#DelhiPolice - Crime Mirror

క్రైమ్ మిర్రర్ : గత జులైలో కాక్రోచ్ జనతా పార్టీ (సీజేపీ) నిర్వహించిన నిరసనల్లో పాల్గొన్న 14 ఏళ్ల బాలికపై నమోదైన వేధింపుల ఆరోపణల వ్యవహారంలో సుప్రీంకోర్టు తీవ్రంగా స్పందించింది. కేసు దర్యాప్తు, న్యాయపరమైన ప్రక్రియ కొనసాగుతున్న సమయంలో బాధితురాలు లేదా ఆమె కుటుంబ సభ్యులను బెదిరించడం, ఒత్తిడికి గురిచేయడం ఏమాత్రం అనుమతించబోమని స్పష్టం చేసింది. గురువారం ఈ కేసుపై విచారణ జరిపిన సీజేఐ సూర్యకాంత్ నేతృత్వంలోని జస్టిస్ జోయ్మాల్య బాగ్చీ, జస్టిస్ వి.మోహన్లతో కూడిన ధర్మాసనం.. బాలికపై హింసకు పాల్పడ్డారనే ఆరోపణలు ఎదుర్కొంటున్న వ్యక్తులు స్వేచ్ఛగా తిరుగుతూ బాధిత కుటుంబాన్ని భయపెట్టే ప్రయత్నం చేస్తే దాన్ని తీవ్రంగా పరిగణించాల్సి ఉంటుందని హెచ్చరించింది. విచారణ సందర్భంగా బాలిక తరఫు న్యాయవాది పలు అంశాలను ధర్మాసనం దృష్టికి తీసుకెళ్లారు. రైట్వింగ్ కార్యకర్త స్వతంత్ర భరద్వాజ్పై కేసు నమోదైన అనంతరం బాలికను వేధించడంతో పాటు ఆమె ఇంటిని ధ్వంసం చేసినట్లు ఆరోపించారు. నిరసన సమయంలో బాలిక తండ్రిపై కూడా దాడి జరిగినట్లు కోర్టుకు తెలిపారు. ఇందుకు సంబంధించిన వీడియో ఆధారాలు తమ వద్ద ఉన్నాయని పేర్కొన్నారు. కేసు దర్యాప్తు కోసం ఏర్పాటు చేయనున్న ఉన్నతస్థాయి కమిటీకి కొంత సమయం పట్టే అవకాశం ఉందని, ఈలోగా బాలికకు ఏదైనా హాని జరిగితే దాన్ని తిరిగి భర్తీ చేయడం సాధ్యం కాదని న్యాయవాది వాదించారు. ఈ వాదనలపై స్పందించిన ధర్మాసనం.. బాధితురాలు, ఆమె కుటుంబ సభ్యులను బెదిరించే చర్యలను ఏమాత్రం ఉపేక్షించబోమని స్పష్టం చేసింది. బాలికపై హింసకు సంబంధించిన అంశాల్లో ఎవరినీ కాపాడే ప్రయత్నం చేయకూడదని పేర్కొంది. ఇదిలా ఉండగా, స్వతంత్ర భరద్వాజ్పై నమోదైన ఎఫ్ఐఆర్లో ఎస్సీ, ఎస్టీ (అత్యాచారాల నిరోధక) చట్టంలోని నిబంధనలతో పాటు నేరపూరిత బెదిరింపులకు సంబంధించిన సెక్షన్లను ఢిల్లీ పోలీసులు సెప్టెంబర్ 5న చేర్చినట్లు సమాచారం. బాలిక తండ్రిపై దాడి చేసినట్లు భరద్వాజ్ ఓ ఇంటర్వ్యూలో పేర్కొన్నారనే వార్తలు, రాజకీయ అండతోనే తాను అరెస్టు నుంచి తప్పించుకున్నానని చెప్పినట్లు వచ్చిన కథనాలు ఈ వ్యవహారాన్ని మరింత వివాదాస్పదంగా మార్చాయి. అనంతరం ఆయనను అరెస్ట్ చేయాలని డిమాండ్ చేస్తూ సీజేపీ ఆధ్వర్యంలో పార్లమెంట్ స్ట్రీట్ పోలీస్ స్టేషన్ ఎదుట నిరసన చేపట్టినట్లు తెలుస్తోంది. ఈ నేపథ్యంలో భరద్వాజ్ను బులంద్షహర్లో పోలీసులు అదుపులోకి తీసుకున్నట్లు సమాచారం. also read : మోక్షజ్ఞ సరసన శ్రీలీల.. హీరోయిన్గా ఫిక్స్ అవుతుందా?

Tag: #DelhiPolice

Most Read

ఈశ్వర్ సాయికి ముందస్తు బెయిల్

తండ్రి మందలించడంతో యువకుడి ఆత్మహత్య

కారులో గంజాయి విక్రయం.. మహిళ అరెస్ట్

విద్యార్థిని పట్ల ఉపాధ్యాయుడి అసభ్య ప్రవర్తన.. విద్యార్థిని తల్లిదండ్రుల దాడి

EDITOR PICKS

బాధిత కుటుంబాన్ని బెదిరిస్తే ఊరుకోం : సుప్రీంకోర్టు కీలక వ్యాఖ్యలు

పాకిస్థాన్ కోసం గూఢచర్యం.. ఢిల్లీలో దంపతుల అరెస్ట్

ఇంట్లోనే మోడల్‌ హత్య.. జిమ్‌ ట్రైనర్‌పై అనుమానం

POPULAR POSTS

మునుగోడు ఆశ..రాజన్న శ్వాస..

డ్రైవింగ్ లైసెన్స్‌ నేరుగా ఇంటికే..!

RGV: బలవంతుడిదే రాజ్యం.. గెలిచిన వారి మతంలో చేరుతా!

POPULAR CATEGORY

ABOUT US

Trending Tags