KOMATIREDDY RAJGOPAL REDDY

డబ్బులు ఉన్నాయని రాజకీయ పార్టీ పెట్టడం పాన్ షాప్ నిర్వహించినంత సులువు కాదని ఎమ్మెల్యే కోమటిరెడ్డి రాజగోపాల్ రెడ్డి ఎద్దేవా చేశారు. కల్వకుంట్ల కవిత స్థాపించిన తెలంగాణ రాష్ట్ర సేన (టీఆర్ఎస్) పార్టీపై ఆయన ఇవాళ ఘాటుగా స్పందించారు. కవిత వల్ల రాజకీయంగా ఎటువంటి మార్పు రాదని అభిప్రాయపడ్డారు. మొదటి సమావేశంలోనే ఆమె తన తండ్రి కేసీఆర్ను విమర్శించి తన మర్యాదను తానే పోగొట్టుకున్నారని విమర్శనాస్త్రాలు సంధించారు. తెలంగాణ ఉద్యమకారుడిగా పేరున్న కేసీఆర్ను సొంత బిడ్డ విమర్శించడం బాధాకరమని పేర్కొన్నారు. తండ్రికి కనీస గౌరవం ఇవ్వని వ్యక్తి ప్రజలకు అమ్మ ఎలా అవుతుందని ఆయన నిలదీశారు. తన అన్నపై ఉన్న కోపాన్ని తండ్రి మీద చూపించడం సరైన పద్ధతి కాదని హితవు పలికారు. టీఆర్ఎస్ అనే పేరుతో పార్టీని ప్రకటించడం అత్యంత హాస్యాస్పదమని రాజగోపాల్ రెడ్డి కొట్టిపారేశారు. ఉద్యమకారుడి బిడ్డగా కవితకు గుర్తింపు ఉన్నప్పటికీ కొత్త పార్టీ ద్వారా ఆమె సాధించేదేమీ లేదని స్పష్టం చేశారు. కవిత ప్రత్యక్ష ఎన్నికల్లో పోటీ చేస్తే డిపాజిట్లు కూడా దక్కవని జోస్యం చెప్పారు. ఢిల్లీ మద్యం కుంభకోణం కేసులో ఆమెకు ఇంకా క్లీన్ చిట్ రాలేదనే విషయాన్ని గుర్తు చేశారు. కేవలం రాజకీయ ఉనికి కోసమే ఇటువంటి ప్రయత్నాలు చేస్తున్నారని మండిపడ్డారు. తెలంగాణ ప్రజలు అన్ని విషయాలను గమనిస్తున్నారని తగిన సమయంలో బుద్ధి చెబుతారని హెచ్చరించారు. రాష్ట్ర మంత్రివర్గ విస్తరణ తన మంత్రి పదవిపై వస్తున్న వార్తలపై కూడా రాజగోపాల్ రెడ్డి స్పష్టతనిచ్చారు. మంత్రి పదవి విషయంలో పార్టీ అధిష్టానం తనకు ముందే హామీ ఇచ్చిందని వెల్లడించారు. అధిష్టానం నిర్ణయం మేరకు తనకు అవకాశం వస్తుందని ఆశాభావం వ్యక్తం చేశారు. ఒకవేళ మంత్రి పదవి ఇస్తే బాధ్యతాయుతంగా పనిచేసి ఆ పదవికి పూర్తి స్థాయిలో న్యాయం చేస్తానని ధీమా వ్యక్తం చేశారు. అభివృద్ధి పథంలో రాష్ట్రాన్ని ముందుకు తీసుకెళ్లడమే తన లక్ష్యమని వివరించారు. కవిత కొత్త పార్టీ ప్రకటన కేవలం మీడియా అటెన్షన్ కోసమేనని రాజగోపాల్ రెడ్డి అభివర్ణించారు. క్షేత్రస్థాయిలో ప్రజల మద్దతు లేని పార్టీలు ఎక్కువ కాలం నిలబడలేవని చెప్పారు. తన కుటుంబ సభ్యులనే విమర్శించే తీరు చూస్తుంటే ఆమె రాజకీయ పరిణతి ఏంటో అర్థమవుతోందని ఎద్దేవా చేశారు. రాజకీయాల్లో విలువలు ముఖ్యమని అవి లేని వారు ప్రజల ఆదరణ పొందలేరని స్పష్టం చేశారు. కవిత తీరు తెలంగాణ సమాజానికి తప్పుడు సంకేతాలు పంపిస్తోందని ఆందోళన వ్యక్తం చేశారు. ALSO READ: ప్రాణహిత-చేవెళ్ల ప్రాజెక్టు నిర్మాణానికి కాంగ్రెస్ ప్రభుత్వం కట్టుబడి ఉంది…మంత్రి ఉత్తమ్ కుమార్ రెడ్డి…!

Tag: KOMATIREDDY RAJGOPAL REDDY

Most Read

అనంతబాబుకు సుప్రీంకోర్టులో షాక్.. బెయిల్ పిటిషన్ తిరస్కరణ

బెంగళూరులో భారీ పేలుడు.. ఫుట్‌పాత్‌పై వెళ్తున్న వ్యక్తికి గాయాలు

తిరుమల శ్రీవారి సన్నిధిలో తమన్నా.. ‘ఈరోజు దర్శనం ఎంతో ప్రత్యేకం’ అంటూ ఆసక్తికర వ్యాఖ్యలు

డ్రగ్స్‌ నుంచి యువతను రక్షించడమే లక్ష్యం- నారా లోకేశ్

EDITOR PICKS

కవితతో ఊదు కాలదు.. పీరు లేవదు, కేసీఆర్‌ను విమర్శించడం బాదేసింది: రాజగోపాల్ రెడ్డి

రాజగోపాల్ రెడ్డిపై సీఎం రేవంత్ పగ! మారిన RRR అలైన్ మెంట్

సీఎం రేవంత్ పై రాజగోపాల్ రెడ్డి తిరుగుబాటు.. ఇక రాజీనామానే?

POPULAR POSTS

మునుగోడు ఆశ..రాజన్న శ్వాస..

RGV: బలవంతుడిదే రాజ్యం.. గెలిచిన వారి మతంలో చేరుతా!

డ్రైవింగ్ లైసెన్స్‌ నేరుగా ఇంటికే..!

POPULAR CATEGORY

ABOUT US

Trending Tags