రాజకీయం

క్రైమ్ మిర్రర్, తెలంగాణ పొలిటికల్ బ్యూరో : తెలంగాణలో రాజకీయ ముఖచిత్రంపై ఏదో వెలుగు పడుతోంది. గతంలో అధికారాన్ని అనుభవించినవారు, నేడు ప్రశ్నల తాకిడిలో తడబడుతున్నారు. ఒకప్పుడు ప్రతిపక్షాన్ని అణచివేసిన నేతలు, నేడు తామే ప్రశ్నించబడుతున్న స్థితికి చేరుకున్నారు. ఇది కాలపు మాయో, ఖర్మో అనేది ఇప్పుడు చర్చగా మారింది. ఒకప్పుడు నిర్భయంగా అధికార మదంతో వ్యవహరించిన నేతలు, నేడు జవాబుల కోసం విచారణ కమిషన్ల ఎదుట నిలబడాల్సి వస్తోంది. ఫోన్ ట్యాపింగ్ కేసులో మాజీ ప్రభుత్వ సీనియర్ నేతలు, ఇప్పుడు ఎక్కడ ఎలాంటి నోటీసు వస్తుందోనని శ్వాస తీసుకునే స్థితిలో ఉన్నారు. ప్రశ్నించాల్సిన ప్రతిపక్షం.. ప్రశ్నించబడుతోందెందుకు..? ప్రతిపక్షం అంటే ప్రజల తరఫున ప్రభుత్వానికి ప్రశ్నలు వేయాలి. కానీ ఇక్కడ ప్రశ్నలు ఎదురవుతున్నాయి గత అధికార దుర్వినియోగంపై. విచారణలు ముమ్మరమవుతున్నాయి. మాజీ మంత్రి హరీష్ రావు వంటి నేతలు స్వయంగా విచారణకు హాజరుకావాల్సి వస్తోంది. ఏసీబీ, ఇంటెలిజెన్స్, కమిషన్లు అన్నీ ఒక్కొక్కటిగా ఈ నేతల వైపు చూస్తున్నాయి. కూతురు జైలుకు, కొడుకుకు నోటీసులు, మేనల్లుడు దర్యాప్తులో, తండ్రికి కోర్టుల, కమిషన్ లో నడుమ ఇది ఎవరూ ఊహించని దృశ్యం. కానీ ప్రజాస్వామ్యంలో ఇది సాధారణం. సమయం మారినప్పుడు శక్తి మార్చిన వారే శక్తిహీనులవుతారు. అదీ పాలకుల చరిత్రలో నిత్యసత్యం. మాటే శాసనంగా.. ప్రశ్నే నిషిద్ధంగా చేసిన నేతల దుస్థితి : ఒకప్పుడు మీడియా ప్రశ్నించకూడదన్న విధంగా వ్యవహరించిన నేతలే, నేడు మీడియా ముందే నిలబడే పరిస్థితి ఎదుర్కొంటున్నారు. ఒక్కో సమయంలో మౌనంగా మైక్ ముందు నిలబడే స్థితిలో ఉన్నారు. 'అది నా బాధ్యత కాదు', 'తెలీదు', 'గుర్తులేదు' అనే సమాధానాలతో తప్పించుకునే ప్రయత్నం చేస్తున్నారు. కానీ ప్రజలు ప్రశ్నిస్తున్నారు. ‘‘ఇన్ని సంవత్సరాలు అధికారంలో ఉన్నా నువ్వేం చేశావు?’’ అని. ఫార్ములా రేసులు, అప్పులు, కాళేశ్వరం, లక్షల కోట్ల అప్పులు, వాటి నిర్వాహక లోపాలపై ఇప్పుడు ప్రశ్నలు వస్తున్నాయి. "నీళ్లు అమ్మి అప్పు తీర్చేస్తాం" అనే సమాధానాలు ప్రజలను ఆసంతృప్తి పరిచాయి. ఈ సమాధానాలు గౌరవంగా ఉండే ప్రశ్నలకు అర్హ సమాధానమా? అని జనవాణి అడుగుతోంది. మూసినవారే ముట్టబడుతున్నారు.. గతంలో రేవంత్ రెడ్డిని జైల్లో పెట్టిన కదా.. నేడు రేవంత్ సీఎం. అప్పట్లో ప్రశ్నలతో వినిపించిన నాయకులు నేడు ప్రశ్నల శిలలపై నడవాల్సి వస్తోంది. ఇది కాలచక్రం. సమయం ఎప్పుడూ ఒకేలా ఉండదు. తమ కులాన్ని, కుటుంబాన్ని వాడుకున్న గత అధికార నేతలు నేడు కోర్టు మెట్లు ఎక్కాల్సిన పరిస్థితి ఏర్పడింది. ఇది కొత్త కాదు - ఖర్మ పరిచితమే.. చరిత్ర చూస్తే.. ప్రధాని స్థాయిలోనూ, ముఖ్యమంత్రుల స్థాయిలోనూ విచారణ ఎదురైన నేతలున్నారు. లాలూ, సోరెన్, ఇందిరాగాంధీ, చంద్రబాబు, ఇది కొత్త విషయమేమీ కాదు. కానీ, అధికారంలో ఉన్నప్పుడు 'ప్రశ్నించకుండా ఉండాలన్న ఆకాంక్ష' తో పాలించిన కేసీఆర్ లాంటి నాయకుడికి ఇది శాస్త్రోక్త శిక్ష. ఇంకా ప్రశ్నలు.. ఇంకా ఖర్మ మిగిలే ఉందా..?... ఒక్క ప్రశ్న - కేసీఆర్పై ఇప్పటి కమిషన్లు, విచారణల ద్వారా ఏం తేలుస్తాయో తెలియదు. కానీ, ప్రజల ముందు మాత్రం అతని బలహీనత, భయాన్ని పూర్తిగా చాటిచెప్పేశాయి. ప్రజాస్వామ్యంలో మౌనం కూడా నేరమే. ప్రశ్నను సమర్థంగా ఎదుర్కోవలసిన నేతలు మౌనంగా ఉండటం దురదృష్టకరం. నిర్ణయం కాలానికి... పదవిలో ఉన్నా, లేకున్నా.. సమయం అన్నది ఓ నిర్దిష్ట న్యాయస్థానం. అది ఎవరి పక్షాన నిలవబోదు. తప్పు చేసినవారిని ఎప్పటికైనా నిలదీస్తుంది. కేసీఆర్కు, ఆయన కుటుంబానికి, అనుచరులకు ఇప్పుడు ఆ సమయమే ఎదురైంది. ఇది ఖర్మ కంటే ఎక్కువగా ప్రజాస్వామ్యపు ప్రళయం.

