Araku Parliamentary Constituency News

అరకు పార్లమెంట్ స్థానానికి పరిశీలకుడిగా నియామకం అక్కడ పార్టీ గెలుపు కోసం వ్యూహాలు అందించే బాధ్యత విజయనగరం జడ్పీ పీఠం ఆయన కుమార్తెకే? క్రైమ్ మిర్రర్, ఏపీ బ్యూరో: టిడిపిలో చేరిన అనతి కాలంలోనే చిన్న శ్రీనుకు పార్టీ హై కమాండ్ గుర్తింపు ఇచ్చింది. కీలకమైన అరకు పార్లమెంట్ నియోజకవర్గ బాధ్యతలు కట్టబెట్టింది. పరిశీల కుడిగా నియమించింది. వాస్తవానికి మొన్నటి ఎన్నికల్లో అరకు పార్లమెంటు నియోజకవర్గం వైఎస్ఆర్ కాంగ్రెస్ పార్టీ గెలుచుకుంది. ఆ పార్లమెంటు స్థానం పరిధిలోని అరకు, పాడేరులో సైతం వైయస్సార్ కాంగ్రెస్ పార్టీ గెలిచింది. అయితే వస్తున్న స్థానిక సంస్థల ఎన్నికలతో పాటు అసెంబ్లీ, సార్వత్రిక ఎన్నికల్లో విజయమే ధ్యేయంగా అడుగులు వేస్తోంది తెలుగుదేశం. అందుకే అక్కడ పార్టీ బాధ్యతలను చిన్న శ్రీనుకు అప్పగించినట్లు తెలుస్తోంది. ఈ పార్లమెంట్ సీటు పరిధిలో అసెంబ్లీ నియోజకవర్గాలు ఎక్కువగా ఉమ్మడి విజయనగరం జిల్లా పరిధిలోనివి. అందుకే చిన్న శ్రీనుకు బాధ్యతలు కట్టబెట్టడం ద్వారా ఏకపక్షంగా విజయం సాధించాలన్నది చంద్రబాబు వ్యూహం. పార్టీలో చేరిన నెల రోజులకే చిన్న శ్రీనుకు ఈ కీలక బాధ్యతలు ఇవ్వడం వెనుక నూటికి నూరు శాతం విజయం సాధించాలన్న వ్యూహం ఉంది. మరోవైపు తమ నేతకు తక్కువ కాలంలోనే కీలక బాధ్యతలు కట్టబెట్టడంపై చిన్న శ్రీను అభిమానులు ఆనందంతో ఉన్నారు. వైసీపీ అక్కడ స్ట్రాంగ్.. మొన్నటి ఎన్నికల్లో అరకు పార్లమెంటు స్థానం నుంచి వైసీపీ అభ్యర్థి డాక్టర్ తనుజారాణి విజయం సాధించారు. అరకు పార్లమెంటు స్థానం పరిధిలో అరకు, పాడేరు, పార్వతీపురం, సాలూరు, కురుపాం, పాలకొండ, రంపచోడవరం అసెంబ్లీ నియోజకవర్గాలు ఉన్నాయి. అయితే ఇందులో ఐదు స్థానాల్లో కూటమి గెలిచింది. రెండు స్థానాల్లో గెలిచిన వైసిపి పార్లమెంట్ సీటును సైతం కైవసం చేసుకుంది. తద్వారా వైసిపికి ఇక్కడ ఉన్న పట్టు తెలుస్తోంది. అందుకే ఈ నియోజకవర్గ పరిశీలకుడిగా చిన్న శ్రీనుకు బాధ్యతలు అప్పగించింది టిడిపి హై కమాండ్. దాదాపు ఈ నియోజకవర్గాలతో చిన్న శ్రీనుకు మంచి సంబంధాలు ఉన్నాయి. అందుకే స్థానిక సంస్థల ఎన్నికల్లో ఏకపక్షంగా విజయం సాధించేందుకు వీలుగా చిన్న శ్రీను నియామకం జరిగినట్లు టిడిపి వర్గాలు భావిస్తున్నాయి. టిడిపిలో ఆశ్చర్యం.. మరోవైపు పార్టీలో చేరిన నెల రోజులకే చిన్న శ్రీను నియామకం టిడిపి వర్గాల్లో కూడా ఆశ్చర్యపరుస్తాంది. ఒక ఒప్పందం ప్రకారమే చిన్న శ్రీను టిడిపిలో చేరినట్లు ప్రచారం నడుస్తోంది. మరో రెండు రోజుల్లో మున్సిపల్ ఎన్నికలకు సంబంధించి షెడ్యూల్ రానుంది. విజయనగరం కార్పొరేషన్ స్థానాన్ని జనసేన ఆశిస్తున్నట్లు తెలుస్తోంది. అదే జరిగితే జిల్లా పరిషత్తు చైర్మన్ పదవి టిడిపికి ఉండిపోతుంది. అయితే జడ్పీ చైర్ పర్సన్ గా తన కుమార్తెను రంగంలోకి దించాలని చిన్న శ్రీను భావించారు. ఆ ఆలోచనతోనే ఆయన వైసీపీకి గుడ్ బై చెప్పి టిడిపిలో చేరారు. అయితే ముందుగా మున్సిపల్ ఎన్నికల్లో.. అరకు పార్లమెంట్ స్థానం పరిధిలో టిడిపిని గెలిపిస్తే అనే షరతుతోనే చిన్న శ్రీనుకు అక్కడ బాధ్యతలు అప్పగించినట్లు తెలుస్తోంది. మరి అందులో ఆయన ఎంతవరకు సక్సెస్ అవుతారో చూడాలి.

Tag: Araku Parliamentary Constituency News

Most Read

అమెరికాలో సిపిఎం నేత కుమారుడు మృతి…!

ఆర్టీసీ ఎన్నికల్లో కాంగ్రెస్ కు షాక్…!

తమిళనాడులో మార్పు…! కేంద్రంతో త‌గ్గిన ఘ‌ర్ష‌ణ వాతావ‌ర‌ణం…

కూటమిలో సీట్ల సర్దుబాటు…! ఎన్నిక‌ల‌కు మూడు పార్టీలు రెడీ…

EDITOR PICKS

చిన్న శ్రీను ఆన్ డ్యూటీ…!

POPULAR POSTS

మునుగోడు ఆశ..రాజన్న శ్వాస..

RGV: బలవంతుడిదే రాజ్యం.. గెలిచిన వారి మతంలో చేరుతా!

డ్రైవింగ్ లైసెన్స్‌ నేరుగా ఇంటికే..!

POPULAR CATEGORY

ABOUT US

Trending Tags