జాతీయం

RBI: దేశంలో వేగంగా పెరుగుతున్న డిజిటల్ మోసాలను నియంత్రించేందుకు రిజర్వ్ బ్యాంక్ ఆఫ్ ఇండియా కీలక నిర్ణయాల దిశగా అడుగులు వేస్తోంది. ముఖ్యంగా తక్షణ చెల్లింపుల విధానాలైన UPI, IMPS ద్వారా పెద్ద మొత్తాల లావాదేవీలపై నియంత్రణలు తీసుకురావాలని ప్రతిపాదనలు సిద్ధం చేసింది. ఈ కొత్త మార్గదర్శకాల ప్రకారం రూ.10,000కు పైబడిన డబ్బు బదిలీలపై కూలింగ్-ఆఫ్ పీరియడ్ అమలు చేసే అవకాశాన్ని పరిశీలిస్తోంది. డిజిటల్ చెల్లింపులు పెరుగుతున్న నేపథ్యంలో వినియోగదారుల భద్రతను బలోపేతం చేయడమే ఈ చర్యల ప్రధాన ఉద్దేశంగా తెలుస్తోంది. ఈ ప్రతిపాదన అమల్లోకి వస్తే రూ.10,000 కంటే ఎక్కువ మొత్తాన్ని పంపినప్పుడు ఆ డబ్బు గ్రహీత ఖాతాలోకి వెంటనే జమ కాకుండా, గరిష్టంగా 1 గంట వరకు ఆలస్యం కావచ్చు. ఈ వ్యవధిలో పంపిన వ్యక్తికి లావాదేవీని మరోసారి పరిశీలించే అవకాశం లభిస్తుంది. ఏదైనా అనుమానం కలిగితే ఆ ట్రాన్సాక్షన్ను రద్దు చేసుకునే అవకాశం కూడా ఉండేలా వ్యవస్థను రూపొందిస్తున్నారు. 2026 నాటికి దేశంలో ఆన్లైన్ మోసాల మొత్తం విలువ రూ.22,000 కోట్లను దాటే అవకాశం ఉందని అంచనాలు చెబుతున్నాయి. ముఖ్యంగా సోషల్ మీడియా ద్వారా జరిగే మోసాలు వేగంగా పెరుగుతున్నాయని గుర్తించారు. మోసగాళ్లు బాధితులను బెదిరించడం లేదా మాయమాటలు చెప్పి వెంటనే డబ్బు పంపించేలా ఒత్తిడి తీసుకొస్తున్నారు. ఈ పరిస్థితుల్లో ఒక గంట సమయం ఇవ్వడం వల్ల వినియోగదారులు ఆలోచించి నిర్ణయం తీసుకునే అవకాశం పెరుగుతుందని భావిస్తున్నారు. అయితే ఈ కొత్త నియమాలు అందరికీ ఒకే విధంగా వర్తించవు. వినియోగదారులు తమకు నమ్మకమైన వ్యక్తులను ముందుగానే వైట్లిస్ట్ చేసుకుంటే, వారికి డబ్బు పంపేటప్పుడు ఎలాంటి ఆలస్యం ఉండదు. అలాగే వ్యాపార లావాదేవీలు, ఇ-మాండేట్లు, చెక్కులు, NACH వంటి చెల్లింపులు ఈ నియమాలకు మినహాయింపుగా ఉంటాయి. అదేవిధంగా 70 ఏళ్లు పైబడిన వారు రూ.50,000 కంటే ఎక్కువ మొత్తాన్ని బదిలీ చేయాలంటే విశ్వసనీయ వ్యక్తి అనుమతి తప్పనిసరి చేయాలని ప్రతిపాదించారు. అలాగే వ్యక్తిగత ఖాతాలు, చిన్న వ్యాపార ఖాతాలలో రూ.25 లక్షలు దాటిన డిపాజిట్లకు అదనపు ధృవీకరణ అవసరం ఉండేలా చర్యలు తీసుకునే ఆలోచనలో ఉన్నారు. ఇవి మాత్రమే కాకుండా వినియోగదారుల భద్రత కోసం ఒక కీలకమైన కిల్ స్విచ్ వ్యవస్థను కూడా ప్రవేశపెట్టే దిశగా ఆలోచనలు కొనసాగుతున్నాయి. ఈ సదుపాయం ద్వారా వినియోగదారులు తమ డిజిటల్ చెల్లింపు సేవలను ఒకేసారి నిలిపివేసే అవకాశం పొందుతారు. ఏదైనా అనుమానాస్పద పరిస్థితి ఎదురైనప్పుడు వెంటనే అన్ని లావాదేవీలను ఆపి నష్టాన్ని తగ్గించుకోవచ్చు. ఈ ప్రతిపాదనలపై మే 8, 2026 వరకు ప్రజల నుంచి సూచనలు స్వీకరించనున్నారు. ఆ తరువాత తుది మార్గదర్శకాలను ప్రకటించే అవకాశం ఉంది. డిజిటల్ చెల్లింపుల్లో భద్రతను పెంచేందుకు తీసుకుంటున్న ఈ చర్యలు వినియోగదారులకు మరింత రక్షణను అందించే దిశగా కీలకంగా మారనున్నాయి. ALSO READ: రాజ్య సభ సభ్యుడిగా నితీష్కుమార్ ప్రమాణ స్వీకారం…!

