KT Rama Rao Health Update

తీవ్ర జ్వరంతో బాధపడుతున్న గులాబీ పార్టీ వర్కింగ్ ప్రెసిడెంట్ పార్టీ శ్రేణుల్లో ఆందోళన క్రైమ్ మిర్రర్, హైదరాబాద్: గులాబీ పార్టీ అగ్రనేత కేటీఆర్ తీవ్ర అనారోగ్యంతో బాధపడుతున్నారు. తీవ్రమైన వైరల్ జ్వరం, నువ్వు తరహా లక్షణాలతో అస్వస్థతకు గురయ్యారు. ఈ విషయాన్ని ఆయనే స్వయంగా ప్రకటించారు. వాతావరణ మార్పులు, కాలానుగుణంగా వ్యాపిస్తున్న ఇన్ఫెక్షన్ల ప్రభావంతో ఒక్కసారిగా నీరసం, జ్వరం బారిన పడ్డారు. దీంతో వైద్యుల పర్యవేక్షణలోకి కేటీఆర్ వెళ్లాల్సి వచ్చింది. ప్రస్తుతానికి ఆసుపత్రిలో చేరాల్సిన అవసరం లేక పోయింది.. కానీ వైద్య నిపుణుల సూచనల మేరకు ఆయన ఇంటి వద్ద అవసరమైన పూర్తిస్థాయి చికిత్స తీసుకుంటున్నారు. దీంతో రెండు రోజులపాటు ఆయన రాజకీయ కార్యకలాపాలకు దూరంగా ఉండనున్నారు. రెండు రోజుల విరామం.. ఆరోగ్య సమస్యల కారణంగా రోజువారి కార్యక్రమాలకు, వ్యక్తిగత షెడ్యూలకు తాత్కాలిక విరామం ప్రకటించారు కేటీఆర్. నిపుణులైన వైద్యులు అవసరమైన మందులు, పూర్తి విశ్రాంతిని సూచించారని.. శరీరం కోలుకోవడానికి తగిన జాగ్రత్తలు తీసుకుంటున్నట్లుగా తెలుస్తోంది. అయితే ఈ హఠాత్ అస్వస్థత వార్తతో పార్టీ శ్రేణులు ఆందోళనకు గురయ్యాయి. అయితే కేటీఆర్ త్వరగా కోలుకుంటున్నారని.. ఆయన విషయంలో ఇబ్బందులు లేవని సన్నిహిత వర్గాలు చెబుతున్నాయి. కేటీఆర్ ట్వీట్.. మరోవైపు కేటీఆర్ ట్వీట్ చేశారు. తాను అనారోగ్యానికి గురైన విషయాన్ని పంచుకున్నారు. ఎటువంటి ఆందోళన చెందాల్సిన పనిలేదని.. మరో రెండు మూడు రోజుల్లో కోలుకొని పూర్తి పార్టీ కార్యక్రమాల్లో పాల్గొంటానని చెప్పడంతో శ్రేణులు ఊపిరి పీల్చుకున్నాయి. కొద్ది రోజుల కిందట కేటీఆర్ కుమారుడు అస్వస్థతకు గురైన సంగతి తెలిసిందే. ఆ సమయంలో కేసీఆర్ స్వయంగా వెళ్లి మనవడిని పరామర్శించారు. ఇప్పుడు కేటీఆర్ అనారోగ్యం బారిన పడ్డారు. ఆయన త్వరగా కోలుకోవాలని పార్టీ శ్రేణులు ఆకాంక్షిస్తున్నాయి.

Tag: KT Rama Rao Health Update

Most Read

జనసేనకు ఆ నాలుగు…!

మున్సిపల్ ఎన్నికలు షురూ…!

కేటీఆర్ కు అస్వస్థత…!

ఒగ్గు బీర్ల కళాకారుల కమిటీ ఏర్పాటు..!

EDITOR PICKS

కేటీఆర్ కు అస్వస్థత…!

POPULAR POSTS

మునుగోడు ఆశ..రాజన్న శ్వాస..

RGV: బలవంతుడిదే రాజ్యం.. గెలిచిన వారి మతంలో చేరుతా!

డ్రైవింగ్ లైసెన్స్‌ నేరుగా ఇంటికే..!

POPULAR CATEGORY

ABOUT US

Trending Tags