క్రైమ్ మిర్రర్, స్పోర్ట్స్ న్యూస్:- సయ్యద్ ముస్తాక్ అలీ ట్రోఫీలో భారత యువ ఓపెనర్ అభిషేక్ శర్మ విధ్వంసకర బ్యాటింగ్ తో సెంచరీ నమోదు చేశారు. కేవలం 32 బంతుల్లోనే సెంచరీ నమోదు చేసి రికార్డు సృష్టించాడు. ఆట మొదలైనప్పటి నుంచి కూడా సిక్సర్లతో అభిషేక్ శర్మ వీర విహారం చేశాడు. మొదట 12 బంతుల్లోనే హాఫ్ సెంచరీ నమోదు చేసిన అభిషేక్ శర్మ ఆ తరువాత 20 బంతుల్లో మరో హాఫ్ సెంచరీ పూర్తిచేసుకుని మొత్తంగా 32 బంతుల్లో సెంచరీ బాదేశాడు. ఇక ఓవరాల్ గా 42 బంతుల్లో అభిషేక్ శర్మ 148 పరుగులు చేసి ప్రత్యర్థులకు వణుకు పుట్టించాడు. బెంగాల్ మరియు పంజాబ్ మధ్య జరిగిన ఈ టి20 లో పంజాబ్ మొదటి బ్యాటింగ్ ఎంచుకొని 20 ఓవర్లలో ఏకంగా 310 పరుగులు చేసింది. ఇందులో అభిషేక్ శర్మ 148, ప్రెబు సిమ్రాన్ సింగ్ 70, రమన్దీప్ 39 రన్స్ చేశారు. ఈ మ్యాచ్ లో పంజాబ్ బ్యాట్స్మెన్లు ఏకంగా 28 సిక్సులు బాదారు. టి20 లో అత్యధిక వ్యక్తిగత స్కోర్ చేసిన బ్యాటర్లలో అభిషేక్ శర్మ రెండో స్థానంలో నిలిచారు. కాగా గత ఏడాది ఇదే ట్రోఫీలో తెలుగు ప్లేయర్ తిలక్ వర్మ 151 రన్స్ చేసి తొలి స్థానంలో నిలిచారు.
Read also : రాజధానిలో రియల్ ఎస్టేట్ మాఫియా.. షర్మిల సంచలన వ్యాఖ్యలు!
Read also : తుఫాన్ ప్రభావం.. ఏపీలో భారీ వర్ష సూచన జిల్లాలు ఇవే!
