క్రైమ్ మిర్రర్, సినిమా:- కమల్ హాసన్, శంకర్ కాంబినేషన్లో తెరకెక్కిన ఇండియన్ 2 తర్వాత ఈ ఫ్రాంచైజీలో మూడో భాగం ఇండియన్ 3పై మరోసారి ఆసక్తి పెరుగుతోంది. ఇండియన్ 2తోపాటే ఇండియన్ 3కు సంబంధించిన చాలా భాగం షూటింగ్ కూడా పూర్తయిన విషయం తెలిసిందే. అయితే ఇండియన్ 2 ఆశించిన స్థాయిలో విజయం సాధించకపోవడంతో ఇండియన్ 3 విడుదలపై అనేక సందేహాలు వ్యక్తమయ్యాయి. ముఖ్యంగా ఈ సినిమాను థియేటర్లలో కాకుండా నేరుగా ఓటీటీలో విడుదల చేసే అవకాశం ఉందంటూ గతంలో వార్తలు ప్రచారంలోకి వచ్చాయి.ఇప్పుడు ఇండియన్ 3కు సంబంధించి సినీ వర్గాల్లో వినిపిస్తున్న తాజా సమాచారం అభిమానుల్లో కొత్త ఆశలు కలిగిస్తోంది. ఈ చిత్రానికి సంబంధించిన కొన్ని చిన్న ప్యాచ్ వర్క్లు, కంప్యూటర్ గ్రాఫిక్స్ పనులు మాత్రమే మిగిలి ఉన్నట్లు తెలుస్తోంది. త్వరలోనే పోస్ట్ ప్రొడక్షన్ కార్యక్రమాలను ప్రారంభించేందుకు చిత్ర బృందం సన్నాహాలు చేస్తున్నట్లు సమాచారం. దీనిపై అధికారిక ప్రకటన ఇంకా రాకపోయినా, సినిమాను వీలైనంత త్వరగా పూర్తి చేసి ప్రేక్షకుల ముందుకు తీసుకురావాలనే ఆలోచనలో మేకర్స్ ఉన్నట్లు తెలుస్తోంది.
లంచం తీసుకుంటూ ఏసీబీకి చిక్కిన ఇద్దరు ఉద్యోగులు
ఇండియన్ 3లో కమల్ హాసన్ మరోసారి సేనాపతి పాత్రలో కనిపించనున్నారు. భారతీయుడు సినిమాలో సేనాపతి పాత్రకు లభించిన గుర్తింపు నేపథ్యంలో ఈ పాత్రకు ప్రత్యేకమైన క్రేజ్ ఉంది. శంకర్ దర్శకత్వంలో రూపొందుతున్న ఈ సినిమాపై కూడా భారీ అంచనాలు ఉన్నాయి. అయితే ఇండియన్ 2 ఫలితం నేపథ్యంలో మూడో భాగాన్ని శంకర్ ఎలా రూపొందించారు, కథను ఏ స్థాయిలో ముందుకు తీసుకెళ్లారు అనేది ఆసక్తికరంగా మారింది.ఇండియన్ 2లో సిద్ధార్థ్, ఎస్జే సూర్య, బాబీ సింహా, సముద్రఖని, రకుల్ ప్రీత్ సింగ్, ప్రియా భవానీ శంకర్, మధుబాల, బ్రహ్మానందం తదితరులు కీలక పాత్రల్లో నటించారు. ఇండియన్ 3లో మరికొంతమంది కొత్త నటులు చేరారా అనే విషయం ప్రస్తుతం స్పష్టత లేదు.లైకా ప్రొడక్షన్స్, రెడ్ జియాంట్ మూవీస్ బ్యానర్లపై ఈ ప్రాజెక్ట్ రూపొందుతోంది. నిర్మాతల నుంచి విడుదల తేదీపై అధికారిక ప్రకటన రావాల్సి ఉంది. ఒకవేళ ఇండియన్ 3 థియేటర్లలోనే విడుదలైతే సేనాపతిని మరోసారి పెద్ద తెరపై చూసే అవకాశం ప్రేక్షకులకు దక్కుతుంది. మరి ఈసారి శంకర్, కమల్ హాసన్ కాంబినేషన్ భారతీయుడు ఫ్రాంచైజీకి ఎలాంటి ఫలితాన్ని అందిస్తుందో వేచి చూడాలి.