బుల్లితెర ప్రేక్షకులను తన ప్రత్యేకమైన తెలంగాణ యాస, టైమింగ్తో ఆకట్టుకున్న ప్రముఖ లేడీ కమెడియన్ ఫైమా జీవితంలో న్యూ ఛాప్టర్ స్టార్ట్ అయింది. చాలా కాలంగా ప్రేమలో ఉన్న తన ప్రియుడు ప్రవీణ్ నాయక్ను ఆమె సాదాసీదా రిజిస్టర్ మ్యారేజ్ ద్వారా వివాహం చేసుకుంది. ఈ విషయం సోషల్ మీడియాలో పంచుకోవడంతో అభిమానుల్లో ఆనందం వెల్లువెత్తుతోంది.
జూన్ 23న కుటుంబ సభ్యులు, అత్యంత సన్నిహితుల సమక్షంలో ఫైమా–ప్రవీణ్ నాయక్ వివాహం జరిగినట్లు తెలుస్తోంది. ఎలాంటి ఆర్భాటాలు లేకుండా సింపుల్గా జరిగిన ఈ పెళ్లి, ఇప్పుడు సోషల్ మీడియాలో హాట్ టాపిక్గా మారింది. పెళ్లి ఫోటోలు బయటకు రావడంతో అభిమానులు శుభాకాంక్షల వర్షం కురిపిస్తున్నారు.
పెళ్లి అనంతరం ఫైమా చేసిన భావోద్వేగ పోస్టు అందరినీ ఆకట్టుకుంటోంది. తమ ప్రేమ ప్రయాణంలో ఎదురైన అడ్డంకులను గుర్తు చేసుకుంటూ, ఎంతటి కష్టాలు వచ్చినా ఒకరినొకరు వదలకుండా ముందుకు సాగామని ఆమె తెలిపింది. ఎన్నో సవాళ్లు ఉన్నప్పటికీ ప్రతిరోజూ ఒకరినొకరు ఎంచుకున్నామని చెప్పిన ఆమె, చివరకు భార్యాభర్తలమయ్యామని ఆనందాన్ని వ్యక్తం చేసింది.
‘పటాస్’ కామెడీ షోతో తన ప్రయాణాన్ని ప్రారంభించిన ఫైమా, తక్కువ సమయంలోనే తనదైన స్టైల్తో మంచి గుర్తింపు తెచ్చుకుంది. ఆ తర్వాత ‘జబర్దస్త్’ వేదికగా మరింత పాపులర్ అయి, ప్రేక్షకుల హృదయాల్లో స్థానం సంపాదించింది. అనంతరం ‘బిగ్బాస్’ రియాలిటీ షోలో పాల్గొని తన వ్యక్తిత్వంతో మరింత దగ్గరైంది.
బుల్లితెర వర్గాల సమాచారం ప్రకారం, ఫైమా–ప్రవీణ్ నాయక్ మధ్య ప్రేమ దాదాపు తొమ్మిది సంవత్సరాలుగా కొనసాగింది. కలిసి చేసిన స్కిట్స్ ద్వారా ఏర్పడిన అనుబంధం, కాలక్రమేణా నిజమైన ప్రేమగా మారి, ఇప్పుడు పెళ్లితో మరింత బలపడింది. ఆన్స్క్రీన్ కెమిస్ట్రీ ఆఫ్స్క్రీన్లోనూ సక్సెస్ కావడంతో అభిమానులు ఈ జంటకు ప్రత్యేకంగా అభినందనలు తెలుపుతున్నారు.
also read: కొత్త బస్సులో సీఎం విజయ్ సవారీ.. ప్రజలతో కలిసిన ‘రియల్ లీడర్’
