క్రైమ్ మిర్రర్, సినిమా:- ఐకాన్ స్టార్ అల్లు అర్జున్, సెన్సేషనల్ డైరెక్టర్ అట్లీ కాంబినేషన్లో వస్తున్న అత్యంత ప్రతిష్టాత్మక చిత్రం ‘రాకా’. అత్యంత భారీ బడ్జెట్ సైన్స్ ఫిక్షన్ యాక్షన్ ఎంటర్టైనర్గా తెరకెక్కుతున్న ఈ సినిమాను దాదాపు రూ.800 కోట్ల అంచనా వ్యయంతో నిర్మిస్తున్నారు. దర్శకుడు అట్లీ గత 20 సంవత్సరాలుగా తన మదిలో దాచుకున్న ఒక యునిక్ మరియు విభిన్నమైన కథాంశంతో ఈ చిత్రాన్ని ఎంతో అద్భుతంగా రూపుదిద్దుతున్నారు.ఈ పాన్-వరల్డ్ సినిమాపై ఉన్న విపరీతమైన క్రేజ్ దృష్ట్యా, లాంగ్ రన్లో ప్రపంచవ్యాప్తంగా దాదాపు రూ.2,000 కోట్ల గ్రాస్ కలెక్షన్లు రాబట్టడమే లక్ష్యంగా మేకర్స్ ప్రణాళికలు రచిస్తున్నారు. ముఖ్యంగా నార్త్ ఇండియా మార్కెట్లో ఉన్న అంచనాల ప్రకారం, కేవలం హిందీ వెర్షన్ నుంచే రూ.500 కోట్ల నుండి రూ.700 కోట్ల వరకు నెట్ వసూళ్లు సాధించే అవకాశం ఉందని ట్రేడ్ విశ్లేషకులు భావిస్తున్నారు.
శుభకార్యాల్లో వసూళ్లపై డీజీపీ సీవీ ఆనంద్ సీరియస్.. ప్రత్యేక డ్రైవ్కు ఆదేశం
అత్యున్నత స్థాయి సాంకేతిక విలువలు, భారీ విజువల్ ఎఫెక్ట్స్తో వస్తున్న ఈ సైన్స్ ఫిక్షన్ చిత్రం భారతీయ సినిమా స్థాయిని మరో మెట్టు పైకి తీసుకెళ్తుందని సినీ వర్గాలు ఆశాభావం వ్యక్తం చేస్తున్నాయి. అల్లు అర్జున్ మాస్ ఇమేజ్, అట్లీ లార్జర్ దాన్ లైఫ్ టేకింగ్ తోడవ్వడంతో ఈ ప్రాజెక్ట్పై ప్రపంచవ్యాప్తంగా భారీ అంచనాలు నెలకొన్నాయి.
ఏపీ మున్సిపల్ ఎన్నికల్లో కొత్త రూల్స్: లెక్కలు చూపకపోతే మూడేళ్ల జైలు, పదవి రద్దు!