త్రిష ప్రస్తావనతో తమిళనాడు రాజకీయాల్లో మరో వివాదం

చరిత్రలో నిలిచిపోయేలా గోదావరి పుష్కరాలు…!

తెలంగాణ బిజెపిలో ‘ధర్మపురి’ అలజడి…!

తెలంగాణ లో నీళ్ల రాజకీయం…!

2028 అసెంబ్లీ ఎన్నికలే టార్గెట్…తెలంగాణలో ఇప్పటి నుంచే పొలిటికల్ వార్…!

Most Read

ఢిల్లీకి హైఅలర్ట్.. 19 మంది మోస్ట్ వాంటెడ్ ఉగ్రవాదుల పోస్టర్లు విడుదల

రైలు ఢీకొని వృద్ధుడి మృతి.. మృతదేహాన్ని కిలోమీటర్ మేర ఈడ్చుకెళ్లిన ట్రైన్

విద్యుత్ పోల్‌ అమర్చుతుండగా విషాదం.. 5 సెకన్లలోనే కార్మికుడి మృతి

యువ దర్శకులకు అండగా అన్నపూర్ణ స్టూడియోస్.. నాగార్జున కీలక వ్యాఖ్యలు

EDITOR PICKS

ఢిల్లీకి హైఅలర్ట్.. 19 మంది మోస్ట్ వాంటెడ్ ఉగ్రవాదుల పోస్టర్లు విడుదల

రైలు ఢీకొని వృద్ధుడి మృతి.. మృతదేహాన్ని కిలోమీటర్ మేర ఈడ్చుకెళ్లిన ట్రైన్

విద్యుత్ పోల్‌ అమర్చుతుండగా విషాదం.. 5 సెకన్లలోనే కార్మికుడి మృతి

POPULAR POSTS

మునుగోడు ఆశ..రాజన్న శ్వాస..

డ్రైవింగ్ లైసెన్స్‌ నేరుగా ఇంటికే..!

RGV: బలవంతుడిదే రాజ్యం.. గెలిచిన వారి మతంలో చేరుతా!

POPULAR CATEGORY

ABOUT US

Trending Tags