Harish Rao Letter to Rahul Gandhi

తెలంగాణ రెవెన్యూ శాఖలో నిషేధిత భూముల జాబితా పేరుతో అక్రమాలు, ప్రజలపై వేధింపులు జరుగుతున్నాయని బీఆర్ఎస్ ఎమ్మెల్యే, మాజీ మంత్రి హరీశ్ రావు ఆరోపించారు. ఈ వ్యవహారంపై కాంగ్రెస్ అగ్రనేత, లోక్సభ ప్రతిపక్ష నేత రాహుల్ గాంధీకి ఆయన బహిరంగ లేఖ రాశారు. రెవెన్యూ శాఖ మంత్రి పొంగులేటి శ్రీనివాస్ రెడ్డిపై చర్యలు తీసుకుని, మంత్రివర్గం నుంచి తొలగించాలని డిమాండ్ చేశారు. చట్టపరంగా వివాదాస్పద లేదా నిషేధిత భూముల రిజిస్ట్రేషన్లను నిరోధించేందుకు ఉపయోగించాల్సిన 22A నిబంధనను కొందరు దుర్వినియోగం చేస్తున్నారని హరీశ్ రావు విమర్శించారు. ప్రైవేట్ ఆస్తులపై అనవసరమైన వివాదాలు సృష్టించి, వాటిని పరిష్కరించేందుకు డబ్బులు డిమాండ్ చేస్తున్నారంటూ ఆరోపణలు చేశారు. హైదరాబాద్లోని జూబ్లీహిల్స్, బంజారాహిల్స్తో పాటు రంగారెడ్డి, మేడ్చల్, సంగారెడ్డి జిల్లాల్లో హెచ్ఎండీఏ అనుమతులు ఉన్న పలు ప్లాట్లు, ఇళ్లను కూడా నిషేధిత జాబితాలో చేర్చుతున్నారన్నది ఆయన ప్రధాన ఆరోపణ. గతంలోనే క్రమబద్ధీకరించిన అర్బన్ ల్యాండ్ సీలింగ్ భూములు, రిజిస్ట్రేషన్ పత్రాలు స్పష్టంగా ఉన్న ఆస్తుల విషయంలోనూ ఇదే తరహా చర్యలు జరుగుతున్నాయని పేర్కొన్నారు. రెవెన్యూ వ్యవహారాల్లో భారీగా కమీషన్లు వసూలు చేస్తున్నారంటూ హరీశ్ రావు మరో ఆరోపణ చేశారు. 22A జాబితాలోకి వెళ్లిన భూమిని తిరిగి తొలగించేందుకు మార్కెట్ విలువలో కొంత శాతం డబ్బు డిమాండ్ చేస్తున్నారని ఆయన అన్నారు. ముఖ్యంగా ఔటర్ రింగ్ రోడ్ పరిసరాల్లోని విలువైన భూముల విషయంలో యజమానులపై ఒత్తిళ్లు పెడుతున్నారని ఆరోపించారు. యాదాద్రి జిల్లాలో పెద్ద మొత్తంలో భూములు నిషేధిత జాబితాలోకి వెళ్లిన అంశాన్ని కూడా హరీశ్ రావు తన లేఖలో ప్రస్తావించారు. ఈ వ్యవహారంపై ప్రభుత్వం స్పష్టమైన వివరణ ఇవ్వాలని డిమాండ్ చేశారు. కాంగ్రెస్ ప్రభుత్వం అధికారంలోకి వచ్చిన తర్వాత 22A జాబితాలో చేర్చిన, తొలగించిన భూములపై సమగ్ర విచారణ జరపాలని హరీశ్ రావు కోరారు. హైకోర్టు మాజీ న్యాయమూర్తి ఆధ్వర్యంలో స్వతంత్ర దర్యాప్తుతో పాటు ఫోరెన్సిక్ ఆడిట్ నిర్వహించాలని సూచించారు. జిల్లాల వారీగా నిషేధిత భూముల వివరాలను ప్రజలకు అందుబాటులో ఉంచాలని డిమాండ్ చేశారు. రెవెన్యూ శాఖలో జరుగుతున్నాయని ఆరోపిస్తున్న అక్రమాలపై రాహుల్ గాంధీ వెంటనే స్పందించాలని హరీశ్ రావు కోరారు. ప్రజల ఆస్తులకు సంబంధించిన అంశంలో పారదర్శకత పాటించకపోతే కాంగ్రెస్ పార్టీ రాజకీయంగా నష్టపోయే పరిస్థితి వస్తుందని ఆయన హెచ్చరించారు. also read: గురువాయూర్లో ఒక్కటైన ప్రేమ.. స్కాట్లాండ్ ఎంపీ, కేరళ మహిళ సంప్రదాయ వివాహం

Tag: Harish Rao Letter to Rahul Gandhi

Most Read

జపాన్‌లో ‘మిరాయ్’ జోరు.. అడ్వాన్స్ బుకింగ్స్‌లో అదరగొడుతున్న తేజ సజ్జా సినిమా!

నాగపంచమి వేళ వింత ఆచారం.. గడ్డి తింటున్న 70 ఏళ్ల వృద్ధుడు.. చూసేందుకు పోటెత్తిన జనం

రేగా కాంతారావుకు హైకోర్టులో ఊరట.. లైంగిక వేధింపుల కేసు కొట్టివేత

22A భూముల వ్యవహారంపై హరీశ్ రావు సంచలన ఆరోపణలు.. రాహుల్ గాంధీకి బహిరంగ లేఖ

EDITOR PICKS

22A భూముల వ్యవహారంపై హరీశ్ రావు సంచలన ఆరోపణలు.. రాహుల్ గాంధీకి బహిరంగ లేఖ

POPULAR POSTS

మునుగోడు ఆశ..రాజన్న శ్వాస..

RGV: బలవంతుడిదే రాజ్యం.. గెలిచిన వారి మతంలో చేరుతా!

డ్రైవింగ్ లైసెన్స్‌ నేరుగా ఇంటికే..!

POPULAR CATEGORY

ABOUT US

Trending Tags