ఆస్పత్రి నుంచి అన్నా హజారే డిశ్చార్జ్.. ఆరోగ్యం పూర్తిగా మెరుగుపడిందన్న వైద్యులు

కన్నడ పాఠశాలల కోసం రక్తంతో లేఖ.. ఉపాధ్యాయుడి వినూత్న నిరసన

ఎక్స్‌పైరీ మందులు చెత్తబుట్టల్లో వేస్తున్నారా?.. పర్యావరణానికి తీవ్ర ముప్పు అని నిపుణుల హెచ్చరిక!

బాత్రూమ్‌లోకి కూడా వస్తారా?’.. మీడియాపై పినరయి విజయన్ అసహనం

ఎర్రకోట పేలుడు ఆత్మాహుతి దాడే.. ఎన్‌ఐఏ ఛార్జిషీట్‌లో సంచలన విషయాలు

Most Read

మోక్షజ్ఞ సరసన శ్రీలీల.. హీరోయిన్‌గా ఫిక్స్ అవుతుందా?

చిరంజీవి ‘కాకా’ స్టోరీ ఇదేనా? నెట్టింట వైరల్ అవుతున్న కథనం..!

KBCకి అమితాబ్ బచ్చన్ గుడ్‌బై? రిటైర్‌మెంట్‌పై మెగాస్టార్ కీలక వ్యాఖ్యలు

ఇరుముడి ఓటీటీ రిలీజ్‌పై కీలక నిర్ణయం.. రవితేజ సినిమాకు థియేటర్లలో తగ్గని జోరు!

EDITOR PICKS

మోక్షజ్ఞ సరసన శ్రీలీల.. హీరోయిన్‌గా ఫిక్స్ అవుతుందా?

చిరంజీవి ‘కాకా’ స్టోరీ ఇదేనా? నెట్టింట వైరల్ అవుతున్న కథనం..!

KBCకి అమితాబ్ బచ్చన్ గుడ్‌బై? రిటైర్‌మెంట్‌పై మెగాస్టార్ కీలక వ్యాఖ్యలు

POPULAR POSTS

మునుగోడు ఆశ..రాజన్న శ్వాస..

డ్రైవింగ్ లైసెన్స్‌ నేరుగా ఇంటికే..!

RGV: బలవంతుడిదే రాజ్యం.. గెలిచిన వారి మతంలో చేరుతా!

POPULAR CATEGORY

ABOUT US

Trending Tags