Hyderabad weather - Crime Mirror

హైదరాబాద్ నగరాన్ని భారీ వర్షం ముంచెత్తింది. శుక్రవారం సాయంత్రం నగరంలోని పలు ప్రాంతాల్లో ఉరుములు, మెరుపులతో కూడిన కుండపోత వర్షం కురిసింది. గంటకు పైగా ఏకధాటిగా వర్షం పడటంతో జనజీవనం అస్తవ్యస్తంగా మారింది. రహదారులపైకి భారీగా వరద నీరు చేరడంతో వాహనదారులు, ప్రజలు తీవ్ర ఇబ్బందులు ఎదుర్కొన్నారు. ఖైరతాబాద్, పంజాగుట్ట, సోమాజిగూడ, అమీర్పేట్, ఎస్ఆర్ నగర్, జూబ్లీహిల్స్, బంజారాహిల్స్, ఫిల్మ్ నగర్ ప్రాంతాల్లో వర్షం ప్రభావం ఎక్కువగా కనిపించింది. డ్రైనేజీలు పొంగిపొర్లడంతో లోతట్టు ప్రాంతాలు నీట మునిగాయి. రోడ్లపై నీరు నిలిచిపోవడంతో వాహనాల రాకపోకలకు తీవ్ర అంతరాయం ఏర్పడింది. మరోవైపు ఐటీ కారిడార్లో వర్షం కారణంగా ట్రాఫిక్ సమస్యలు మరింత తీవ్రమయ్యాయి. మాదాపూర్, హైటెక్ సిటీ, కేపీహెచ్బీ, మైండ్స్పేస్, ఐకియా మార్గాల్లో వాహనాలు భారీగా నిలిచిపోయాయి. ముఖ్యంగా మాదాపూర్లోని సిటీ వైన్స్ సమీపంలో ప్రధాన రహదారిపై పెద్ద ఎత్తున నీరు చేరడంతో ప్రయాణికులు తీవ్ర ఇబ్బందులు పడ్డారు. కుత్బుల్లాపూర్ నుంచి సూరారం వరకు, షాపూర్ నుంచి గాజులరామారం మార్గాల్లోనూ వాహనాలు నెమ్మదిగా కదిలాయి. సాయంత్రం కార్యాలయాల నుంచి ఇళ్లకు తిరిగి వెళ్లే సమయం కావడంతో ట్రాఫిక్ రద్దీ మరింత పెరిగింది. కొందరు ప్రయాణికులు వర్షం నుంచి రక్షణ కోసం మెట్రో పిల్లర్ల కింద ఆశ్రయం పొందగా, మరికొందరు గంటల తరబడి ట్రాఫిక్లో చిక్కుకుపోయారు. ఉప్పల్, ఎల్బీనగర్, మణికొండ, రాయదుర్గం, రాజేంద్రనగర్ ప్రాంతాల్లోనూ వర్షం ప్రభావం స్పష్టంగా కనిపించింది. పలు చోట్ల రహదారులపై నీరు నిలిచిపోవడంతో వాహనదారులు ఇబ్బందులు ఎదుర్కొన్నారు. ఇదిలా ఉంటే, గత కొన్ని రోజులుగా తీవ్రమైన ఎండలు, ఉక్కపోతతో సతమతమవుతున్న నగరవాసులకు ఈ వర్షం కొంత ఊరటనిచ్చింది. అయితే, భారీ వర్షంతో ఏర్పడిన ట్రాఫిక్ సమస్యలు మాత్రం హైదరాబాద్ ప్రజలకు ఇబ్బందిగా మారాయి. also read: సింగరేణి కార్మికులకు దీపావళి కానుక.. ఒక్కొక్కరికి రూ.1.10 లక్షల బోనస్!

Tag: Hyderabad weather

Most Read

ఇటలీలో మహేష్ బాబు మేనల్లుడి పెళ్లి వేడుకలు.. వైరల్ అవుతున్న ప్రీ వెడ్డింగ్ ఫొటోలు!

డిసెంబర్ 11న ప్రేక్షకుల ముందుకు ‘ఇడుపు కాయితం’.. ప్రియదర్శి కొత్త సినిమా రిలీజ్ డేట్ ఖరారు!

రూ.200 రిజిస్ట్రేషన్ ఫీజుపై హైకోర్టును ఆశ్రయించిన వ్యక్తి.. పిటిషన్‌పై ధర్మాసనం కీలక వ్యాఖ్యలు!

చిత్తూరులో విషాదం.. ఫీజు రీయింబర్స్‌మెంట్ వేధింపులతో ఇద్దరు విద్యార్థినుల ఆత్మహత్యాయత్నం.. ఒకరు మృతి!

EDITOR PICKS

హైదరాబాద్‌లో భారీ వర్షం బీభత్సం.. జలమయమైన రహదారులు, ఎక్కడికక్కడ ట్రాఫిక్ జామ్!

తెలంగాణ‌లో నేడు…రేపు భారీ వ‌ర్షాలు…! ప‌లు జిల్లాల‌కు ఎల్లో అల‌ర్ట్‌….

తెలుగు రాష్ట్రాల్లో వర్షాల జోరు: ఈ వీకెండ్ భారీ వర్షాల హెచ్చరిక… ఏ జిల్లాల్లో ఎక్కువ? పూర్తి వివరాలు

POPULAR POSTS

మునుగోడు ఆశ..రాజన్న శ్వాస..

డ్రైవింగ్ లైసెన్స్‌ నేరుగా ఇంటికే..!

RGV: బలవంతుడిదే రాజ్యం.. గెలిచిన వారి మతంలో చేరుతా!

POPULAR CATEGORY

ABOUT US

Trending Tags