క్రైమ్ మిర్రర్,తిరుపతి:- ఆధ్యాత్మిక నగరం తిరుపతిలో ‘RAW NTR’ పేరుతో నిర్వహించ తలపెట్టిన ఒక కార్యక్రమం ఇప్పుడు తీవ్ర వివాదాస్పదంగా మారింది. గ్లోబల్ స్టార్ జూనియర్ ఎన్టీఆర్ పేరును కొందరు స్వార్థ ప్రయోజనాల కోసం దుర్వినియోగం చేస్తున్నారంటూ ఆయన అభిమాన సంఘాల నాయకులు తిరుపతి పోలీసులకు అధికారికంగా ఫిర్యాదు చేశారు. ఈ కార్యక్రమానికి, నటుడు ఎన్టీఆర్కు ఎలాంటి సంబంధం లేదని వారు ఈ సందర్భంగా స్పష్టం చేశారు.
రాజకీయ ప్రయోజనాల కోసం తప్పుడు ప్రచారం!
తమ ప్రియతమ నాయకుడు ఎన్టీఆర్ పేరును వాడుకుంటూ కొందరు రాజకీయ లబ్ధి మరియు వ్యక్తిగత ప్రయోజనాల కోసం తప్పుడు ప్రచారాలు చేస్తున్నారని అభిమానులు ఆరోపిస్తున్నారు. ఎన్టీఆర్ అనుమతి లేకుండా, ఆయన ప్రతిష్టకు భంగం కలిగించేలా ఈ కార్యక్రమాన్ని ప్లాన్ చేశారని ఫిర్యాదులో పేర్కొన్నారు. ఎన్టీఆర్ ఇమేజ్ను వాడుకుని ప్రజలను, అభిమానులను తప్పుదోవ పట్టించే ప్రయత్నం చేస్తున్న వారిపై తక్షణమే కఠిన చట్టపరమైన చర్యలు తీసుకోవాలని వారు పోలీసులను కోరారు.అభిమానుల ఫిర్యాదుతో అప్రమత్తమైన తిరుపతి పోలీసులు కేసు నమోదు చేసుకుని దర్యాప్తును వేగవంతం చేశారు. ఈ ‘RAW NTR’ కార్యక్రమం జరగనున్న వేదికగా భావిస్తున్న స్థానిక ప్రముఖ ‘తాజ్ హోటల్’ యాజమాన్యంతో పోలీసులు సంప్రదింపులు జరిపారు. ఈ ఈవెంట్ను ఎవరు బుక్ చేశారు? దీని వెనుక ఉన్న నిర్వాహకులు ఎవరు? అసలు ఈ కార్యక్రమ ఉద్దేశం ఏమిటి? అనే కోణంలో పోలీసులు హోటల్ మేనేజ్మెంట్ నుండి పూర్తి వివరాలు మరియు బుకింగ్ రికార్డులను సేకరిస్తున్నారు.అనుమతులు లేకుండా ఎన్టీఆర్ పేరును వాడుకుంటూ కార్యక్రమాలు నిర్వహిస్తే సహించేది లేదని, నిందితులను త్వరలోనే గుర్తిస్తామని పోలీసులు తెలిపారు.
AI టూల్స్ అతిగా వాడుతున్నారా..చాట్జీపీటీ, జెమిని, క్లాడ్ వల్ల జరిగే నష్టాలు ఇవే!
