DSP Nalgonda - Crime Mirror

తరచూ దొంగతనాలకు పాల్పడుతూ, అలవాటైన నేరస్తులకు హెచ్చరిక జిల్లా ఎస్పీ శరత్ చంద్ర పవార్, ఐపీఎస్ నల్లగొండ నిఘా ప్రతినిధి(క్రైమ్ మిర్రర్):- జిల్లా పరిధిలో ఇటీవల కాలంలో తరచూ దొంగతనాలు, చోరీలు, చైన్ స్నాచింగ్, ద్విచక్ర వాహనాల చోరీలు, ఇళ్లలో చోరీలు వంటి నేరాలకు పాల్పడుతున్న, వాటికి అలవాటైన నేరస్తులపై, జిల్లా పోలీస్ శాఖ కఠినంగా వ్యవహరించనున్నట్లు, జిల్లా ఎస్పీ శరత్ చంద్ర పవార్ ఐపీఎస్ హెచ్చరించారు. జిల్లాలో గతంలో దొంగతనాలకు పాల్పడిన వ్యక్తులందరినీ, జిల్లా పోలీస్ శిక్షణ కేంద్రంలో హాజరు పరచి, కౌన్సిలింగ్ కార్యక్రమం నిర్వహించి, నేరాలకు దూరంగా ఉండి సత్ప్రవర్తనతో, నేరాలను మానుకొని, సమాజంలో గౌరవ ప్రదమైన, చట్టబద్ధమైన జీవితం గడపాలని వారికి సూచనలు ఇచ్చారు. ఈ సందర్భంగా జిల్లా ఎస్పీ మాట్లాడుతూ, జిల్లాలో నేరాలకు అలవాటుపడిన వ్యక్తుల కదలికలపై పోలీస్ శాఖ ఇప్పటికే, ప్రత్యేక నిఘా బృందాలు, నైట్ పెట్రోలింగ్ టీములు, సీసీటీవీ నిఘా వ్యవస్థల ద్వారా నిరంతర పర్యవేక్షణ కొనసాగిస్తున్నట్లు తెలిపారు. ముఖ్యంగా తరచూ నేరాలకు పాల్పడుతున్న నేర చరిత్ర కలిగిన వ్యక్తులు, అనుమానితులపై ప్రత్యేక దృష్టి సారించినట్లు వెల్లడించారు. తరచూ నేరాలకు పాల్పడుతున్న నిందితులు, తమ ప్రవర్తనను వెంటనే మార్చుకోకపోతే, ప్రివెంటివ్ డిటెన్షన్ యాక్ట్ (పీడీ యాక్ట్), రౌడీషీట్లు, బైండోవర్ కేసులు, కఠిన చట్టాల కింద అరెస్ట్ లు, రిమాండ్ వంటి చర్యలు తప్పవని జిల్లా ఎస్పీ కఠినంగా హెచ్చరించారు. ప్రజల ఆస్తి, ప్రాణ భద్రతలకు ముప్పుగా మారే నేరస్తులను, ఎట్టి పరిస్థితుల్లోనూ ఉపేక్షించబోమని స్పష్టం చేశారు. అలాగే, దొంగతనాలకు పాల్పడే ముఠాలు, తిరుగుబాటు నేరస్తులు, అంతర్రాష్ట్ర నేరస్తులపై, ప్రత్యేక ఆపరేషన్ నిర్వహించి, వారి నెట్వర్క్ను పూర్తిగా ఛేదించే దిశగా చర్యలు తీసుకుంటున్నామని తెలిపారు. ప్రజలు కూడా తమ ఇళ్ల వద్ద భద్రతా చర్యలు తప్పనిసరిగా పాటించాలని, సీసీటీవీ కెమెరాలు ఏర్పాటు చేసుకోవాలని, పొరుగువారితో సమన్వయం ఉంచాలని సూచించారు. ఏదైనా అనుమానాస్పద వ్యక్తులు కానీ ఘటనలు కనిపిస్తే డయల్ 100 లేదా, సమీప పోలీస్ స్టేషన్కు వెంటనే సమాచారం అందించాలని కోరారు. జిల్లాలో శాంతి భద్రతలను పరిరక్షించడమే పోలీస్ శాఖ ప్రధాన లక్ష్యమని, నేరాలపై జీరో టాలరెన్స్ విధానంతో పని చేస్తున్నామని జిల్లా ఎస్పీ తెలిపారు. దొంగతనాలకు పాల్పడుతున్న వారు సత్ప్రవర్తనతో నేరాలను మానుకొని, ఉపాధి మార్గాల వైపు అడుగులు వేయాలని, అలాంటి వారికి పోలీస్ శాఖ తరపున అవసరమైన సహాయ–సహకారాలు, అందించేందుకు సిద్ధంగా ఉన్నామని జిల్లా ఎస్పీ శరత్ చంద్ర పవార్ ఐపీఎస్ స్పష్టం చేశారు.

Tag: DSP Nalgonda

Most Read

నయనతార భర్తతో 3 ఏళ్ల రిలేషన్షిప్.. ఆసక్తికర విషయాలు బయటపెట్టిన జూ. ఎన్టీఆర్ నటి!

నేడు కూటమి నేతల కీలక సమావేశం

Aamir Khan: మూడో పెళ్లికి సిద్ధమైన స్టార్ హీరో.. పెళ్లి డేట్ ఫిక్స్!

రణ్‌వీర్ సింగ్‌కు బిగ్ రిలీఫ్.. ఎట్టకేలకు ఎత్తివేసిన నిషేధం!

EDITOR PICKS

నల్లగొండ జిల్లాలో దొంగతనాల నివారణకు ప్రత్యేక కార్యచరణ..!

గడ్డం కృష్ణపై రేప్, పోక్సో కేసులు – ఎస్పీ శరత్ పవార్ దర్యాప్తు పర్యవేక్షణ

మానవత్వం చాటుకున్న డీఎస్పీ రాజశేఖర్ రాజు – శభాష్ పోలీస్ అంటూ ప్రజల ప్రశంసలు

POPULAR POSTS

మునుగోడు ఆశ..రాజన్న శ్వాస..

డ్రైవింగ్ లైసెన్స్‌ నేరుగా ఇంటికే..!

RGV: బలవంతుడిదే రాజ్యం.. గెలిచిన వారి మతంలో చేరుతా!

POPULAR CATEGORY

ABOUT US

Trending Tags

WhatsApp Channel