India - Crime Mirror

Big Boost to Air Force: ఫ్రాన్స్ నుంచి భారత్ మరో 114 రఫేల్ యుద్ధ విమానాలను కొనుగోలు చేయనుంది. రక్షణ శాఖ మంత్రి సారథ్యంలోని డిఫెన్స్ అక్విసిషన్ కౌన్సిల్ త్వరలో ఈ ప్రతిపాదనపై ఆమోద ముద్ర వేసే అవకాశం ఉన్నట్టు తెలుస్తోంది. ఈ నెలలో ఫ్రాన్స్ అధ్యక్షుడు ఎమాన్యుయెల్ మాక్రాన్ భారత్లో పర్యటించనున్నారు. ఈ టూర్కు మునుపే రఫేల్ కొనుగోలు ప్రతిపాదనకు డీఏసీ ఆమోదం తెలిపే అవకాశం ఉంది. మరికొన్ని రోజుల్లో రక్షణ శాఖ మంత్రి రాజ్నాథ్ సింగ్ సారథ్యంలో జరగనున్న డీఏసీ సమావేశంలో గ్రీన్ సిగ్నల్ పడొచ్చని సంబంధిత వర్గాలు తెలిపాయి. గత నెలలోనే రక్షణ శాఖ సెక్రటరీ సారథ్యంలోని డిఫెన్స్ ప్రొక్రూర్మెంట్ బోర్డు ఈ డీల్ను క్లియర్ చేసిందట. మొత్తం డీలు విలువ రూ.3.25 లక్షల కోట్లు ఈ డీల్ విలువ సుమారు రూ.3.25 లక్షల కోట్లు ఉండొచ్చని సమాచారం. యుద్ద విమానాల కొరత నెలకొన్న నేపథ్యంలో ఈ డీల్ భారత వాయుసేనకు కీలకం కానుంది. ఇందులో భాగంగా 18 విమానాలను తక్షణ వినియోగానికి అనువైన స్థితిలో భారత్ దిగుమతి చేసుకుంటుంది. మిగిలిన 80 శాతం విమానాలను భారత్లోనే తయారు చేయనున్నారు. మేక్ ఇన్ ఇండియా కార్యాచరణలో భాగంగా ఈ విమానాల్లో సుమారు 60 శాతం స్వదేశీ విడి భాగాలను వినియోగించనున్నారు. మొత్తం విమానాల్లో 88 సింగిల్ సీట్, 26 ట్విన్ సీట్ వేరియంట్లు ఉండనున్నాయి. ఈ దిశగా రఫేల్ జెట్ తయారీదారు డసో ఏవియేషన్ భారతీయ ప్రైవేటు సంస్థలతో ఒప్పందం కుదుర్చుకోనుంది. 42 యుద్ధ విమానాల స్క్వాడ్రన్స్ అవసరం భారత వాయుసేనకు మొత్తం 42 యుద్ధ విమానాల స్క్వాడ్రన్స్ అవసరం. కానీ, ప్రస్తుతం 29 ఫైటర్ స్క్వాడ్రన్స్ మాత్రమే అందుబాటులో ఉన్నాయి. పశ్చిమ సరిహద్దు, ఇటు ఉత్తర సరిహద్దు నుంచి సవాళ్లు పెరుగుతున్న నేపథ్యంలో త్వరితగతిన ఫైటర్ జెట్స్ను సమకూర్చాలని వాయుసేన కేంద్రాన్ని కోరుతోంది.

Tag: India

Most Read

నిజాయితీ గల కానిస్టేబుల్‌కు కోపం వస్తే.. OTTని ఊపేస్తున్న క్రైమ్ థ్రిల్లర్

Gen Zలో పెరుగుతున్న బాడీ పెయిన్స్.. మెడ, నడుము నొప్పులకు అసలు కారణాలివే!

ఫోన్ మెమొరీ వెంటనే ఫుల్ అవుతోందా.. యాప్స్ డౌన్‌లోడ్ కాకపోవడానికి కారణాలివే!

మేనల్లుడితో ఎఫైర్.. భర్తకు కరెంట్ షాకిచ్చి చంపిన మహిళ

EDITOR PICKS

భారతదేశంలోని అత్యంత ధనిక దేవాలయాలు.. ఏ గుడిలో ఎక్కువ బంగారం ఉందంటే..?

సామాన్యులకు షాక్.. పెరగనున్న కరెంట్ ఛార్జీలు

దేవాలయాల్లో ఉన్న బంగారంపై కేంద్రం కీలక ప్రకటన!

POPULAR POSTS

మునుగోడు ఆశ..రాజన్న శ్వాస..

డ్రైవింగ్ లైసెన్స్‌ నేరుగా ఇంటికే..!

RGV: బలవంతుడిదే రాజ్యం.. గెలిచిన వారి మతంలో చేరుతా!

POPULAR CATEGORY

ABOUT US

Trending Tags

WhatsApp Channel