్ దాస్ (కేంద్ర హోంశాఖ), ప్రశాంత్ ఆర్మోరికర్ (వ్యవసాయ శాఖ), రేఖారాణి కొల్లు (జలశక్తి మంత్రిత్వ శాఖ), హిమాలయ గర్గ్ (ఆర్థిక శాఖ), రాకేశ్ కుమార్ సింగ్ (రోడ్డు రవాణా శాఖ), అలోక్ జవహర్ (గ్రామీణాభివృద్ధి శాఖ), ప్రణయ్ గర్గ్ (విద్యుత్ శాఖ), డా. ఎస్.వి.ఎస్.పి. శర్మ (ఇస్రో). కరవు అధ్యయన బృందంలో సభ్యులు: చిన్మయ్ గోట్మారే (వ్యవసాయ శాఖ), ప్రభా కాంతి (MNCFC), వినోద్ సమంత్ (గ్రామీణాభివృద్ధి శాఖ), పంకజ్ పహాడియా (ఆర్థిక శాఖ), ఎన్.వి. సతీష్ శీమకుర్తి (డైరెక్టరేట్ ఆఫ్ మానిటరింగ్), డా. కె. పొన్నుసామి (నూనె గింజల అభివృద్ధి), అనురాధ బటానా (నీతి ఆయోగ్), ధీరేంద్ర కుమార్ (RIC), ప్రదీప్ కుమార్ (ప్రజా పంపిణీ), డా. సాక్షి భదౌరియా (పశుసంవర్ధక శాఖ). also read: బోనీ కపూర్ హెయిర్ ట్రాన్స్ప్లాంట్ వెనుక అసలు కథ.. డబ్బులు కట్టకపోగా ఆయనే తీసుకున్నారట!

Tag: Kurnool

Most Read

కొత్త టీటీడీ అధ్యక్షుడు ఎవరు…?

గుంటూరులో పోటా పోటీ…!

పుర పోరుకు అంతా సిద్ధం…! 92 పట్టణ స్థానిక సంస్థలకు పోలింగ్…

వైసీపీకి షాక్…! టీడీపీలో చేరిన మాజీ ఎమ్మెల్యే అప్ప‌ల‌నాయుడు…

EDITOR PICKS

ఏపీకి రెండు కేంద్ర బృందాలు.. తుపాను నష్టం, కరవు పరిస్థితులపై క్షేత్రస్థాయి పరిశీలన!

భర్త హత్యకు స్కెచ్ వేసిన భార్య.. బావతో కలిసి దారుణం.. ఆదోని హత్య కేసులో ఇద్దరి అరెస్ట్

కర్నూలులో వింత ఘటన.. ఆవు పాలు తాగిన పందిపిల్ల

POPULAR POSTS

మునుగోడు ఆశ..రాజన్న శ్వాస..

డ్రైవింగ్ లైసెన్స్‌ నేరుగా ఇంటికే..!

RGV: బలవంతుడిదే రాజ్యం.. గెలిచిన వారి మతంలో చేరుతా!

POPULAR CATEGORY

ABOUT US

Trending Tags