#ElephantKillsMan - Crime Mirror

క్రైమ్ మిర్రర్ : బెంగళూరు శివారులో విషాదకర ఘటన చోటుచేసుకుంది. ఉదయం మార్నింగ్ వాక్కు వెళ్లిన 60 ఏళ్ల వ్యక్తిపై అడవి నుంచి బయటకు వచ్చిన ఏనుగు దాడి చేయడంతో ఆయన మృతిచెందారు. ఈ ఘటన సెప్టెంబర్ 28న తెల్లవారుజామున చోటుచేసుకున్నట్లు అధికారులు తెలిపారు. బెంగళూరు శివారు ప్రాంతానికి చెందిన నాగరాజ్ ఉదయం సుమారు 5 గంటల సమయంలో రోడ్డుపై నడకకు వెళ్లారు. సమీపంలోని అటవీ ప్రాంతం నుంచి బయటకు వచ్చిన ఏనుగు ఆయనపై దాడి చేసి తొక్కివేయడంతో తీవ్రంగా గాయపడి అక్కడికక్కడే ప్రాణాలు కోల్పోయారు. ఘటనపై సమాచారం అందుకున్న అటవీ శాఖ అధికారులు, పోలీసులు అక్కడికి చేరుకుని పరిస్థితిని పరిశీలించారు. విషయం తెలుసుకున్న కర్ణాటక అటవీ శాఖ మంత్రి రామలింగారెడ్డి ఆస్పత్రికి వెళ్లి మృతుడి కుటుంబ సభ్యులను పరామర్శించారు. కుటుంబానికి ప్రభుత్వం తరఫున రూ.20 లక్షల పరిహారం అందించనున్నట్లు ప్రకటించారు. ప్రభుత్వ నిబంధనల ప్రకారం మానవతా దృక్పథంతో బాధిత కుటుంబానికి ఈ సహాయం అందిస్తున్నట్లు మంత్రి తెలిపారు. ఇదిలా ఉండగా, మనిషిపై దాడి చేసిన ఏనుగును గుర్తించి తిరిగి అటవీ ప్రాంతంలోకి తరలించేందుకు అటవీ శాఖ ప్రత్యేక చర్యలు చేపట్టింది. సుమారు 100 మంది సిబ్బందితో మూడు ప్రత్యేక బృందాలను ఏర్పాటు చేశారు. దుబారే ఏనుగు శిబిరానికి చెందిన శిక్షణ పొందిన ఏనుగులను కూడా ఆపరేషన్లో వినియోగిస్తున్నారు. ఏనుగు కదలికలను గుర్తించేందుకు డ్రోన్లతో పర్యవేక్షణను ముమ్మరం చేశారు. బన్నెరఘట్ట అటవీ డివిజన్ పరిధి దాటి ఏనుగు జనావాస ప్రాంతాల్లోకి మరింతగా వెళ్లకుండా అధికారులు చర్యలు తీసుకుంటున్నారు. బీఎం కావల్ ప్రాంతంలో ఏనుగు కదలికలను గుర్తించినట్లు అటవీ శాఖ అధికారి చక్రపాణి తెలిపారు. ఏనుగును పట్టుకునే చర్యలు కొనసాగుతున్న నేపథ్యంలో స్థానికులు అప్రమత్తంగా ఉండాలని, అత్యవసరం అయితే తప్ప ఇళ్ల నుంచి బయటకు రావద్దని సూచించారు. మరోవైపు మార్నింగ్ వాక్కు వెళ్లిన నాగరాజ్పై ఏనుగు దాడి చేసిన దృశ్యాలు అక్కడి సీసీటీవీ కెమెరాలో రికార్డయ్యాయి. ప్రస్తుతం ఈ ఘటనకు సంబంధించిన వీడియో సోషల్ మీడియాలో వైరల్గా మారింది. ఏనుగును సురక్షితంగా పట్టుకుని అటవీ ప్రాంతానికి తరలించేందుకు అధికారులు ఆపరేషన్ కొనసాగిస్తున్నారు. also read : హౌతీల దాడుల వేళ సౌదీకి పాకిస్థాన్ భరోసా.. సైనిక సాయంపై రక్షణ మంత్రి కీలక ప్రకటన

Tag: #ElephantKillsMan

Most Read

వృద్ధ దంపతులు రిజిస్ట్రేషన్‌ కోసం ఆందోళన..!

మార్నింగ్ వాక్‌కు వెళ్లిన వ్యక్తిపై ఏనుగు దాడి.. మృతి

హౌతీల దాడుల వేళ సౌదీకి పాకిస్థాన్ భరోసా.. సైనిక సాయంపై రక్షణ మంత్రి కీలక ప్రకటన

గత ప్రభుత్వంపై పవన్ కళ్యాణ్ తీవ్ర విమర్శలు!

EDITOR PICKS

మార్నింగ్ వాక్‌కు వెళ్లిన వ్యక్తిపై ఏనుగు దాడి.. మృతి

POPULAR POSTS

మునుగోడు ఆశ..రాజన్న శ్వాస..

RGV: బలవంతుడిదే రాజ్యం.. గెలిచిన వారి మతంలో చేరుతా!

డ్రైవింగ్ లైసెన్స్‌ నేరుగా ఇంటికే..!

POPULAR CATEGORY

ABOUT US

Trending Tags