Gold Theft - Crime Mirror

సోషల్ మీడియాలో తన వద్ద ఉన్న బంగారు ఆభరణాలు, నగదును తరచూ ప్రదర్శిస్తూ వీడియోలు చేసే ఓ యూట్యూబర్ ఇంట్లో భారీ చోరీ జరిగింది. తమిళనాడులోని కన్యాకుమారి జిల్లాలో ఈ ఘటన చోటుచేసుకుంది. ఆన్లైన్లో సంపదను బహిరంగంగా చూపించడం వల్లే దొంగలకు ఇంట్లో విలువైన వస్తువులు ఉన్నాయనే సమాచారం తెలిసి ఉండొచ్చని పోలీసులు అనుమానిస్తున్నారు. అసలేం జరిగిందంటే.. నాగర్కోయిల్ సమీపంలోని తమ్మత్తుకోణం ప్రాంతంలోని వీఐపీ గార్డెన్లో యూట్యూబర్ వినోద్ కుమార్ తన భార్య మధుమితతో కలిసి నివసిస్తున్నారు. వినోద్ కుమార్ సోషల్ మీడియాలో యాక్టివ్గా ఉంటూ.. బంగారు ఆభరణాలు ధరించిన వీడియోలు, భారీగా నగదు ఉన్నట్లు కనిపించే వీడియోలను ఎప్పటికప్పుడు పోస్టు చేస్తుంటారని తెలుస్తోంది. ఈ క్రమంలో గుర్తుతెలియని వ్యక్తులు రాత్రి సమయంలో ఆయన ఇంటి వెనుక భాగంలోని తలుపును పగలగొట్టి లోపలికి ప్రవేశించారు. ఇంట్లో ఉన్న సుమారు 118 సవర్ల బంగారు ఆభరణాలను దొంగలు ఎత్తుకెళ్లారు. 118 సవర్లు అంటే దాదాపు 944 గ్రాముల బంగారం. దీనితో పాటు ఇంట్లో ఉన్న నగదును కూడా దోచుకుని అక్కడి నుంచి పరారైనట్లు పోలీసులు తెలిపారు. ఉదయం నిద్రలేచిన వినోద్ కుమార్, మధుమిత ఇంట్లో చోరీ జరిగిన విషయాన్ని గుర్తించారు. వెంటనే పోలీసులకు సమాచారం అందించారు. సమాచారం అందుకున్న రాజక్కమంగళం పోలీసులు ఘటనాస్థలికి చేరుకుని పరిశీలించారు. కేసు నమోదు చేసి దర్యాప్తు ప్రారంభించారు. చోరీకి సంబంధించిన ఆధారాల కోసం క్లూస్ టీం, డాగ్ స్క్వాడ్ను రంగంలోకి దించారు. ఇంటి పరిసరాల్లో లభించిన ఆధారాలను సేకరించడంతో పాటు దొంగలు వచ్చిన మార్గం, వెళ్లిన దిశపై పోలీసులు ఆరా తీస్తున్నారు. సోషల్ మీడియా వీడియోలపై పోలీసుల దృష్టి ఈ కేసు దర్యాప్తులో భాగంగా వినోద్ కుమార్ సోషల్ మీడియా పోస్టులను కూడా పోలీసులు పరిశీలిస్తున్నారు. వీడియోల్లో కనిపించిన బంగారం, నగదు వివరాల ఆధారంగా దొంగలకు ఇంట్లో ఉన్న సంపదపై ముందుగానే సమాచారం లభించి ఉండవచ్చని అనుమానిస్తున్నారు. వీడియోలను చూసిన వ్యక్తులు ఇంటిని టార్గెట్ చేసి పక్కా ప్రణాళికతో చోరీకి పాల్పడ్డారా? అనే కోణంలోనూ విచారణ సాగుతోంది. అదే సమయంలో ఈ దోపిడీకి సోషల్ మీడియా పోస్టులకు నిజంగా ఏమైనా సంబంధం ఉందా అనే అంశాన్ని కూడా పోలీసులు నిర్ధారించాల్సి ఉంది. ఇంటి పరిసరాల్లోని సీసీటీవీ కెమెరాల ఫుటేజీని పోలీసులు పరిశీలిస్తున్నారు. అనుమానితుల కదలికలు ఎక్కడైనా రికార్డయ్యాయా? వారు ఏ మార్గంలో వచ్చారు? చోరీ అనంతరం ఏ వైపు వెళ్లారు? అనే అంశాలపై దర్యాప్తు కొనసాగుతోంది. ఈ ఘటనతో సోషల్ మీడియాలో వ్యక్తిగత ఆస్తులు, విలువైన వస్తువుల వివరాలను బహిరంగంగా ప్రదర్శించడం వల్ల ఎదురయ్యే భద్రతా సమస్యలపై మరోసారి చర్చ మొదలైంది. అయితే చోరీకి సోషల్ మీడియా పోస్టులే కారణమా అన్నది పోలీసుల దర్యాప్తు పూర్తయిన తర్వాతే స్పష్టత వచ్చే అవకాశం ఉంది. also read: బెంగళూరులో దారుణ హత్య.. పాత పరుపులో బయటపడిన మహిళ మృతదేహం

Tag: Gold Theft

Most Read

తొర్రూరులో విషాదం.. ఇంట్లో ఉరేసుకుని 25 ఏళ్ల మహిళ మృతి

ఏలూరులో మహిళ అదృశ్యం కేసులో ట్విస్ట్.. బంగారం కోసం గోదావరిలోకి తోసేసిన ఆటోడ్రైవర్!

కొత్తగూడెంలో భారీగా గంజాయి పట్టివేత.. 365 కిలోలకు పైగా స్వాధీనం

మీరట్ బ్లూ డ్రమ్ హత్య కేసులో కీలక తీర్పు.. భార్య, ప్రియుడుని దోషులుగా తేల్చిన కోర్టు

EDITOR PICKS

సోషల్ మీడియాలో బంగారం, నగదు ప్రదర్శన.. యూట్యూబర్ ఇంట్లో భారీ చోరీ!

కర్నూలులో పోలీసుల ఇళ్లనే టార్గెట్ చేసిన దొంగలు.. భారీగా బంగారం, నగదు చోరీ

ATM Fraud: దొరికిన ఏటీఎం కార్డుతో నగదు విత్ డ్రా.. ఆ తర్వాత ఏమైందంటే..?

POPULAR POSTS

మునుగోడు ఆశ..రాజన్న శ్వాస..

RGV: బలవంతుడిదే రాజ్యం.. గెలిచిన వారి మతంలో చేరుతా!

డ్రైవింగ్ లైసెన్స్‌ నేరుగా ఇంటికే..!

POPULAR CATEGORY

ABOUT US

Trending Tags