#Cm Revanth Reddy - Crime Mirror

మర్రిగూడ - మాల్ రూట్లో బస్సుల కోసం అవస్థలు ఎమ్మెల్యే రాజగోపాల్ రెడ్డికి పిల్లల వేడుకోలు క్రైమ్ మిర్రర్, మర్రిగూడ: మర్రిగూడ మోడల్ స్కూల్ విద్యార్థుల అవస్థలు అంతాఇంత కాదు. స్కూల్ పూర్తయిన తర్వాత సాయంత్రం ఇంటికి వెళ్లే సమయంలో బస్సుల కోసం తీవ్ర ఇబ్బందులు పడుతున్నారు. సాయంత్రం నాలుగు గంటల నుంచి సుమారు ఆరు గంటల వరకు రోడ్లపై వాహనాల కోసం పడిగాపులు కాస్తున్నారు. ఇంటికి త్వరగా వెళ్లాలన్న తొందరలో ప్రైవేట్ వాహనాలను లిఫ్ట్ అడుగుతున్నారు. తప్పతాగి నడుపుతున్న వారి వాహనాలపై వెళ్తూ, బిక్కుబిక్కుమంటూ గమ్యం చేరుకుంటున్నారు. గుర్తు తెలియని వాహనాలను ఆపడం వల్ల, చిన్నారులకు ప్రమాదం లేకపోలేదని పలువురు హెచ్చరిస్తున్నారు. నిర్లక్ష్యపు డ్రైవింగ్, డ్రంక్ అండ్ డ్రైవ్ల కారణంగా విద్యార్థులు ప్రమాదంలో చిక్కుకునే పరిస్థితి ఎక్కువగా కనబడుతోందని ఆందోళన వెలిబుచ్చుతున్నారు. ఈ సమస్యపై అధికారుల దృష్టికి కొంతమంది తీసుకువెళ్లినప్పటికీ, ఎలాంటి పరిష్కార చర్యలు లేవని ఆందోళన చెందుతున్నారు. పిల్లలు రోడ్లపై గంటల తరబడి నిలబడి, వాహనాల కోసం ఎదురుచూస్తున్న తీరు దారిన పోయే వారికి కూడా బాధను కలిగిస్తోంది. రేపటి భవిష్యత్తుకు బాటలు వేసే చిన్నారులు, వాహన సదుపాయాలు లేక ఇబ్బంది పడుతున్న తీరు మనసులను కలచి వేస్తోంది. ప్లీజ్ బండి ఆపన్న, ఇక్కడి వరకే అంటూ రోడ్డుపైకి పరుగులు తీస్తూ వ్యధను అనుభవిస్తున్నారు. చదువుకోవడం కంటే గమ్యాన్ని చేరడమే చిన్నారులకు సవాలుగా మారింది. ఈ పరిస్థితిని చూడలేకనే, కొంతమంది పిల్లల తల్లిదండ్రులు ప్రైవేట్ స్కూళ్ల బాట పడుతున్నారు. మునుగోడు ఎమ్మెల్యే కోమటిరెడ్డి రాజగోపాల్ రెడ్డి, ఈ సమస్యపై స్పందించి సాయంత్రం నాలుగు గంటల నుంచి అయిదు గంటల మధ్యలో మర్రిగూడ నుంచి మాల్ కు రెండు బస్సులను పంపాలని చిన్నారులు కోరుతున్నారు. పిల్లల చదువు కోసం గదులనే కట్టిస్తున్న రాజన్న, పిల్లల భద్రత దృష్ట్యా బస్సులు వేసి మరో పుణ్యం అందుకోవాలని విద్యార్థుల తల్లితండ్రులు కోరుతున్నారు.

Tag: #Cm Revanth Reddy

Most Read

రాజకీయాల్లో రామనామం వివాదం: మంత్రి సురేఖ వ్యాఖ్యలపై హిందూ సంఘాల ఆగ్రహం!

బీజేపీ, బీఆర్ఎస్ మధ్య లోపాయికారి ఒప్పందం.. టీపీసీసీ చీఫ్ మహేశ్ కుమార్ గౌడ్ సంచలన ఆరోపణలు

బ్రేకింగ్: తమిళనాడులో విజయ్ ప్రభంజనం.. కాంగ్రెస్ మద్దతు కోరిన టీవీకే!

తమిళ గడ్డపై రసవత్తర రాజకీయం!.. విజయ్ ప్లాన్ ఇదేనా?

EDITOR PICKS

హజ్ యాత్రికులకు అండగా రాష్ట్ర ప్రభుత్వం.. భారాన్ని భరించాలని సీఎం రేవంత్ నిర్ణయం

కార్మికులపై కేసుల ఎత్తివేతకు ముఖ్యమంత్రి గ్రీన్ సిగ్నల్.. అధికారులకు కీలక ఆదేశాలు

GOOD NEWS: మహిళలకు ఉచిత కుట్టు మిషన్ లు పంపిణి..!

POPULAR POSTS

మునుగోడు ఆశ..రాజన్న శ్వాస..

RGV: బలవంతుడిదే రాజ్యం.. గెలిచిన వారి మతంలో చేరుతా!

డ్రైవింగ్ లైసెన్స్‌ నేరుగా ఇంటికే..!

POPULAR CATEGORY

ABOUT US

Trending Tags

WhatsApp Channel