Cyber Fraud - Crime Mirror

డిజిటల్ అరెస్ట్ పేరుతో బడా మోసాలు జరుగుతున్నాయి.. జాగ్రత్తగా ఉండాలని అధికారులు చెప్తున్నా, ఇప్పటికీ అమాయకులు మోసపోతూనే ఉన్నారు. తాజాగా ఢిల్లీలోని ఓ వృద్ధ ఎన్ఆర్ఐ దంపతులకి సైబర్ నేరగాళ్లు ఊహించని షాకిచ్చారు. ఏకంగా 17 రోజుల పాటు వారిని డిజిటల్ అరెస్ట్ చేసి వారి నుంచి రూ.15 కోట్లు కొట్టేశారు. ఇంతకీ అసలు ఏం జరిగిందంటే? ఢిల్లీకి చెందిన డాక్టర్ ఓం తనేజా ఆయన భార్య ఇందిరా తనేజా.. సుమారు 48 ఏళ్ల పాటు అమెరికాలో ఐక్యరాజ్య సమితిలో జాబ్ చేశారు. 2015లో రిటైర్మెంట్ అయి భారత్కి వచ్చారు. ప్రస్తుతం ఢిల్లీలోని గ్రేటర్ కైలాష్ ప్రాంతంలో ఉంటూ స్వచ్ఛంద సేవా కార్యక్రమాలు చేస్తున్నారు. డిసెంబర్ 24న ఇందిరాకు ఒక ఫోన్ కాల్ వచ్చింది. అవతలి వ్యక్తులు తాము సీబీఐ, ఈడీ, ఆర్బీఐ అధికారులమంటూ పరిచయం చేసుకున్నారు. పలు అక్రమాలతోపాటు మనీ లాండరింగ్కు పాల్పడినట్లు తమ దగ్గర సమాచారం ఉందని బెదిరించారు. తాము చెప్పినట్లు చేయకుంటే శిక్ష తప్పదని వీడియో కాల్స్ ద్వారా హెచ్చరించారు. సైబర్ మోసగాళ్లు వీడియో కాల్స్ ద్వారా ఈ జంటను డిజిటల్ అరెస్ట్ చేశారు. ఒకటి కాదు రెండు కాదు.. ఏకంగా 17 రోజులపాటు ఈ జంటను డిజిటల్ అరెస్ట్ చేశారు. ఈ మధ్యలో 8 వేర్వేరు బ్యాంకు ఖాతాలకు డబ్బులు ట్రాన్స్ ఫర్ చేయాలని బలవంతం చేశారు. ఒకసారి రూ.2కోట్లు తర్వాత మరో రూ.2.10కోట్లకు పైగా అలా విడతల వారీగా మొత్తంగా రూ.14.85 కోట్ల తమ అకౌంట్లోకి ట్రాన్స్ ఫర్ చేయించుకున్నారు. బ్యాంక్ సిబ్బందికి అనుమానం రాకుండా.. వాస్తవానికి ఒకేసారి అంత పెద్ద మొత్తంలో డబ్బు ట్రాన్స్ ఫర్ అనగానే బ్యాంక్ సిబ్బంది అనుమానం వ్యక్తం చేశారు. కానీ, సైబర్ నేరగాళ్లు వారిని బెదిరించి తమకు అనుకూలంగా మాట్లాడించారు. జనవరి 10న సైబర్ నేరగాళ్లు ఆ దంపతులతో మీ డబ్బులు ఆర్బీఐ రీఫండ్ చేస్తుందని చెప్పారు. వెంటనే ఈ జంట లోకల్ పోలీసులను సంప్రదించగా తాము ఘోరంగా మోసపోయామని గ్రహించారు. ట్విస్ట్ ఏంటంటే.. స్టేషన్కి వెళ్లిన ఆ జంటకు వీడియో కాల్ రాగా.. దాన్ని పోలీసులు రిసీవ్ చేసుకున్నారు. నేరగాళ్లు పోలీసులను కూడా దారుణంగా తిట్టినట్లు సమాచారం. ఎన్ఆర్ఐ జంట ఇచ్చిన ఫిర్యాదు మేరకు కేసు నమోదు చేసుకుని దర్యాప్తు ప్రారంభించామన్నారు పోలీసులు. అంత పెద్ద మొత్తంలో డబ్బు కోల్పోవడంతో ఎన్ఆర్ఐ జంట తీవ్ర ఆవేదన వ్యక్తం చేస్తోంది.

Tag: Cyber Fraud

Most Read

జాన్వీ డీప్‌ఫేక్‌పై ఆర్జీవీ సంచలన వ్యాఖ్యలు.. సెలబ్రిటీల తీరుపై తీవ్ర విమర్శలు

పుణే హత్య కేసులో సంచలన విషయాలు.. మర్డర్ ప్లాన్ కోసం ChatGPT సాయం తీసుకున్న సియా గోయల్

సీఈసీ జ్ఞానేశ్ కుమార్‌పై విజిలెన్స్ విచారణ.. 2006 నాటి కేసులో కీలక పరిణామం

టీవీకే కీలక నిర్ణయం.. ఇండియా కూటమిలో విజయ్ పార్టీ చేరిక

EDITOR PICKS

ఫేస్‌బుక్ పరిచయం.. నకిలీ ట్రేడింగ్ వలలో దంత వైద్యుడు.. రూ.14.61 కోట్లకు టోపీ

హైదరాబాద్‌లో లోన్‌ యాప్‌ దారుణం.. ఈఎంఐ కోసం బాలిక ఫొటోలు మార్ఫింగ్ చేసి బెదిరింపులు

స్టాక్ మార్కెట్ లాభాల పేరుతో సైబర్ మోసం.. రిటైర్డ్ ఉద్యోగికి రూ.69.75 లక్షల టోకరా

POPULAR POSTS

మునుగోడు ఆశ..రాజన్న శ్వాస..

RGV: బలవంతుడిదే రాజ్యం.. గెలిచిన వారి మతంలో చేరుతా!

డ్రైవింగ్ లైసెన్స్‌ నేరుగా ఇంటికే..!

POPULAR CATEGORY

ABOUT US

Trending Tags